NEWS

GTIG HUBO (GTIG 5)စက်ရုံက ဖုန်းအားသွင်းလို့ ဆိုပြီး အလုပ်သမားနှစ်ဦးအား အလုပ်ထုတ်

CoverLogo
334 Views
 
GTIG HUBO Co. Ltd တာဝန်ရှိသူတွေက စက်ရုံတွင်း အလုပ်သမားအခွင့်အရေးတောင်းဆိုတဲ့ အလုပ်သမားနှစ်ဦး ကို ဖုန်းအားသွင်းတယ်ဆိုပြီး အလုပ်ထုတ်ခဲ့တယ်လို သိရပါတယ်။ စက်ရုံက ရန်ကုန်မြို့ ၊ရွှေပြည်သာမြိုနယ် ၊ မြတောင်လမ်း၊ ဝါးတစ်ရာစက်မှုဇုန်မှာ ဖွင့်လှစ်ထားတယ်လို့ အလုပ်သမားတွေက ပြောပါတယ်။
" တရားဝင်ပိတ်ရက်တွေကို စက်ရုံက အပြည့်အဝမပိတ်ပေးတော့ မန်နေဂျာရုံးခန်းကို ကျွန်တော်တို့ ခဏခဏ တက်တဲ့ ပြောတယ်။ အဲ့ကတည်းက ကျွန်တော်တို့ကို စောင့်ကြည့်ခံနေရတာ။ အခုတော့ ဖုန်းကိစ္စနဲ့ အလုပ်ထုတ် ခံရတာ"လို့ အလုပ်အထုတ်ခံခဲ့ရတဲ့ အလုပ်သမားကဆိုပါတယ်။
ပြီးခဲ့တဲ့ မတ်လ ၂၈ ရက်က လှုပ်ခတ်ခဲ့တဲ့ အင်အားပြင်း ငလျင်ကြောင့် ရန်ကုန်မြိုမှာ လျှပ်စစ်မီး ပြတ်တောက် ခဲ့လို့ အလုပ်သမားတွေ ဖုန်းအားသွင်းဖို့ အခက်အခဲတွေ ဖြစ်ပေါ်ခဲ့ပါတယ်။
အလုပ်သမားတွေက စက်ရုံအတွင်း ဖုန်းအားသွင်းခဲ့ကြတာကို တာဝန်ရှိသူတွေ တွေ့ရှိခဲ့ရာကနေ စက်ရုံစည်ကမ်း ဖောက်ဖျက်လို့ ဆိုပြီး အလုပ်သမား နှစ်ဦးကို အလုပ်က ထုတ်ပယ်ခဲ့တာလို့ သိရပါတယ်။
အလုပ်ချိန်အတွင်း ဖုန်းသုံးစွဲခြင်းမပြုရဆိုတဲ့ EC စာချုပ်နောက်ဆက်တွဲကို ချုပ်ဆိုထားပေမဲ့ အခုလို ဖုန်း အားသွင်းတာကို စည်းကမ်းဖောက်ဖျက်တယ်ဆိုပြီး အတင်းအကျပ် ဖိအားပေး သတိပေး ဝမ်တိန်လက်မှတ် ထိုးခိုင်းကာ အလုပ်က ထုတ်ပယ်တာလို သိရပါတယ်။
“ဝမ်တိန် လက်မှတ်မထိုင်းရင် စက်ရုံမန်နေဂျာ ရုံးခန်းကနေကို ထွက်ခွင့် မပေးဘဲ ဖိအားပေးခဲ့တာပါ။ ပြီးမှ အလုပ်က ထုတ်လိုက်တာ” လို့ အလုပ်သမားတွေက ပြောပါတယ်။
GTIG HUBO အထည်ချုပ်စက်ရုံက တရားဝင် ထုတ်ပြန်ထားတဲ့ အလုပ်ပိတ်ရက်တွေကို ပိတ်မပေးတာ၊ အဲဒီရက်တွေမှာ အလုပ်မဆင်းတဲ့ အလုပ်သမားတွေကို ငွေကြေး ဖြတ်တောက်တာတွေ ပြုလုပ်ခဲ့ပြီး ဒီ ဆုံးရှုံးရတဲ့ အခွင့်အရေးတွေ ရဖို တောင်းဆိုခဲ့တဲ့ အလုပ်သမား နှစ်ဦးကို စက်ရုံဘက် ခွဲခြားဆက်ဆံ စောင့်ကြည့်တာတွေ ပြုလုပ်ခဲ့ပြီးနောက် အလုပ်က ထုတ်ပယ်ခဲ့တာလို သိရပါတယ်။
GTIG HUBO အထည်ချုပ်စက်ရုံဟာ Only,Vulgaris, Terranova စတဲ့ ကုန်အမှတ်တံဆိပ်တွေ ချုပ်လုပ်နေတယ် စက်ရုံလို့ သိရပါတယ်။

Related posts

Cover
လုပ်ခလစာမပေးဘဲ အလုပ်ကနေထုတ်ပယ်လို့ အလုပ်သမားတွေအခက်တွေ့နေရ
Aug 25, 2025
Cover
Sunrise အထည်ချုပ်စက်ရုံ နေ့စဉ် အချိန်ပိုတွေအပြင် နားရက်မရှိ လုပ်ကိုင်နေရ
Aug 24, 2025
Cover
LAT WAR (3) အထည်ချုပ် အချိန်ပို အလွန်အကျွံခေါ်၊ စစ်ဆေးရေးအဖွဲ့ ရုံးခန်းဝင်ပြီး ပြန်
Aug 23, 2025
Cover
Teng Hui Myanmar Knitting သိုးမွှေးထည်စက်ရုံ အလုပ်သမားများ အလုပ်ပျက်ဆိုပြီး အထုတ်ခံရ
Aug 23, 2025
Cover
SHWE MYINN ရေလျှော်စက်ရုံ အချိန်ပို ညလုံးပေါက် လုပ်ကိုင်ခိုင်း
Aug 22, 2025
Cover
Chi Mei အထည်ချုပ် အချိန်ပို အတင်းအကျပ် ခိုင်းစေ
Aug 22, 2025
Cover
Sky Fashion Myanmar လုပ်ခ လျှော့ပေးသည့်အပြင် လစာခွဲခြားပေး၊ အလုပ်ထုတ်
Aug 22, 2025
Cover
ပိတ်လိပ်ခိုးယူသည်ဟုစွပ်စွဲခံရသည့် အလုပ်သမား ၂ ဦး ဖမ်းဆီးခံရပြီး ပျောက်ဆုံးနေ
Aug 21, 2025