NEWS

HM တံဆိပ်ချုပ် TongYing စက်ရုံ က သင်္ကြန်ရက်စားအတွက်် ရက် ၂၀ ဆက်တိုက် အလုပ်ဆင်းခိုင်းနေ

CoverLogo
595 Views

တိုင်ကြားပါတယ်ရှင့်။

HMတံဆိပ်ချုပ်တဲ့ TongYing စက်ရုံကပါ။ စက်ရုံက မှော်ဘီမှာပါ။ ညီမတို့ စက်ရုံမှာ သင်္ကြန်ပိတ်ရက်အတွက် ရက်အစားထိုး ဆင်းရမယ်ဆိုပြီး တနင်္ဂနွေပိတ်ရက်ကို အတင်း ဖိအားပေး ဆင်းခိုင်းလို့ပါရှင့် ။

တနင်္ဂနွေ နှစ်ပတ် ဆက်တိုက်ဆင်းရမှာ ဖြစ်တဲ့အတွက် အလုပ်ဆင်းရက်က ရက် ၂၀ အတိ နားရက်မရှိ ဆင်းရသလို ဖြစ်သွားတယ်။

တနင်္ဂနွေကို အစားပေးရတာ ဖြစ်တဲ့အတွက် ညီမတို့ အလုပ်သမားတွေဘက်မှာ အရမ်းနစ်နာတယ်။
အလုပ်သမားတွေဘက်က မဆင်းနိုင်ဘူး၊ ပုံမှန်အတိုင်းပဲ ဆင်းမယ်၊ ရက်စားအတွက် လက်မှတ်ထိုး မပေးကြပါဘူး။ ဒါကို အောစူပါတွေက အမျိုးမျိုး ဖိအားပေး လက်မှတ်ထိုး ခိုင်းပါတယ်။

ပထမ လက်မှတ်ထိုးခိုင်းတော့ ဘယ်သူမှ မထိုးတော့ အောစူပါက နင်တို့ပဲ မထိုးတာ တခြားသူတွေ အကုန်ထိုးတယ်ဆိုပြီး ညာထိုးခိုင်းပါတယ်။

သုံးခါတိတိ လက်မှတ်ထိုးခိုင်းပါတယ်။ အများစုက ရက်အစား မပေးချင်လို့ မထိုးကြပါဘူး။
နောက်ဆုံးမှာ “နင်တို့ကို စောပိတ်ပေးမှာ၊ အစားထိုးမပေးရင်၊ နင်တို့ ၁၁ ရက်နဲ့ ၁၂ရက်ကို စက်ရုံလာဆင်း။ ဒါပေမယ့် စက်ရုံက ဖယ်ရီကားမပေးဘူး။ ကိုယ့်စီစဥ်နဲ့ လာဆိုပြီး ပြောပါတယ်။

ညီမတို့ အလုပ်သမားတွေ စက်ရုံရောက်ဖို့ ဆိုင်ကယ်ငှားစီးရတယ်။

ကိုယ့်အစီစဥ်နဲ့လာဆိုတော့ ညီမတို့ရမဲ့ ဒေးကြေးက ၄၈၀၀ ကယ်ရီအသွားအပြန် ငှားတာနဲ့ဆို အဲ့နေ့တွက်ခ ကုန်နေပါပြီ။

ညီမတို့ အလုပ်မှာလည်း ကြိုးကြိုးစားစားနဲ့ ပင်ပန်းကြတယ်၊ တပတ်တရက် နားချင်ကြပါတယ်။

သင်္ကြန်ပိတ်ရက်ရှိပေမဲ့ ရက် ၂၀ ဆက်တိုက်တော့ ဘယ်သူမှ မဆင်းချင်ပါဘူး။

“မဆင်းနိုင်ဘူး၊ လက်မှတ်မထိုးနိုင်ဘူး” ပြောတော့ လက်မှတ်မထိုးတဲ့လူတွေပဲ သီးသန်ခေါ်ပြောပြီး ဖိအားပေး လက်မှတ်ထိုး ခိုင်းပါတယ်။

