Dishang Fashion (Myanmar) အထည်ချုပ်တွင် လုပ်ခလစာ ဒေးကြေးတိုးမြှင့်ရေးအပါအဝင် အချက် ၉ ချက်ကို အလုပ်သမားတွေက တောင်းဆိုနေပါတယ်။ တောင်းဆိုမှုက ဒီကနေ့ ညနေပိုင်းမှာ စတင်ခဲ့ပြီး အလုပ်သမားတွေက လုပ်ငန်းခွင်ရပ်တန့် တောင်းဆိုနေတာလို့ ပြောပါတယ်။
ဒေးကြေး ကျပ် ၁၅၀၀၀ ပေးဖို့၊ ရက်မှန်ကြေး ကျပ် ၂၀၀၀၀ တိုးပေးဖို့၊ ဂရိတ်အဆင့်အလိုက် ကျပ် ၁၀၀၀ စီ တိုးပေးဖို့၊ အထည်စံချိန်တွေကို ပုံသေသတ်မှတ်ပေးဖို့၊ ဥပဒေပါခွင့်တွေ ပေးဖို့၊ စူပါတွေက ခွဲခြားဆက်ဆံတာတွေ မလုပ်ဖို့၊ မုန်ဖိုး ကျပ်တစ်တောင်ကို ၁၅ ရက် တကြိမ်ရှင်းပေးဖို့ စတဲ့ အချက်တွေကို တောင်းဆိုနေတာ ဖြစ်ပါတယ်။
Dishang Fashion (Myanmar) Co.,L.td အထည်ချုပ်စက်ရုံက တရုတ်နိုင်ငံသား ပိုင်စက်ရုံဖြစ်ပြီး အလုပ်သမား ၉၀၀ ဝန်းကျင် နဲ့ ONLY , Bestseller အမှတ်တံဆိပ်အထည်တွေ ချုပ်လုပ်နေတယ်လို့ သိရပါတယ်။ စက်ရုံမှာ WCC အဖွဲ့ ဖွဲ့စည်းထားပြီး အလုပ်သမားသမဂ္ဂ ဖွဲ့စည်းမထားဘူးလို့ အလုပ်သမားတွေက ပြောကြားထားပါတယ်။
