NEWS

GTP Goldan Theparerg အထည်ချုပ် မန်နေဂျာမှ ခြိမ်းခြောက် အလုပ်ထုတ်

CoverLogo
325 Views
 
သင်္ကြန်ပိတ်ရက် ပျော်ပွဲရွှင်ပွဲမှာ လင်မယား အချင်းများတဲ့ လင်မယားနှစ်ဦးကို ကိုယ်ထိလက်ရောက်ပြုမှုပြီး GTP Goldan Theparerg အထည်ချုပ် မန်နေဂျာက တဘက်သတ် အလုပ်ထုတ်ခဲ့တယ်လို့ ကာယကံရှင်တွေက ပြောပါတယ်။
"လင်မယား စကားများကြတာပါ ။ ဒါကို တခြားဌာနက အလုပ်သမား ၅ယောက် ၆ ယောက်က ဝိုင်းထိုး ကြတယ်။ ကျွန်မ ယောက်ျားနဲ့ သူတို့ နဲ့ ဘာမှ မဖြစ်ဘဲ ထိုးတာ။ မျက်နှာ တခုလုံး ယောင်ကိုင်း နေတာ။ အထိုးခံရတဲ့ ကျွန်မ ယောက်ျားကို မန်နေဂျာ က စက်ရုံ အပြင်ဘက်ဆွဲထုတ်ပြီး တံခါးပိတ်ထားတယ် ။ ထိုးတဲ့ သူတွေကိုကျတော့ စက်ရုံထဲမှာ ထားတယ်။ မနေ့ (ဧပြီ ၂၃ရက်) က အလုပ်ပြန်တက်တော့ ကျွန်မတို့ လင်မယား ကို ခေါ်ပြီး ဝန်တိမ် ထိုးခိုင်းပြီး အလုပ်ထုတ်တယ်။ WCC ကိုလဲ မခေါ်ဘူး။ ရှင်းပြတာလဲ လက်မခံ ဘူး။” လို့ ပြောပါတယ်။
ထိုးကြိတ်ခဲ့တဲ့ တခြား အလုပ်သမားတွေကို အလုပ်ထုတ်၊ ဝမ်တိန်ထိုးခိုင်းခဲ့တာမရှိဘဲ လင်မယားနှစ်ဦးကိုပဲ အလုပ်ထုတ်ခဲ့တာ ဖြစ်ပြီး အလုပ်မထွက်ပါက ရဲခေါ်မယ်ဆိုပြီး ခြိမ်းခြောက်ခဲ့တယ်လို့ အလုပ်ထုတ် ခံရသူ အလုပ်သမားက ပြောပါတယ်။
“ထိုးကြိတ်တာလည်းခံရ၊ ဝန်တိမ်လဲ ထိုးခဲရ၊ အလုပ်လည်းအထုတ်ခံရတယ။ WCC နဲ့လည်း ဖြေရှင်းခွင့်မပြုဘူး။ မန်နေဂျာ တဦးတည်း ဆန္ဒ နဲ့ အလုပ်ထုတ်တာက တရားမျှတမှု မရှိဘူး.။ အလုပ်ထုတ်စာ တောင်းတာလည်း မပေးဘူး။ ကျွန်မကို ထွက်သွား ကောင်မ လို့ပြောပြီး မောင်းထုတ်ပါတယ် " လို့ ပြောပါတယ်။
စက်ရုံဘက် အချိန်ပိုတွေ အလွန်အကျွံ ခေါ်တာမျိုး ကြုံခဲ့ရပြီး အချိန်ပိုမဆင်းပါ ဌာနပြောင်းမယ်၊ အိုတီ မပေးဘူး ၊ အလုပ်ထုတ်မယ် ဆိုပြီး ခြိမ်းခြောက်ခဲ့တယ်လို့လည်း ပြောပါတယ်။
GTP Goldan Theparerg Co .ltd စက်ရုံ က ဂျင်းဘောင်းဘီ ချုပ်လုပ်တဲ့ ထိုင်းလူမျိုး ပိုင် စက်ရုံဖြစ်ပြီး ရန်ကုန်မြို့၊ ဒဂုံမြို့သစ် တောင်မြို့နယ်၊ စက်မှုဇုန် ၁ မှာ အလုပ်သမား ၁၀၀၀ ကျော်နဲ့ ဖွင့်လှစ် လုပ်ကိုင် နေပါတယ်။

Related posts

Cover
Sunrise အထည်ချုပ်စက်ရုံ နေ့စဉ် အချိန်ပိုတွေအပြင် နားရက်မရှိ လုပ်ကိုင်နေရ
Aug 24, 2025
Cover
LAT WAR (3) အထည်ချုပ် အချိန်ပို အလွန်အကျွံခေါ်၊ စစ်ဆေးရေးအဖွဲ့ ရုံးခန်းဝင်ပြီး ပြန်
Aug 23, 2025
Cover
Teng Hui Myanmar Knitting သိုးမွှေးထည်စက်ရုံ အလုပ်သမားများ အလုပ်ပျက်ဆိုပြီး အထုတ်ခံရ
Aug 23, 2025
Cover
SHWE MYINN ရေလျှော်စက်ရုံ အချိန်ပို ညလုံးပေါက် လုပ်ကိုင်ခိုင်း
Aug 22, 2025
Cover
Chi Mei အထည်ချုပ် အချိန်ပို အတင်းအကျပ် ခိုင်းစေ
Aug 22, 2025
Cover
Sky Fashion Myanmar လုပ်ခ လျှော့ပေးသည့်အပြင် လစာခွဲခြားပေး၊ အလုပ်ထုတ်
Aug 22, 2025
Cover
ပိတ်လိပ်ခိုးယူသည်ဟုစွပ်စွဲခံရသည့် အလုပ်သမား ၂ ဦး ဖမ်းဆီးခံရပြီး ပျောက်ဆုံးနေ
Aug 21, 2025
Cover
J&F Myanmar LNY Caps စက်ရုံ အလုပ်သမားများအား HR မန်နေဂျာ ခွဲခြားဆက်ဆံနေ
Aug 21, 2025