NEWS

Dishang Group မှ စက်ရုံ တရုံ လုပ်ငန်းခွင် ဆန္ဒပြနေ

CoverLogo
328 Views

DISHANG GROUP (Great Summer/ HuAXIA) အထည်ချုပ် စက်ရုံမှာ အလုပ်သမား အများစု က လုပ်ငန်းခွင် အတွင်း တောင်းဆို ဆန္ဒပြ နေတယ်လို့ အလုပ်သမားတွေက ပြောပါတယ်။ အခုလို တောင်ဆိုမှုတွေ ပြုနေတာ ပြီးခဲ့တဲ့ ဒီဇင်ဘာ ၁၈ ရက် ညနေပိုင်းကတည်းက ဖြစ်တယ်လို့လည်း အလုပ်သမားတွေက ပြောပါတယ်။

“စက်ရုံရဲ့ မန်းနေဂျာဒါရိုက်တာ တရုတ်အမျိုးသမီးက အလုပ်သမားတွေနဲ့ ခေါင်းဆောင်တွေကြားကို သွေးခွဲစကား ပြောပြီး ညီညွတ်မှု ဖြိုခွဲနေတယ်။ နောက် အရင်စက်ရုံမှူးအဟောင်းကို စက်ရုံ အရှုံးပေါ်ပြီး အလုပ်ကနေ ထုတ် ထားတယ်။ ပြီးတော့ ခေါင်းဆောင် တချို့ကို ရာထူးလစာ ထိုးပေးပြီး အလုပ်သမားတွေကို ဖိနှိပ် ခိုင်းနေတယ်။ အဲလို့ အခွင့်အရေးလက်မခံတဲ့ ခေါင်းဆောင်တွေကို အလုပ်ထုတ်ဖို့ ပြင်ဆင်တယ်။ ဒါကို အလုပ်သမားတွေက သိလို့ လုပ်ငန်းခွင်တောင်းဆိုတာတွေ လုပ်တာ။ အဓိကက အလုပ်ထုတ်ထားတဲ့ စက်ရုံမှူးဟောင်းကို ပြန်ခန့်ပေး ဖို့ပဲ။” လို့ အလုပ်သမားတွေက ပြောပါတယ်။  

Great Summer/ HuAXIA  အထည်ချုပ် စက်ရုံက အနော်ရထာစက်မှုဇုန်မှာရှိပြီး စက်ရုံတည်ရှိရာဝင်းအတွင်း မှာ Dishang Group  ရဲ့ သီးခြား စက်ရုံ သုံးရုံလည်း ရှိနေတယ်လို့ အလုပ်သမားတွေက ပြောပါတယ်။ 

“စက်ရုံဝင်းထဲမှာ စုစုပေါင်း စက်ရုံ လေးရုံ ရှိတယ်။ Great Summer က တရုံ အပါအဝင်ပါ။ အခု လုပ်ငန်းခွင် ဆန္ဒပြနေတဲ့ အထဲမှာ အလုပ်သမား ၇၀၀ ကျော်ပါဝင် ဆန္ဒပြနေတာပါ။ အထည်စစ် ဌာန၊ စက်လိုင်း ၁၁ လိုင်းနဲ့ ထုတ်ပိုး ဌာနက အလုပ်သမားတွေလည်း ပါဝင် တောင်းဆိုနေကြပါတယ်။ သောက်ရေကိစ္စ၊ ဖယ်ရီကိစ္စတွေလည်း အခက်အခဲရှိတယ်။ ဒါတွေလည်း တောင်းဆိုထားပါတယ်။” လို့ အမျိုးသမီး အလုပ်သမားတဦးက ပြောဆိုပါတယ်။ 

စက်ရုံအတွင်း အတွင်း အောစူပါ သုံးဦးက စက်လိုင်း ၁၆ လိုင်းကို အုပ်ချုပ်နေပြီး အဲ့ဒီထဲက စက်လိုင်း ၁၁ လိုင်းနဲ့ တခြားဌာနတွေက တောင်းဆိုမှုတွေ ပြုလုပ်နေတာပါ။ လက်ရှိ လုပ်ငန်းခွင်အတွင်း အေးဆေးစွာ တောင်းဆို နေတာဖြစ်ပြီး အကျပ်အတည်းကို ဖြေရှင်းပေးဖို့ မြို့နယ် အလုပ်သမားရုံးကို အကြောင်းကြားထားတယ်လို့လည်း အလုပ်သမား တချို့က ပြောကြားထားပါတယ်။ 

 #MyanmarLabourNews


Related posts

Cover
Lita Myanmar က HR မန်နေဂျာ အဝတ်အစားပေါ် ခွဲခြားဆက်ဆံ
Apr 09, 2025
Cover
Yangon Global Star အထည်ချုပ် အလုပ်ခန့်လစာထက် လျှော့ပေး
Apr 09, 2025
Cover
တရုတ်နိုင်ငံ မန််စီရဲစခန်းမှာ  ဖမ်းဆီးခံထားရတဲ့ မြန်မာ အလုပ်သမားကို ပြန်လွှတ်ပေးရေး လုပ်ငန်းခွင်ထဲက အလုပ်သမားတွေ တောင်းဆို
Apr 09, 2025
Cover
Great Summer အထည်ချုပ် သတ်မှတ် လုပ်ခလစာ အပြည့်မပေး
Apr 08, 2025
Cover
S.H Co.,Ltd အထည်ချုပ်စက်ရုံတွင် ဆဲဆိုပြီး ကိုယ်ထိလက်ရောက် ကျူးလွန်
Apr 08, 2025
Cover
ပျော်ဘွယ် KBZ ဘဏ် ဝန်ထမ်း ၁၀ဦးသေဆုံး
Apr 07, 2025
Cover
Jin Yuan(Myanmar)Garment မတ်လ လစာမပေး၊ ပေးမဲ့ရက်လည်း မပြော
Apr 07, 2025
Cover
Yoyika Garment အထည်ချုပ် သင်္ကြန်ရက်အစား ည ၈ နာရီအထိ လုပ်ကိုင်ခိုင်း
Apr 07, 2025