ရွှေပြည်သာမြို့နယ် 199 မှတ်တိုင်အနီးရှိ KAIXI Myanmar Fashion Co,LTD စက်ရုံမှာ အလုပ်သမားများရဲ့ဆန္ဒမပါဘဲ အချိန်ပိုခေါ်ယူစေခိုင်းနေတာတွေ ပြုလုပ်နေတာကြောင့် အလုပ်သမားတွေဆန္ဒအလျောက်သာ အချိန်ပ်ိုခေါ်ယူစေလိုတယ်လို့ အလုပ်သမားတွေက ဆိုပါတယ်။
စက်ချုပ် အလုပ်သမားများကိုလည်း စံချိန်တောင်းရာတွင် စူပါ အောစူပါများမှ ဆဲဆို ၊ ကြိမ်းမောင်းပြီး စံချိန်များ တောင်းခံခြင်း၊ တနင်္ဂနွေ
နေ့များတွင် အလုပ်သမားသဘော ဆန္ဒမပါပဲ အချိန်ပိုအိုတီများ ခေါ်ခြင်း၊ မဆင်းလျှင်လည်းး အငြိုးတေးထားခံ ရခြင်း၊ ခွဲခြားဆက်ဆံခံရခြင်းများ ရှိနေပြီး ညဘက် အချိန်ပိုအိုတီများလည်း
မှိုးခန်းထဲရှိ အလုပ်သမားများ ဆင်းနေရခြင်း နိုင်ငံရေး အခြေအနေ မကောင်းသည့် အပေါ် အလုပ်ရှင်ဘက်မှ အမျိုးမျိုး ပြုလုပ်နေတာတွေရှိနေတယ်လို့ သိရပါတယ်။
အဆိုပါစက်ရုံဟာ တရုတ်နိုင်ငံသားပိုင်ဆိုင်ပြီး အလုပ်သမား (၅၀၀၀) ကျော်ဖြင့် Multiway, Plus စတဲ့ အမှတ်တံဆိပ် underwear အထည်များချုပ်လုပ်နေတာဖြစ်ပါတယ်။
အလုပ်သမားများကို စံချိန်တောင်းခံရာတွင် မတရားတောင်းခံပြီး၊ စံချိန် တောင်းခံရာတွင်လည်း စူပါ အောစူပါများမှ ဆဲဆိုပြီးတောင်ခံနေခြင်း၊ အလုပ်သမားများ ရှောင်တခင်ခွင့် ယူပါက ခွင့်မပေးဘဲ ခွင့်မရလို့ ရက်ပျက်ပါက ဒေးကြေး ရက်မှန်ကြေး၊ တာ၀န်ဆုကြေး စုစုပေါင်း (၁၀၈၀၀) ဖြတ်တောက်ခံရကာ လုပ်ငန်းခွင် အတွင်း၌ အလုပ်လုပ်လျှင်လည်း ဘက်လိုက်မှုများ ရှိနေပြီး အဆင်မပြေမကြည်တဲ့သူဆိုပါက အပြစ်ရှာခြင်း၊ စကားပြန်များမှ အလုပ်သမားများ အပေါ်နိုင်ထက်စီနင်း လုပ်ခြင်း၊ ရိုင်းစိုင်းစွာ ပြောဆိုခြင်းများကို အလုပ်သမားများ ခံနေရခြင်း၊ လီတာများမှလည်း စောက်နဲ့နှိုင်းခြင်း၊ ကောင်မဆိုပြီး ရိုင်းစိုင်းစွာပြောခြင်း၊ နင်တို့က ဘာစောက်ဆင့်ရှိလဲ ဆိုပြီး ဆဲရေးတိုင်းထွာခြင်း၊ နွားနှင့်ခိုင်းနှိုင်းခြင်း၊ နိုင်ငံရေးမကောင်းချိန်မှာ အလုပ်သမားများ ကူညီပေးသူမရှိချိန်မှာ စက်ရုံမှ အုပ်ချုပ်သူ အဆင့်ဆင့်က အလုပ်သမားများကို ဖိနှိပ်၊ ချိုးနှိမ်ပြီး အမျိုးမျိုး ဆက်ဆံခြင်း၊ ခံနေရတယ်လို့ အလုပ်သမား တွေထံကသိရပါတယ်။
အဆိုပါစက်ရုံမှာ အလုပ်သမားသမဂ္ဂဖွဲ့စည်းထားခြင်းမရှိဘဲ လုပ်ငန်းခွင် အတွင်း၌ အကြာမှီအချိန်က အလုပ်သမားများ ရွေးကောက်ထားသော အလုပ်သမား ကိုယ်စားလှယ် မဟုတ်ဘဲ အလုပ်ရှင်မှ ခန့်အပ်ထားသော WCC ထားရှိထားကာ လုပ်ငန်းခွင် အတွင်း အလုပ်သမား အများစု အခက်ခဲများရှိ၍ ၎င်း WCC သို့ ပြောကြားပါက ညှိနှိုင်းမှုမရှိဘဲ သွားရောက်ပြောကြားတဲ့ အလုပ်သမားများကိုသာ အငြိုးအတေး ထားခံရခြင်းသာဖြစ်စေတယ်လို့ အလုပ်သမားတွေထံက သိရပါတယ်။
အထက်ပါချိုးဖောက်မှုဖြစ်စဉ်များကြောင့် အလုပ်သမားတွေဟာ ၁။ တနင်္ဂနွေ အချိန်ပိုအိုတီကို အလုပ်သမား သဘောဆန္ဒ မေးမြန်းပြီးမှ ခေါ်ယူရန်။ ၂။ စူပါ၊ အောစူပါများ အလုပ်သမားများ ဆဲဆိုခြင်း မပြုလုပ်ရန်။ ၃။ လီတာ၊ စကားပြန်များ အလုပ်သမားကို ရိုင်းစိုင်းစွာ ပြောဆိုခြင်း၊ နှိမ့်ချဆက်ဆံခြင်းများ မပြုလုပ်ရန် တို့ကို Kaixi Myanmar Garment အလုပ်သမားများက တောင်းဆိုလိုက်ပါတယ်။
#MyanmarLabourNews
