ပြီးခဲ့တဲ့ ၂၀၂၁ မတ်လ ၁၅ ရက်နေ့လောက်ကစပြီးမီးလောင်မှု့ဖြစ်ပွားခဲ့လို့စက်ရုံပိတ်သိမ်းခဲ့ရတဲ့ရွှေပြည်သာမြို့နယ်က Honor Apparel အထည်ချုပ်စက်ရံမှအလုပ်သမား ၄၆၂ ဦးဟာစက်ရံပိတ်သိမ်းစဥ်ရရှိရမယ့်ကြားကာလနစ်နာကြေးအပြည့်အဝရရှိခဲ့ပြီဖြစ်တယ်လို့သိရပါတယ်။
စက်ရုံအနေနဲ့ကြားကာလနစ်နာကြေးပေးဖို့ Industrial Workers' Federation Of Myanmar-IWFM ကဝင်ရောက်ကူညီဆောင်ရွက်ပေးခဲ့တာဖြစ်ပြီးစက်ရုံအနေနဲ့အခုလိုဆောင်ရွက်ပေးခဲ့တာဖြစ်တယ်လို့အလုပ်သမားတွေကဆိုပါတယ်။
"IWFM အဖွဲ့ဝင်များက အခက်အခဲများစွာ ရင်ဆိုင်ကြုံတွေ့နေရတဲ့ အထဲက မှ အလုပ်သမား ၄၆၂ ယောက်ကို ဒီနေ့ ပျော်ရွှင်မှု ရဖို့အတွက် ဆောင်ရွက်ပေးနိုင်တဲ့အတွက် ဝမ်းသာပါတယ်။ (၄၆၈၀၀၀ ကျပ် x ၄၆၂ ဦး = 216,216,000 )
ဒါက အလုပ်သမားတွေ ရသင့်တာနဲ့ ယှဉ်ရင် အများကြီး နည်းပါတယ်။ ရသင့်တဲ့ သူ အားလုံးလည်း မရခဲ့ကြပါဘူး။ အကောင်းဆုံးဖြစ်အောင်တော့ လုပ်ပေးခဲ့ပါတယ်။"လို့IWFMမှတာဝန်ရှိသူတဦးကဆိုပါတယ်။
စက်ရုံအနေနဲ့မတ်လအလုပ်ပိတ်စဥ်ကာလပြန်သွားတဲ့အလုပ်သမားတွေကိုဒီဇင်ဘာလနောက်ဆုံးထားခေါ်ယူကာအလုပ်ခန့်ခဲ့ပြီးလက်ရှိနစ်နာကြေးမရရှိသေးတဲ့သူတွေကိုလဲနစ်နာကြေးဆက်လက်ပေးခဲ့ပေမယ့်အရင်လိုလုပ်ခလစာနဲ့ကျွမ်းကျင်ကြေး၊targetကြေးတွေတော့မရရှိတော့ဘူးလို့စက်ရုံအလုပ်သမတဦးကMLNကိုပြောပါတယ်။
"ခုပြန်ဝင်လာတဲ့သူတွေကိုနစ်နာကြေးပေးတော့ဘယ်သူကတောင်းခိုင်းတောင်းခိုင်းနောက်မတောင်းရတော့ဘူးလို့စာချုပ်ထဲမှာထည့်ထားတယ် ပြီးတော့လစာကအရင်လိုမဟုတ်ဖူးခုကချုပ်နိုင်သလောက်ပဲရတော့ပထမလမှာဝန်ထမ်းတွေလစာရတာတော်တော်နည်းတယ်"လို့ Honor Apparel စက်ရုံအလုပ်သမားတဦးကပြောပါတယ်။
ယခင်ကတရက်တာလုပ်ခလစာ ၄၈၀၀ အပြင်တခြားလုပ်သားခံစားခွင့်ရရှိပေမယ့် ယခုအခါစက်ရုံဖက်ကလုပ်သားတွေကိုချုပ်နိုင်သလောက်သာပေးတော့တဲ့အပြင်ပြန်လည်အလုပ်ဆင်းနေတဲ့အလုပ်သမားများမှယခင်ကဌာနမှာပြန်မရတော့တဲ့အတွက်လုပ်ငန်းပိုင်းအခက်အခဲတချို့ရှိနေသေးတယ်လို့လဲသိရပါတ်ယ်။
"ခုကပွိုင့်လွယ်ရင်လွယ်သလောက်ရတယ်ပေါ့နော်ကျမတို့ကတော့အေးအေးဆေးဆေးနဲ့မှန်မှန်ကန်ကန်လေးစက်ရုံကိုဆက်သွားစေချင်တယ်"လို့အဆိုပါစက်ရုံမှအလုပ်သမတဦးကဆက်ပြောပါတယ်။
စစ်အာဏာသိမ်းပြီးနောက်ပိုင်းအလုပ်သမားရေးတက်ကြွလှုပ်ရှားသူတွေကိုစစ်ကောင်စီကဖမ်းဆီးတရားစွဲဆိုထောင်ချထားတာတွေရှိပေမယ့်အလုပ်သမားသမဂ္ဂတွေနဲ့အလုပ်သမားအဖွဲ့ချုပ်တွေကတော့အလုပ်သမားအခွင့်အရေးအတွက်ဆက်လက်ဆောင်ရွက်နေမှာဖြစ်တယ်လို့အလုပ်သမားရေးဆာင်ရွက်သူတဦးကဆိုပါတယ်။
