GTIG Easter Garment လုပ်ငန်းခွင်အတွင်း HR ဝန်ထမ်းတွေက ငွေချေးလုပ်ငန်းတွေ လုပ်ကိုင်နေပြီး အလုပ်သမားတွေကို ဖိအားပေး ခြိမ်းခြောက်တာတွေ ပြုလုပ်နေတယ်လို့ သိရပါတယ်။ ချေးငွေရယူတဲ့ အလုပ်သမားတွေရဲ့ ဘဏ်ကတ်တွေကို ရယူထားတယ်လို့လည်း အလုပ်သမားတွေက ပြောပါတယ်။
“HR ဝန်ထမ်းတွေက ၂၀ တိုးနဲ့ ချေးငွေ ထုတ်ပေးတယ်။ အလုပ်သမားတွေကလည်း ရတဲ့ လစာက မလောက် တော့ ချေးရတာတွေ ရှိတယ်။ ချေးငွေယူထားတဲ့သူတွေရဲ့ လကုန်တာနဲ့ တခါတည်း ဖြတ်ယူလိုက်တယ်။ HR တဖွဲလုံးက ပါနေတာ။.” လို့ အလုပ်သမားတွေက ပြောပါတယ်။
Ethical Trading Initiative (ETI) ရဲ့ အခြေခံကျင့်ဝတ်စည်းကမ်း (Base Code) မှာ အလုပ်သမားတွေကို အကြွေးနဲ့ ချည်နှောင်ထားတဲ့ လုပ်အား (bonded labour) ကို တင်းကြပ်စွာ တားမြစ်ထားပါတယ်။ ETIကတော့ ကုမ္ပဏီတွေ၊ အလုပ်သမားသမဂ္ဂတွေနဲ့ အစိုးရမဟုတ်တဲ့ အဖွဲ့အစည်း (NGO) တွေ ပူးပေါင်းပြီး ကမ္ဘာတစ်ဝန်းက ကုန်ပစ္စည်းထုတ်လုပ်ရေး ကွင်းဆက်တွေ (supply chains) မှာ အလုပ်သမားအခွင့်အရေးတွေကို လေးစားလိုက်နာအောင် ဆောင်ရွက်နေတဲ့ မဟာမိတ်အဖွဲ့ ဖြစ်ပါတယ်။
“HR တွေက အဝတ်တွေရောင်းတယ်။ ငွေတွေ ချေးတယ်။ လစာထည့်ပေးတဲ့ ဘဏ်ကတ်တွေကို သိမ်းယူထားတယ်။ လစာထုတ်ရင် ချေးငွေဖြတ်ယူပြီးမှ ပိုတာ ပြန်ရတာ။ စက်ရုံမန်နေဂျာနဲ့ ပေါင်းပြီးလုပ်နေကြတယ်။ “ လို့ အလုပ်သမားတွေက ပြောာပါတယ်။
EC စာချုပ်မှာ မပါတဲ့ တဘက်သတ် စည်းကမ်းတွေ ထုတ််ပြန်တာတွေ ပြုလုပ်ပြီး အဲ့ဒီစည်းကမ်းတွေကို စက်ရုံတာဝန်ရှိသူတွေကို ကိုယ်တိုင် ခြိမ်းခြောက်တာတွေ ပြုလုပ်နေတယ်လို့ ပြောပါတယ်။
“စက်ရုံထဲမှာWCC ကိုယ်တိုင် အရက်သောက်တယ်၊ ရမ်းကားတယ်။ ဒါလည်း ထိထိရောက်ရောက် အရေးမယူ ခဲ့ဘူး။ အလုပ်သမားတွေ ခေါင်းပေါင်းမပေါင်းတာတို့ ဘာတို့ဆိုတာတောင် ဝိမ်တိန်ထိုးခိုင်း၊ ရုံးခန်းထဲ ခေါ်ပြောတော့တာ၊ ဒီထက်ဆိုတားတာ WCC ကို သက်သေထားပြီး HR တွေက ဝိမ်တိန်ထိုးခိုင်းတော့တာပဲ။” လို့ အလုပ်သမားတွေက ပြောပါတယ်။
GTIG Easter Garment စက်ရုံက ရန်ကုန်မြို့၊ရွှေပြည်သာမြို့နယ်၊ ဝါးတရာ စက်မှုဇုန် မှာ ရှိပြီး ပိုလန်နိုင်ငံအခြေစိုက် Sinsay အုပ်စု အထည်တွေ ချုပ်လုပ်နေတယ်လို့ သိရပါတယ်။ GTIG Easter Garment က GTIG U&G ၊ GTIG Guo Hua Glory ၊ GTIG Hua Sheng ၊ GTIG HUBO အထည်ချုပ်စက်ရုံတွေနဲ့ လိပ်စာတူ ဖြစ်ပါတယ်။
