Fang Hua အထည်ချုပ် စက်ရုံ အလုပ်သမား တဦးပါရှင့်။
နားရက် တနင်္ဂနွေ အချိန်ပို(အိုတီ)တွေ လုပ်ခိုင်းပါတယ်။ မဆင်းတဲ့ အလုပ်သမားတွေကို ရက်မှန်ကြေး နှစ်သောင်းဖြတ်ပါတယ်။
အထည်ချုပ်အလုပ်သမားတွေ ရက်တွက် ဒေးကြေး၊ အိုတီ အချိန်ပိုကြေး နဲ့ ဒီ ရက်မှန်ကြေးတွေကိုပဲ အားထားရတာပါ။ တခြား အခွင့်အရေးတွေလည်း မရှိပါဘူး ရှင့်။
နေတိုင်း တနင်္လာကနေ သောကြာနေ့အထိ မနက် ၇နာရီခွဲကနေ ည ၇ နာရီ အထိ အလုပ်ဆင်းရပါတယ်။ စနေနေ့ကျ ၄ နာရီဆို စက်ရုံက လွှတ်ပေးရမှာကို ည ၆နာရီထိ လုပ်ခိုင်းပါတယ်။ တခါတလေ ၅နာရီ၊ တခါတလ ၄နာရီလွှတ်ပါတယ်။
ဒီရက်တွေမှာ လုပ်ခိုင်းတဲ့ အချိန်ပိုတွေဆို ညီမတို့ မငြင်းဘဲ လုပ်ပေးခဲ့တာပါ။
တနင်္ဂနွေ တရက်လောက် နားတာတောင် ရက်မှန်ကြေး ဖြတ်တာက မတရားပါဘူး ရှင့်။ ပြီးရင် Day ကြေး တသောင်းဆိုပြီး ပိတ်ရက်ကို ၇၈၀၀ ပဲ ပေးပါတယ်။ ဖူလှုံရေးကြေးလည်း ဖြတ်ပါတယ်။ ဒါပေမဲ့ ဖူလှုံရေးကတ် မရသေးပါဘူး။
အလုပ်ချိန်မှာ ဖုန်းတွေလည်း တနေကုန်သိမ်းပါတယ်ရှင့်။ အလုပ်သမားအခွင့်အရေးလည်းမရှိပါဘူး။ အလုပ်သမားအဖွဲ့အစည်းလည်း မရှိပါဘူး။ ဆေးပေးခန်းလည်း မရှိပါဘူး။ Fang Hua က လှိုင်သာယာမြို့နယ်၊ ရွှေသံလွင် စက်မှုဇုန်၊ မင်းဧရာလမ်း မှာပါ။ အထည်ချုပ် စက်ရုံပါ။ လုပ်သား ၅၀၀ လောက်ပဲရှိပါတယ်။ ပိုင်ရှင်က တရုတ်နိုင်ငံသားပါ။
ညီမတို့ တနင်္ဂနွေနေ့ကို နားရက် ရချင်တာပါရှင့်။
ကျေးဇူးတင်ပါတယ် ရှင့်။
