သာဓုကန်စက်မှုဇုန်က KSheng (ရုံ ၁ ) လိုင်းခေါင်းဆောင်တစ်ဦး ဝန်ထမ်းတွေရဲ့ ကျွမ်းကျင်ကြေး (ဂရိတ်ကြေး) တွေကို ခေါင်းပုံဖြတ် ရယူနေတယ်လို့အလုပ်သမားတွေက ပြောပါတယ်။
"လစာထုတ်တဲ့နေ့မှာ နင်က A+ မရသင့်ဘူး။ A ပဲရသင့်တယ်ပြောပြီး လစာထဲက ပိုနေတဲ့ဂရိတ်ကြေးပေးဆိုပြီး ၃၀၀၀၀ကျော်လောက် ဖြတ်ယူထားလိုက်တယ်။ တခါဆို တစ်လတည်း အလုပ်သမား ၉ ယောက်ဆီက ဖြတ်တောက်ယူထားလိုက်တာ။ တိုင်ချင်တဲ့ နေရာတိုင်၊ ဆိုပြီးပြောတယ်" လို့ အလုပ်သမားတစ်ဦးက ပြောပါတယ်။
လိုင်း ၁၁ ခေါင်းဆောင်မှာ မျိုးပပလွင်ဆိုတဲ့ အမျိုးသမီး တဦး ဖြစ်ပြီး စက်လိုင်းက အကူလုပ်သား မိန်းကလေးငယ်တွေကိုပါ ခွဲခြား ဆက်ဆံနေတယ်လို့ အလုပ်သမားတွေက ပြောပါတယ်။
"သူ(မျိုးပပလွင်)နဲ့အမျိုးတော်တဲ့ Helper (အကူ) ကောင်မလေးတွေကို လခစားမြန်မြန်ခန့်တယ်။ လုပ်သက် ၅လကျော်ရှိတဲ့ Helperကောင်မလေးကိုကြတော့ ကလေးအလုပ်သမားနဲ့တူလို့ဆိုပြီး အခုချိန်ထိ လခစား အလုပ်သမား ပြောင်းမပေးဘူး"လို့ ပြောပါတယ်။
KSheng Myanmar အထည်ချုပ်စက်ရုံ(ရုံ ၁) က တရုတ်နိုင်ငံသားပိုင် စက်ရုံဖြစ်ပြီး လက်ရှိ Metaland တံဆိပ် အထည်တွေ ချုပ်နေတယ်လို့ သိထားပါတယ်။
