ရွှေပြည်သာစက်မှုဇုန် က LITA MYANMAR Co.,ltd ပိုင် အထည်ချုပ်စက်ရုံမှာ အလုပ်သမား ၂၅၀ ကျော်က လုပ်ငန်းခွင်အတွင်း တောင်းဆိုမှုတွေ ပြုလုပ်နေတယ်လို့ သိရပါတယ်။ Finishing နဲ့ စက်လိုင်းက အလုပ်သမားတချို့က လုပ်ငန်းခွင်အတွင်း လုပ်ခလစာ မညီမျှတွေအတွက် တောင်းဆိုမှုတွေ ပြုလုပ်နေတာလို့ အလုပ်သမားတွေက ပြောပါတယ်။ 

“စက်ရုံထဲမှာ လုပ်ခလစာ  ၈၈၀၀ ကို တပြေးညီ ပေးဖို့ တောင်းဆိုတာပါ။ စက်လှိုင်းတွေဘက်က ဒေးကြေးက ကျွန်တော်တို့ထက်မြင့်ပါတယ်။ ဌာနထဲမှာကို ဒေကြေး လေးငါးမျိုး ဖြစ်နေလို့ ညီညီမျှမျှပေးဖို့ တောင်းဆိုနေတာပါ” လို့ အလုပ်သမားတဦးက ပြောပါတယ်။ 

စက်ရုံက ရန်ကုန်မြို့၊ ရွှေပြည်သာမြို့နယ်၊စက်မှူဇုန်(၄)မှာရှိပြီး စက်ရုံလုပ်သား ၉၀၀ ကျော်လုပ်ကိုင်နေတယ်လို့ အလုပ်သမားတွေက ပြောပါတယ်။ စက်ရုံဘက်က ဒေးကြေး ၈၈၀၀ ကို မည်သူ့ကိုမျှ မပေးဘဲ ငြင်းဆိုထားပေမဲ့ အချိန်ပိုကြေးတွေမှာ ဘာကြောင့် ကွာခြားမှုရှိတယ်ဆိုတာ ရှင်းမပြဘူးလို့ အလုပ်သမားတွေက ပြောပါတယ်။

“တောင်းဆိုမှုတွေက ဒီနေ့ ဒီဇင်ဘာ ၂၃ ရက် မနက်ပိုင်းက စတာပါ။ HR က လာပြောတာက စက်ရုံက ၈၈၀၀ ဘယ်သူ့မှ မပေးဘူးတဲ့။ အလုပ်သမားလိုလို့ အဲ့ဈေးပြောပြီး အလုပ်ခေါ်တာလို့ ပြောတယ်။ ဒါပေမဲ့ အချိန်ပိုကြေးတွေမှာ ခွဲခြားပေးတာကို မြင်ထားတယ်။ သိထားတယ်။ ဒါကိုတော့ ရှင်းမပြပါဘူး။” လို့ ပြောပါတယ်။ 

လက်ရှိ အလုပ်သမားတွေ ကတော့ “ ၁။ အလုပ်ရှင်မှ အလုပ်သမားများ  အားလုံးကို တန်းတူ ဒေးကြေး ၈၈၀၀ကျပ်ပေးရဖို့ ၊ ၂။ ရက်မှန်ကြေး နောက်ထပ် ၃၀၀၀၀ ထပ်တိုးပေးဖို့ ၊ ၃။ စက်ရုံတွင် အလုပ် လုပ်တာကြာပြီ ဖြစ်တာကြောင့် နှစ်ကြေးပေးဖို့နဲ့ တစ်နှစ်ကို ၁၀၀၀၀မှ စတင်ပေးဖို့ ၊ ၄။ အလုပ်ရှင် ဘက်မှ ဥပဒေပါ ခံစားခွင့် ဖြစ်သော ရှောင်တခင်ခွင့် ပေးရန်၊ ၅။ အလုပ်ရှင်ဘက်မှ အလုပ်သမားများ မချုပ်လုပ်နိုင်သောစံချိန်တွေကို မတောင်းဖို့ ၊ ၆။ အောစူပါ၊ စူပါတွေက  အထည်စံချိန်တောင်းခံရာမှာ ဆဲဆိုပြီး မတောင်းဖို့ ၊ ၇။ အလုပ်ရှင်ဘက်က လူမှုဖူလုံရေးမှပေးတဲ့ ဆေးခွင့်ခံစားခွင့်ကို အလုပ်ရှင်ဘက်က ဒေကြေးခံစားခွင့်ပေးဖို့” တောင်းဆိုထားပါတယ်။

LITA MYANMAR အထည်ချုပ်စက်ရုံက TSDESIGN , FORK& SPOON , GLACIER , GoldenBear နဲ့ BULTLE စတဲ့ တံဆိပ်တွေ ချုပ်လုပ်နေတဲ့ အပြင် ရွှေသံလွင်စက်မှုဇုန် ဆိုလာမိုလာအထည်ချုပ်စက်ရုံက တံဆိပ်တချို့လည်း ချုပ်လုပ်ပေးနေတယ်လို့ အလုပ်သမားတွေက ပြောကြားထားပါတယ်။  

#MyanmarLabourNews