NEWS

Dishang Fashion (Myanmar) အလုပ်သမားတွေ ဒေးကြေးတောင်းဆိုမှု ပြေလည်မှုရရှိ

CoverLogo
388 Views
 
Dishang Fashion (Myanmar) အထည်ချုပ်မှာ လုပ်ခလစာ‌ ဒေးကြေးတိုးမြှင့်ရေးအပါအဝင် တောင်းဆိုချက်တွေကို ၈ ရက်မြောက်တောင်းဆိုပြီးနောက်မှာ ပြေလည်မှုရခဲ့တယ်လို့ အလုပ်သမားတွေထံကသိရပါတယ်။
 
ကုန်ဈေးနှုန်းကြီးမြင့်မှုနဲ့ လုပ်ခနည်းပါးမှုတို့ကြောင့် စားဝတ်နေရေးအခက်တွေ့နေရလို့ အလုပ်သမားတွေ အလုပ်ရပ်ပြီး ဒေးကြေးတိုးပေးဖို့ တောင်းဆိုခဲ့ကြတာပါ။
 
ရလာဒ်အနေနဲ့ အလုပ်သမားတွေတောင်းဆိုတဲ့ ဒေးကြေး ၁၃၀၀၀ ကျပ် မရရှိခဲ့ဘဲ အဲ့ဒီအောက်လျှော့နည်းတဲ့ နှုန်းထားနဲ့သာ အလုပ်ရှင် နဲ့ သဘောတူစာချုပ်ချုပ်ဆို နိုင်ခဲ့တာလို့ သိရပါတယ်။
 
"ဒေးကြေး ၄၈၀၀ ၊ ထောက်ပံ့ကြေး ၂၀၀၀၊‌ ထောက်ပံ့ကြေး ၄၂၀၀ ကျပ် စုစုပေါင်း ၁၁၀၀၀ ကျပ် ပါ၊ ကျွမ်းကျင်ကြေး အဆင့်လိုက် ၅၀၀ ကျပ် ၊ ရက်မှန်ကြေး ၁၀၀၀၀ တိုးတယ်"လို့ အလုပ်သမားကပြောပါတယ်။
 
တောင်းဆိုမှုပြုလုပ်ခဲ့တဲ့ မေ ၂၀ ကနေ ၂၆ ရက်နေ့ အထိ No Work No Pay ဖြစ်လို့ လုပ်ခမရရှိဘူးလို့ သဘောတူစာချုပ်မှာ ထည့်သွင်းချုပ််ဆိုထားတာတွေ့ရပါတယ်။ အခြားသော လုပ်ငန်းခွင်ဆိုင်ရာ အခွင့်အရေးအချို့လည်း လိုက်နာ သဘောတူဖို့ အလုပ်ရှင် အလုပ်သမား နှစ်ဖက် သဘောတူစာချုပ်မှာ ဖော်ပြထားပါတယ်။
 
Dishang Fashion အလုပ်သမားတွေ ၂၀၂၅ခုနှစ်၊ မေလ၊ ၁၉ ရက်နေ့ မှ စပြီးဒေးကြေး တိုင်အနေနဲ့ ဒေးကြေး တိုးပေးဖို့ ၊ ကျွမ်းကျင်ကြေး အဆင့်လိုက် ၁၀၀၀ ကျပ် တိုးပေးရန်၊ ရန်မှန်ကြေး ၂၀၀၀၀ ကျပ် တိုးပေးရန်၊ လုပ်ငန်းခွင်ညှိနှိုင်းရေးကော်မတီအဖွဲ့ပြန်ဖွဲ့ပေးရန်၊ အထည်စံချိန်များကိုပုံသေ သတ်မှတ်၍ ထပ်မံ့တိုးမတောင်းရန်၊ ဥပဒေပါခွင့်များပေးရန်နှင့် ဂိတ်ပတ်ယူလျှင် လျင်မြန်လွယ်ကူစေရန်၊ အစရှိတဲ့ တောင်းဆိုချက် (၁၂) ခုကို တောင်းဆိုမှုပြုလုပ်ခဲ့တာဖြစ်ပါတယ်။
 
Dishang Fashion (Myanmar) Co.,L.td အထည်ချုပ်စက်ရုံက တရုတ်နိုင်ငံသား ပိုင်စက်ရုံဖြစ်ပြီး လှိုင်သာယာမြို့နယ် ရွှေသံလွင်စက်မှုဇုန် မင်းကြီး မဟာမင်းခေါင်လမ်းမှာဖွင့်လှစ်ထားပြီး အလုပ်သမား ၉၀၀ ဝန်းကျင် နဲ့ ONLY , bestseller အမှတ်တံဆိပ်အထည်တွေ ချုပ်လုပ်နေတယ်လို့ သိရပါတယ်။
 

Related posts

Cover
LAT WAR (3) အထည်ချုပ် အချိန်ပို အလွန်အကျွံခေါ်၊ စစ်ဆေးရေးအဖွဲ့ ရုံးခန်းဝင်ပြီး ပြန်
Aug 23, 2025
Cover
Teng Hui Myanmar Knitting သိုးမွှေးထည်စက်ရုံ အလုပ်သမားများ အလုပ်ပျက်ဆိုပြီး အထုတ်ခံရ
Aug 23, 2025
Cover
SHWE MYINN ရေလျှော်စက်ရုံ အချိန်ပို ညလုံးပေါက် လုပ်ကိုင်ခိုင်း
Aug 22, 2025
Cover
Chi Mei အထည်ချုပ် အချိန်ပို အတင်းအကျပ် ခိုင်းစေ
Aug 22, 2025
Cover
Sky Fashion Myanmar လုပ်ခ လျှော့ပေးသည့်အပြင် လစာခွဲခြားပေး၊ အလုပ်ထုတ်
Aug 22, 2025
Cover
ပိတ်လိပ်ခိုးယူသည်ဟုစွပ်စွဲခံရသည့် အလုပ်သမား ၂ ဦး ဖမ်းဆီးခံရပြီး ပျောက်ဆုံးနေ
Aug 21, 2025
Cover
J&F Myanmar LNY Caps စက်ရုံ အလုပ်သမားများအား HR မန်နေဂျာ ခွဲခြားဆက်ဆံနေ
Aug 21, 2025
Cover
Great Glowin (JW) နှင့် Glowin & Win (ADK)စက်ရုံလုပ်သားများ အခွင့်အရေး ချိုးဖောက်ခံနေရခြင်းနှင့် လုပ်ငန်းခွင် ဖိနှိပ်မှုများ
Aug 20, 2025