တရုတ်နိုင်ငံသားပိုင် LZS Apparel အထည်ချုပ်စက်ရုံမှာ အလုပ်သမားဥပဒေပါခံစားခွင့်တွေကိုမပေးတဲ့အပြင် အဓမ္မခိုင်းစေတာတွေကို လုပ်ဆောင်နေတယ်လို့ အလုပ်သမားတွေက ပြောပါတယ်။
ဒီစက်ရုံကို လှိုင်သာယာမြို့နယ်၊ ရွှေသံလွင်စက်မှုဇုန်လမ်းမကြီး၊ သံလွင်လမ်းမှာ ဖွင့်လှစ်ထားတာပါ။လက်ရှိမှာလုပ်သားအင်အား(၈၀၀)ကျော်နဲ့လုပ်ငန်းလည်ပတ်နေပြီးတော့နေ့စားအလုပ်သမားတွေကိုလည်းခေါ်ယူခိုင်းစေနေပါတယ်။
အလုပ်သမားတွေကိုနေ့စဉ်အလုပ်ချိန်နံနက်၇နာရီခွဲကနေည၇နာရီခေါ်ယူနေပြီးလုပ်သားတစ်ဦးရဲ့လုပ်နိုင်စွမ်းထက်ကျော်လွန်ပြီးအထည်စံချိန်တွေကိုတောင်းခံနေတယ်လို့အလုပ်သမားတွေကပြောပါတယ်။ချုပ်လုပ်ရတာကတော့ဂျပန်ထည်နဲ့ဂျာကင်ထည်တွေဖြစ်ပြီးချုပ်ရတာခက်ခဲတယ်လို့သိရပါတယ်။
"စက်ရုံဘက်ကအထည်စံချိန်တွေကိုမတရားတောင်းတယ်။စက်လိုင်းတလိုင်းကိုစူပါ၊ဟက်ပါအပါမှလူ(၆၀)ရှိတယ်။တစ်နာရီကိုလိုင်းပေါက်အထည်(၇၀)ထိပေးရတယ်။ညနေပြန်ချိန်နားနီးလို့မှအလုပ်ရှင်ဘက်ကသတ်မှတ်တဲ့အထည်စံချိန်မရရင်မန်နေဂျာလက်ထောက်ကေအာ်ဟစ်ပြီးရိုင်းရိုင်းစိုင်းစိုင်းပြောတယ်။နောက်အလုပ်ရှင်ဘက်ကစက်ရုံမှာဘယ်ခွင့်ရက်မှခံစားခွင့်မပေးဘူးပြောတယ်။တစ်ရက်လောက်ခွင့်ယူမိရင်ဒေးကြေး၊ထောက်ပံ့ကြေး၊ ရက်မှန်ကြေး၊ ABCကျွမ်းကျင်ကြေးအကုန်လူံအချိုးနဲ့အဖြတ်ခံရတယ်"လို့စက်ရုံလုပ်သားတစ်ဦးကပြောပါတယ်။
အလုပ်တစ်ရက်ပျက်ပါက ရှောင်တခင်ခွင့်မရဘဲ စက်ရုံမှဒေးကြေး(၆၈၀၀ ကျပ်၊ ထောက်ပံ့ကြေး(၁၀၀၀ကျပ်၊ ရက်မှန်ကြေး(၄၀၀၀၀)ကျပ်၊ ABCကျွမ်းကျင်ကြေးပေးထားပြီး အလုပ်တစ် ရက်ပျက်လျင် အချိုးကျဖြတ်တောက်တာလို့ သိရပါတယ်။
စက်ရုံလုပ်ငန်းခွင်ထဲမှာလည်းခွဲခြားဆက်ဆံတာတွေရှိနေပြီးကျွမ်းကျင်မှုအဆင့်သတ်မှတ်တာကိုလည်းအော်စူပါ၊စူပါတွေဲ့အဆင်ပြေသူတွေကိုပဲဂရိတိအမြင့်တွေပေးနေတယ်လို့သိရပါတယ်။ဒီအခြေအနေကြောင့်လည်းအမှန်တကယ်ကျွမ်းကျင်မှုရှိတဲ့အလုပ်သမားတွေမှာနစ်နာမှုတွေဖြစ်ပေါ်နေပါတယ်။
"ဖယ်ရီကားတွေလည်းအရမ်းကြပ်တယ်။စီးတဲ့သူနဲ့ကားမဆန့်တာများလို့အလုပ်သမားတိုင်းဖယ်ရီမစီးရဘူး။နောက်နေ့စားအလုပ်သမားတွေဆိုလည်းတနင်္ဂနွေနေ့တောင်ခံစားခွင့်မရဘူး။ဒီအခြေအနေတွေကိုအမြန်ဆုံးအဆင်ပြေစေချင်တယ်"လို့ သူက ပြောပါတယ်။
စက်ရုံအလုပ်သမားတွေအနေနဲ့ဖယ်ရီတွေကိုလူတိုင်းစီးနိုင်ဖို့၊ဥပဒေအတိုင်းခွင့်ခံစားခွင့်တွေရဖို့၊ကျွမ်းကျင်မှုဂရိတ်တွေကိုလုပ်ေဆာင်ချက်အတိုင်းခွဲခြားပေးဖို့၊လုပ်ငန်းခွင်တွင်းဆဲဆိုတာတွေ၊ရိုင်းစိုင်းစွာအော်ဟစ်တာတွေမလုပ်ဖို့နဲ့အထည်စံချိန်ကိုညှိနှိုင်းသတ်မှတ်တာတွေလုပ်ဆောင်ဖို့လိုလားနေတယ်လို့ အလုပ်သမားတွေကပြောဆိုထားပါတယ်။
