အင်တိုင် Jum စက်ရုံက အလုပ်သမားပါရှင့်။ စက်ရုံ နာမည်က Jun Coporation Co.,Ltd ပါ။
လှည်းကူး၊ ဇရပ်ကွင်းနားက အင်တိုင် စက်ရုံ ပါ ။
စက်ရုံမှာက မနက်အလုပ်တက်ချိန်က ၇ နာရီ ၂၀ မိနစ်မှာ တက်ပါတယ်။ ညနေဆို ၇ နာရီ ၅၀ မိနစ်မှ ပြန်ရပါတယ်။
အချိန်ပို OT ကြေးက လက်ငင်း မရှင်းပေးပါဘူး။
အောလင်း(မနက်မိုးလင်း ၄ နာရီ) တွေလည်း ခဏခဏ လုပ်ပေး ရပါတယ်။
နေ့လယ် ၁၂ နာရီခွဲ ထမင်းစားပြီးကတည်းက အလုပ်ဆင်းတဲ့ ည ၇ နာရီ ၅၀ အထိ ဆက်တိုက်ချုပ်ပေးရပါတယ်။ အနားပေးတာမရှိပါဘူး။ နေ့တိုင်း အဲလို ဆက်တိုက် လုပ်ပေးရတာပါ။ စနေနေ့ဆိုလည်း ည ၇ နာရီ ၅၀ အထိ အလုပ်ဆင်းရတာပါ။ အဲ့အချိန်အထိ လုပ်ပေးနေရတာ တနှစ်လောက် ရှိနေပါပြီ ။ တနင်္ဂနွေနေ့တွေလည်း ဆင်းပေး ရပါတယ်။
ဒီလ (ဇူလိုင်လ) ထဲမှာ အော်လင်း ၄ ကြိမ် ၊ တနင်္ဂနွေ ၂ ကြိမ် ဆင်းထားရပါတယ်။ အောလင်းဆိုရင် တနင်္ဂနွေနေ့ မနက်ပြန်ရပါတယ်။
နားရတဲ့ ရက် အရမ်းကို နည်းပါတယ်။
အချိန်ပိုဆင်းရတာတွေကို ငြင်းခွင့်မရှိပါဘူး။
ဆင်းရမယ်ဟေ့ဆို ဆင်းရတယ်။ မဆင်းချင်ရင်လည်း ဆင်းရပါတယ်။ ပြန် မပြောရဲ ပါဘူး။ မဆင်းဘူးဆိုရင် ရုံးပေါ်ကလူတွေက ပြောဆိုပါတယ်။ စူပါက ဂရိတ်ချမယ်လို့ ပြောပါတယ် ။
ဂရိတ်(ကျွမ်းကျင်ကြေး) ချခံရရင် ၃၀၀၀၀ လောက် နစ်နာရပါတယ်။
အချိန်ပိုတွေ အရမ်းဆင်းနေရတော့ အလုပ်လုပ်ရလွန်းလို့ သေတော့မယ်။ ကျွန်မတို့ အလုပ်သမားတွေလည်း ပင်ပန်းနေပါပြီ ။ စိတ်သောက များရပါတယ်။
ခွင့်မရလည်းမရပါဘူး။ ရက်ပျက်ရင်လည်း ကျွမ်းကျင်းကြေး ဖြုတ်ပါ တယ်။ ရက်မှန်ကြေးနဲ့ ဒေးကြေးပါ ဖြုတ်တာပါ။ အဲလို ဖြုတ်ခံရတာနဲ့ ၆၀၀၀၀ ကျော် နစ်နာနေတာပါ။
ဒေးကြေးက ၆၀၀၀ ရပါတယ်။ အချိန်ပို OT က ၁၄၀၀ ပါ။
စက်ရုံပိုင်ရှင်က ကိုရီးယားလူမျိုးပါ။ အလုပ်သမား စုစုပေါင်း ၁၀၀၀ ကျော် ရှိပါတယ်။ WCC အဖွဲ့လည်း ရှိပါတယ်။ အဖွဲ့ဝင်တွေကတော့ အလုပ်သမားတွေရွေးချယ်တဲ့သူ မပါပါဘူး။ တိုင်ကြားလည်း အရာ မရောက်ပါဘူး။