အောစူပါ ၊ စူပါက အစ ညီမတို့ကို ဖိအားပေးတော့ မဆင်းချင်လည်း လက်မှတ်ထိုးပေးလိုက်ရပါတယ်။

အရင် စက်ရုံမှူးတုန်းကဆို အဲ့လိုခေါ်ဖို့ကလေးတွေကို သဘောတူလား၊ မတူလား အရင်မေးတယ်။
သဘောမတူရင် မခေါ်ဘူး။

အခုစက်ရုံမှုးကတော့ သူ့ခေါ်ရင်ဆင်းရမယ်၊ သဘောတူညီချက်တွေ မတောင်းဘူး။

ညီမတို့ဘက်က တနင်္ဂနွေတော့ ဆက်တိုက် ရက်စားမပေးနိုင်ဘူး။ စနေနေ့ကို နေ့တဝက် အချိန်ပိုခမယူဘဲ အစား ဆင်းပေးပါ့မယ်ဆိုလည်း စက်ရုံဘက်က လက်မခံပါဘူး။ လက်မှတ်ကို စက်ရုံမှုးက ထိုးခိုင်းတော့ အလုပ်သမား တွေ ရဲ့ သဘောတူညီချက်ကို မမေးဘဲ၊ အောစူပါ စူပါတွေက အမျိုးမျိုး ဖိအားပေး ထိုးခိုင်းတာပါရှင့်။

ကျေးဇူးပြုပြီး လာရောက် ဖြေရှင်းပေးပါ၊ တောင်းဆိုပါတယ်ရှင့် ။

(TONG YING HK(Garment) စက်ရုံကတော့ ရန်ကုန်တိုင်း၊ မှော်ဘီမြို့နယ်၊ မြောင်းတကာ (ဖရဲခင်း) စက်မှုဇုန်မှာ လုပ်သားအင်အား ၅၀၀၀ ဝန်းကျင် နဲ့ H&M ကုန်အမှတ်တံဆိပ်ကို နှစ်ကာလရှည်ကြာ ချုပ်လုပ်နေတယ်လို့ Myanmar Labour News က သိရှိထားပါတယ်။)


Related posts

Cover
အလုပ်ပိတ်ရက်အချိန်ပို မဆင်းပါက သတိပေးလက်မှတ်ထိုးရပြီး အလုပ်သမားအချို့အလုပ်ထုတ်ခံနေရ
Aug 05, 2025
Cover
ဂျပန်မှ မြန်မာလုပ်သား ၁၃၀၀ ကျော် ခေါ်ယူဖို့ ကမ်းလှမ်း၊ အမျိုးသမီး လုပ်သား အများဆုံးပါဝင်
Aug 04, 2025
Cover
လစာတိုးပေးရေးတောင်းဆိုတဲ့အပေါ် စက်ရုံစစ်ဆေးရေးအဖွဲ့က အလုပ်ရှင်ဘက်ကရပ်တည်ဖြေရှင်းလို့ အလုပ်သမားတွေနစ်နာ
Aug 04, 2025
Cover
ဖမ်းဆီးခံထားရတဲ့အလုပ်သမားအရေးလုပ်ဆောင်သူတွေကို အမြန်ဆုံးပြန်လွှတ်ပေးစေလိုဟုဆို
Aug 04, 2025
Cover
အာဏာသိမ်းပြီးနောက် အလုပ်သမားရေးရာဝန်ကြီး ၅ ဦးအထိအပြောင်းအလဲဖြစ်၊ ဘာမှမမျှော်လင့်ကြောင်း ပြည်သူတွေတုန့်ပြန်
Aug 04, 2025
Cover
ပဲခူး Sudey စက်ရုံ လုပ်ငန်းခွင် ထိခိုက်မှုများအား တာဝန်ယူမှုမရှိဘဲ လုပ်ခ ဖြတ်ယူ
Aug 04, 2025
Cover
လုပ်ငန်းခွင်ဘေးအန္တရာယ်ရှိနေတာနဲ့ အလုပ်သမားအခွင့်ရေးဆုံးရှုံးနေတဲ့အပေါ် ဖြေရှင်းပေးဖို့တောင်းဆို
Aug 04, 2025