NEWS

LUCKY FORTUNE GARMENTစက်ရုံ ခွင့် မပေးဘဲ ရက်ပျက်ပါက ရပိုင်ခွင့် ဖြတ်တောက်

CoverLogo
444 Views

  LUCKY FORTUNE GARMENT စက်ရုံ က ခွင့် မပေးဘဲ ရက်ပျက်ပါက ရပိုင်ခွင့်တွေ ဖြတ်တောက်နေတယ်လို့ အလုပ်သမားတွေက ပြောပါတယ်။ ဒါ့အပြင် ကလေးအလုပ်သမားများကိုလည်း ဥပဒေပါ အလုပ်ချိန်ထက် ကျော်လွန်ပြီး တခြားလုပ်သားတွေနဲ့ ခိုင်းစေပြီး စံချိန်မတရားတောင်း ခိုင်းစေနေတယ်လို့ သိရပါတယ်။  

အလုပ်သမားဥပဒေမှာ သတ်မှတ်ထား ခွင့်ရက်တွေကိုလည်း စက်ရုံအလုပ်သမားတွေ တန်းတူခံ စားခွင့်မရရှိပဲ ကြီးကြပ်သူတွေနဲ့ နီးစပ်သူတွေ တချို့သာ ခွင့်ရပေးပြီး ခွဲခြားဆက်ဆံတာတွေ ရှိနေတယ်လို့ အလုပ်သမားတွေက ပြောပါတယ်။ 

“ စူပါတွေနဲ့အမျိုးတော်တဲ့သူ အဆင်ပြေတဲ့သူတွေကတော့ ခွင့်ရကြတယ်။ စူပါကို ပြန်ပြောဖူးတဲ့ အလုပ်သမား တွေဆိုရင် ဘယ်လိုခွင့်မှ မရတာ၊ ခွင့်တိုင်ပြီး အလုပ်ရင်တောင် ရက်ပျက်လို့ သတ်မှတ်တယ်။ လစာထုတ်ရင် အလုပ်တစ်ရက်ပျက်လို့ ဒေးကြေး ၅၈၀၀ ကျပ်၊ ရက်မှန်ကြေး ၁၀၀၀၀ ဖြတ်ခံတယ်” လို့ စက်ရုံ အလုပ်သမား တဦးက ပြောပါတယ်။ 

LUCKY FORTUNE GARMENT စက်ရုံကတော့ အင်းစိန်မြို့နယ်၊ ရွှေပြည်သာစက်မှုဇုန်(၄)၊ ဆရာဦးထွန်းလမ်းမှာ ရှိပြီး လုပ်ငန်းထဲကအသက်မပြည့်တဲ့ လူငယ်၊ လူရွယ် ကလေးလုပ်သမားတွေကို ဥပဒေမှာ ခွင့်ပြုတဲ့ အလုပ် အချိန်အတိုင်း ခိုင်းစေတာမရှိဘဲ တခြားအလုပ်သမားတွေနဲ့ တန်းတူခိုင်းစေနေတယ်လို့ အလုပ်သမားတဦးက ပြောပါတယ်။ အဲဒီကလေး လုပ်သားတွေကို အထည်စံချိန်တန်းတူ တောင်းပြီး ဖိနှိပ် ပြောဆိုနေတယ်လို့လည်း သိရပါတယ်။ 

အထည်စံချိန်တောင်းခံရာမှာ လိုင်းအလိုက် စံချိန်တောင်းပြီး စက်တလိုင်းကို တနာရီ အထည် ခြောက်ဆယ် ဝန်းကျင် ပြီးစီးအောင် ချုပ်ခိုင်းနေတာလို့ ဆိုပါတယ်။ အထည်စံချိန်ကို အလုပ်သမားတွေ မပေးနိုင်ပါက စူပါ ကြီးကြပ်သူတွေက အော်ဟစ် ဆဲဆိုပြီး အလုပ်သမား အချင်းချင်း ခွဲခြားဆက်ဆံခံရတယ်လို့ အလုပ်သမားတွေက ပြောကြားပါတယ်။   

ပြီးခဲ့တဲ့ ၂၀၂၃ ခုနှစ်အတွင်း LUCKY FORTUNE GARMENT စက်ရုံဟာ အလုပ်သမားတွေအပေါ် ချိုးဖောက်မှု အမြောက်အများရှိခဲ့တာကြောင့် Myanmar Labour News မှာ အကြိမ်ကြိမ်သတင်းဖော်ပြခံခဲ့ရတဲ့ စက်ရုံဖြစ် ပါတယ်။ စက်ရုံဟာ မြန်မာနိုင်ငံသားခံယူထားတဲ့ တရုတ်လူမျိုးပိုင်စက်ရုံဖြစ်ပြီး အလုပ်သမား ၁၀၀၀ ကျော်နဲ့ TULTEX၊ EUNCENTRO စတဲ့ အမှတ်တံဆိပ်တို့ ချုပ်လုပ်နေတယ်လို့ သိရပါတယ်။

LUCKY FORTUNE GARMENT စက်ရုံမှာ အလုပ်သမားသမဂ္ဂ ဖွဲ့စည်းထားတာမရှိဘဲ ခွင့်ရက်၊ ဆေးခွင့်တွေကို တန်းတူ ပေးဖို့ စူပါတွေ ဆဲဆို အော်ဟစ် ရိုင်းစိုင်းစွာ ပြောဆိုတာတွေ မလုပ်ဖို့နဲ့ အလုပ်သမားအချင်းချင်း ခွဲခြား ဆက်ဆံတာတွေ မလုပ်ဖို့ လိုလားတယ်ဆိုပြီး ပြောဆိုထားပါတယ်။


Related posts

Cover
Security company detain employees and tried to extorted money
Oct 18, 2024
Cover
ထားဝယ်တွင် ဆီတင်သင်္ဘော မီးလောင်မှုကြောင့် ၈ဦးသေဆုံး ၃ ဦးထိခိုက်ဒဏ်ရာရကာ ၁ ဦးပျောက်ဆုံးနေ
Oct 15, 2024
Cover
Prettex Myanmar စက်ရုံ တွင် သီတင်းကျွတ် ပိတ်ရက်အား အချိန်ပို အတင်းအကျပ်ခေါ်
Oct 15, 2024
Cover
Jing Ying အုတ်ပြားစက်ရုံတွင် EC စာချုပ်မချုပ်ဘဲ အလုပ်နှင့် မသက်ဆိုင်သည့် လုပ်ငန်းများ ခိုင်းစေ
Oct 15, 2024
Cover
BEST GARMENT (LAOS) CO.LTD မှ မြန်မာအထည်ချုပ်လုပ်သားတွေအပေါ် အလုပ်သမားအခွင့်အရေးချိုးဖောက်၊ တိုင်ကြားတဲ့အလုပ်သမားကိုအလုပ်ထုတ်
Oct 14, 2024
Cover
General Textile အထည်ချုပ်  သီတင်းကျွတ်ရက်စားအတွက် တနင်္ဂနွေ ညနက်တွေပါ အတင်းကျပ် လုပ်ကိုင်ခိုင်း
Oct 13, 2024
Cover
အထည်စံချိန်အလွန်အကျွံတောင်းခံပြီး အချိန်ပိုအခမဲ့ဆင်းခိုင်း
Oct 12, 2024
Cover
အလုပ်သမားသဘောဆန္ဒမပါဘဲ သီတင်းကျွတ်ကန်တော့ရန် ငွေကြေးဖြတ်တောက်တာတွေ မလုပ်ဖို့တောင်းဆို
Oct 11, 2024