အိုတီကြေးတွေ လက်ငင်းပေးတယ်ဆိုရင် သုံးစွဲဖို့ ရပါတယ်။ ချေးငှားဖို့ မလိုဘူးပေါ့။ ဘယ်လောက် ရတယ်ဆို တာလည်း သိရတယ်။ အခုဟာက အကြွေးလည်းယူရ၊ ဘယ်လောက်ရမှန်းမသိနဲ့ ဖြစ်နေတာပါ။ အခုတော့ အတိုးနဲ့ ဘာနဲ့ ဆို အလကား လုပ်ပေးနေရသလိုပဲ။
စနေနေ့နဲ့ တနင်္ဂနွေနေ့တွေ အချိန်ပိုခိုင်းတယ်ဆိုလည်း ၄ နာရီခွဲ ပြန်လွှတ်စေချင်တယ်။ နေ့တိုင်းလည်း နောက်ကျ နားရက်လည်း နောက်ကျမှ ပြန်ရတယ်ဆိုတာ အလုပ်သမားတွေကို ပြန်ကြည့်ဖို့လို ပါတယ်။ အနီးနားက စက်ရုံတွေလည်း ဒေကြေး ၇၀၀၀ အထိ တိုးပေးနေတာ၊ ကျွန်မတို့က ၁၀၀၀ အနစ်နာခံပြီး စိတ်ဆင်းရဲ့နေရပါတယ် ရှင့်။ ကူညီပေးပါရှင့်။
NEWS
Jun Coporation အထည်ချုပ် အချိန်ပို ငြင်းဆန်ပါက ကျွမ်းကျင်ကြေး ဖြတ်တောက်မည်ဟု ခြိမ်းခြောက်
137 Views
Related posts
ETERNAL FASHION အထည်ချုပ် အလုပ်သမားအခွင့်အရေးများချိုးဖောက်ပြီး တာဝန်ယူမှုမရှိဘဲ လုပ်ကိုင်နေ
Oct 29, 2024
၁၀ နှစ်ကြာ လူမှုဖူလုံရေးကြေးသွင်းခဲ့တဲ့အလုပ်သမားကို မီးဖွားခွင့်ဆိုင်ရာ ခံစားခွင့်မပေးဘဲ ပယ်ချ
Oct 28, 2024
J-Land Myanmar စက်ရုံ မန်နေဂျာ အချိန်ပိုမဆင်းသည့် အလုပ်သမားများအား ဆဲဆို
Oct 28, 2024
Eternal Fashion အထည်ချုပ်စက်ရုံ သတ်မှတ် အချိန်ပိုထက် နာရီပေါင်းများစွာ လုပ်ကိုင်နေရ
Oct 26, 2024
လှည်းကူး Jun Coporation အထည်ချုပ် စနေနေ့တိုင်း အချိန်ပို အောလင်း ခိုင်းစေ
Oct 20, 2024
Straightex Co.ltd စက်ရုံ ကန်တော့ရန်အတွက် အတင်းကျပ် ငွေကောက်ခံ
Oct 18, 2024
Prettex Myanmar စက်ရုံ တွင် သီတင်းကျွတ် ပိတ်ရက်အား အချိန်ပို အတင်းအကျပ်ခေါ်
Oct 15, 2024
Jing Ying အုတ်ပြားစက်ရုံတွင် EC စာချုပ်မချုပ်ဘဲ အလုပ်နှင့် မသက်ဆိုင်သည့် လုပ်ငန်းများ ခိုင်းစေ
Oct 15, 2024