LITA MYANMAR အထည်ချုပ်စက်ရုံက သင်္ကြန်ကာလ ပိတ်ရက် ၂ ရက်အတွက် ရက်စား ဆင်းခိုင်းနေတယ်လို့ အလုပ်သမားတွေက ပြောပါတယ်။ စက်ရုံကို သင်္ကြန်ကာလ ၁၁ ရက်အထိ ပိတ်ထားမယ်လို ပြောကြားထားပြီး အလုပ်သမားတွေကို မေးမြန်းတာမရှိဘဲ ရက်အစား ဆင်းခိုင်းနေတာလို့ ပြောပါတယ်။
“အလုပ်သမားတွေကို ဘာမှမမေးဘူး။ သင်္ကြန်ပိတ်ရက် ၉ရက်ကို အလုပ်ရှင်က ၁ ၁ရက် ပိတ်မယ် ပြောတယ်။ ရက်စား ၂ရက်ဆင်း၊ အဲရက်စားကို အလုပ်သမားတွေက မဆင်းချင်ဘူး ဒါကို ဖိအားပေးဆင်းခိုင်းနေတာ။” လို့ အလုပ်သမားတွေက ပြောပါတယ်။
သတ်မှတ် ပိတ်ရက်ထက် စက်ရုံဘက်က ၂ရက် ပိုပိတ်ထားပြီး အဲ့ဒီရက်စားတွေကို ဧပြီ ၅ ရက်နဲ့ ၂၆ ရက်မှာ တွေမှာ လုပ်ကိုင်ပေးရမှာ ဖြစ်တယ်လို့ အလုပ်သမားတွေက ပြောပါတယ်။ လက်ရှိမှာ အထည်စံချိန်တွေကို အလုပ်ရှင်ကိုယ်တိုင် တိုးတောင်းနေပြီ စံချိန်မပြည့်လို့ ပြောဆိုဖိအားပေးနေတယ်လို့ ပြောပါတယ်။
“အလုပ်ရှင်က စံချိန်မတရားတောင်းနေတာ၊ တကယ် ပိုက်ဆံရတော့ နည်းနည်းလေး၊ သူဌေးမ ကိုယ်တိုင် စကားပြန်နဲ့ စံချိန်တောင်းနေတယ် ၊ စံချိန်တွေက တဖက်သတ်တွေ ။ စံချိန်မရရင် အလုပ်သမားတွေကို စကားပြန်နဲ့ခေါ်ဆူတယ်။ အလုပ်သမားတွေရှေ့မှာပဲ မန်နေဂျာက စက်လိုင်း အောစူပါကို အကုသိုလ်မ လို ပြောတယ်။” လို့ အလုပ်သမားတွေက ပြောပါတယ်။
အဲလို အရှက်ရအောင် ပြောဆိုမှုတွေကြောင့် အောစူပါ တစ်ဦး အလုပ်ထွက်သွာတယ်လို့ အလုပ်သမားတွေက ပြောပါတယ်။ စက်ရုံဘက်က ဂိတ်ပတ်စ်မပေးတဲ့အပြင် စက်ရုံဝန်ဆောင်မှုတွေက အလုပ်သမားတွေအတွက် နစ်နာမှုတွေ ဖြစ်နေတယ်လို့ ပြောပါတယ်။
“ တနင်္လာနေ့၊ စနေနေ့မှာ က မိသားစုကိစ္စ ဘယ်လောက်အရေးကြီးကြီး ဂိတ်ပတ်စ် မေပးဘူး။ ဆေးခန်းမှာ ဆေးမရှိဘူး၊ ဓါတ်ဆားကို မရှိတာ ။ ဆေးပေးခန်းက သူနာပြုက မတူသလို မတန်သလိုဆက်ဆံတယ်။ စက်ရုံကသူဌေးက သူသဘောကျတဲ့ အလုပ်သမားဆိုရင် ပစား ပေးတယ်၊ တခြားအလုပ်သမားတွေက နစ်နာနေတယ်” လို့ ပြောဆိုထားပါတယ်။
LITA MYANMAR Co.,Ltd အထည်ချုပ်စက်ရုံမှာ အလုပ်သမား ၇၀၀ ကျော် လုပ်ကိုင်နေပြီး တရုတ်နိုင်ငံသားပိုင် စက်ရုံလို့ သိရပါတယ်။ ရန်ကုန်မြို့၊ အင်းစိန်မြို့နယ်၊ ရွှေပြည်သာစက်မှုဇုန် ၄ ၊ စက်ဆရာဦးထွန်းလမ်းမှာ ဖွင့်လှစ်ထားပြီး လက်ရှိ Tsdesign, Burtle တံဆိပ် အထည်တွေချုပ်လုပ်နေတယ်လို့ သိထားပါတယ်။
