ရွှေပြည်သာမြို့နယ် သာဓုကန်စက်မှုဇုန် ၊ မြလမ်း၊ အမှတ် (-)တွင် ဖွင့်လှစ်ထားသော GOLDEN PROPITIOUS (Myanmar ) Garment Co, Ltd အထည်ချုပ်စက်ရုံမှာ အလုပ်လုပ်ကိုင်နေတဲ့ အမျိုးသမီးအလုပ်သမားဟာ စက်ရုံတွင်းအကြမ်းဖက်ခံရပြီး အလုပ်မှထုတ်ပယ်ခံလိုက်ရတယ်လို့ သိရပါတယ်။
အဆိုပါစက်ရုံက QC ဝန်ထမ်းအမျိုးသမီးအလုပ်သမားဟာ ဩဂုတ်လ ၂၉ ရက်နေ့ နေ့လည် ၁၁နာရီဝန်းကျင်ခန့်က လိုင်း (Mo Pattem ) စက်ချုပ် အမျိုးသားတဦးနှင့် လိုင်းမှ အထည်ပဲကျသည်ကို သွားရောက်ပေးစဉ် စက်ချုပ်အမျိုးသားအလုပ်သမားက ရိုင်းစိုင်းသောစကားများ ပြောဆိုလာတဲ့အတွက် စကားများကြရာမှ စက်ချုပ်အမျိုးသားမှဝက်အူလှည့်ဖြင့်ပစ်ပေါက်မှုကိုခံခဲ့ရပြီး လက်သီးဖြင့် ထိုးဖို့ ရွယ်စဉ် အနားရှိဝန်ထမ်းများမှ ဝိုင်းဝန်းဝင်ရောက်ဆွဲခဲ့ရတဲ့အထိဖြစ်ခဲ့ရတယ်လို့ သိရပါတယ်။
အဆိုပါဖြစ်စဉ်အပေါ် စက်ရုံမန်နေဂျာက အမျိုးသမီးအလုပ်သမားကိုရုံးခန်းထဲသို့ ခေါ် ပြီး အလုပ်ထွက်စာ တွင် အတင်းအဓမ္မလက်မှတ်ထိုးခိုင်းရာ QC ဝန်ထမ်းအမျိုးသမီး က လက်မှတ်မထိုးနိုင်ကြောင်း ပြောသော်လည်းအတင်းအဓမ္မလက်မှတ်ထိုးခိုင်းပြီး အလုပ်မှထုတ်ပယ်ခဲ့တယ်လို့သိရပါတယ်။
"မန်နေဂျာက ကြိုက်တဲ့ နေရာသွားတိုင် ဂရုမစိုက်ဘူး ငါလိုက် ရှင်းမယ် ၊ ဘာနစ်နာကြေးမှ မေပးဘူး ၊ ရုံးတိုင်ရင် နင့်ကိုအလုပ်မရအောင် Blacklist ထည့်မယ် လို့ ချိန်းခြောက်ပြောဆိုခြင်း ပြုလုပ်ပြီး အလုပ်မှ ထုတ်ပယ်ခဲ့တာ"လို့သိရပါတယ်။
အဆိုပါစက်ရုံမှာ balabala , Sinsay အမှတ်တံဆိပ်အထည်တွေချုပ်တာလို့ သိရပါတယ်။
စက်ရုံလုပ်ငန်းခွင်တွင် အမျိုးသမီးအလုပ်သမားများမှာ အမျိုးသားများမှ အကြမ်းဖက်ခံရမှူများရင်ဆိုင်ရသော်လည်း မည်သည့်အကာအကွယ်မှမရဘဲ စက်ရုံမှအလုပ်ထုတ်မှုနှင့်သာရင်ဆိုင်နေရသလို အဆိုပါဖြစ်စဉ်မျိုးကို Kingsrich Myanmar အထည်ချုပ်တွင်လည်းအလားတူဖြစ်ရပ်မျိုးဖြစ်ပွားခဲ့ပြီး လက်ရှိတွင်အလုပ်သမားမှ အလုပ်ရှင်အားတရားစွဲဆိုထားတယ်လို့လည်း သိရပါတယ်။
