NEWS

CTUM အမည်၊ အမှတ်တံဆိပ်၊ အလံ ၊ ကိုယ်ပိုင်အလံ၊ ပိုင်ဆိုင်မှုများကို တစ်ဦးချင်းဖြစ်စေ၊ အဖွဲ့အစည်းအနေ နဲ့ဖြစ်စေ သုံးစွဲပါက အရေးယူရေး လုပ်ဆောင်မည်

CoverLogo
187 Views

မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် (CTUM) ရဲ့ အမည်၊ အမှတ်တံဆိပ်၊ အလံနဲ့ ကိုယ်ပိုင်အလံ ၊ ပိုင်ဆိုင်မှု စတာတွေကို ဗဟိုကော်မတီရဲ့ ခွင့်ပြုချက်မရှိဘဲ လူပုဂ္ဂိုလ်တစ်ဦးချင်းကဖြစ်စေ၊ အဖွဲ့အစည်းအနေနဲ့ဖြစ် စေ သုံးစွဲပါက ပြည်တွင်းနဲ့ အပြည်ပြည်ဆိုင်ရာ တရားဥပဒေများအရ အရေးယူနိုင်ဖို့ ဆောင်ရွက်သွားမယ်လို့ ထုတ် ပြန်ထားပါတယ်။ 

လက်ရှိမှာ မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် (CTUM) ရဲ့ အမည်ကို အဖွဲ့ချုပ်က နှုတ်ထွက်ပြီး သူတွေက စစ်တပ်အလိုကျ လုပ်ဆောင်ပေးနေတဲ့ကိစ္စရပ်တွေမှာ သုံးစွဲနေတာ ကြောင့် ဒီအခြေအနေမှာ CTUM အဖွဲ့ချုပ်က တရားဥပဒေအရ အရေးယူနိုင်ရေး ဆောင်ရွက်သွားမယ်လို့ ဖေဖော်ဝါရီလ(၁၄)ရက်က ထုတ် ပြန်လာတာပဲ ဖြစ်ပါတယ်။ 

“အကြမ်းဖက်စစ်တပ်က အဖွဲ့ချုပ်ရဲ့ ဒုတိယအကြိမ်ညီလာခံသက်တမ်းမှာ ရွေးချယ်တင်မြှောက်ထားတဲ့ ဗဟို ကော်မတီဝင်အားလုံးကို ရာဇသတ်ကြီးပုဒ်မ (၁၂၄-က) နိုင်ငံတော်ပုန်ကန်မှုနဲ့ ဖမ်းဝရမ်း ထုတ်ထားပါတယ်။ ဒါ့အပြင် ဗဟိုကော်မတီဝင်တွေရဲ့ နိုင်ငံကူးလက်မှတ် (passport) တွေကို ပယ်ဖျက်တာကိုလည်း နိုင်ငံတကာသံရုံး တွေကို ပေးပို့ထားပြီး အဖွဲ့ချုပ်ဥက္ကဌ ဦးမောင်မောင်ကိုလည်း နိုင်ငံသားအဖြစ်က ရပ်စဲကြောင်း ကြေညာထား ပါတယ်”လို့ ထုတ်ပြန်ချက်မှာ ဖော်ပြထားပါတယ်။ 

စစ်ကောင်စီဟာ အပြည်ပြည်ဆိုင်ရာ အလုပ်သမားရေးရာအဖွဲ့ (ILO) က Article 33 အရ အလုံးစုံစီးပွားရေးပိတ်ဆို့ အရေးယူတာက အလုပ်သမားတွေက လက်မခံဘူးလို့ ပုံဖော်ဖို့အတွက် ကြိုးပမ်းနေတာ ဖြစ်ပါတယ်။ ဒီအခြေအနေ မှာ တရားဝင်ဖွဲ့စည်းထားတဲ့ အလုပ်သမားအဖွဲ့ချုပ်က တာဝန်ရှိသူတွေကိုတော့ ဖမ်းဝရမ်းတွေ ထုတ်ထားပြီး အဖွဲ့ အစည်းနာမည်ကို အလွဲသုံးစား လုပ်ဆောင်နေတာလို့ ဆိုပါတယ်။ 

ဒီအခြေအနေနဲ့ ပတ်သက်ပြီး မြန်မာနိုင်ငံ ကုန်ထုတ်နှင့်စက်မှုလက်မှု အလုပ်သမားများအဖွဲ့ချုပ် (IWFM)ကလည်း အဖွဲ့ချုပ်အမည်နဲ့ အမှတ် တံဆိပ်ကို အဖွဲ့ချုပ်က နှုတ်ထွက်ပြီးသူတွေက အသုံးချနေတာကို ဇန်နဝါရီလ (၃၀) ရက်မှာ အမည်စာရင်းနဲ့တကွ ထုတ်ပြန်ကြေညာခဲ့ပါတယ်။ 


Related posts

Cover
လုပ်ခလစာမပေးဘဲ အလုပ်ကနေထုတ်ပယ်လို့ အလုပ်သမားတွေအခက်တွေ့နေရ
Aug 25, 2025
Cover
Sunrise အထည်ချုပ်စက်ရုံ နေ့စဉ် အချိန်ပိုတွေအပြင် နားရက်မရှိ လုပ်ကိုင်နေရ
Aug 24, 2025
Cover
LAT WAR (3) အထည်ချုပ် အချိန်ပို အလွန်အကျွံခေါ်၊ စစ်ဆေးရေးအဖွဲ့ ရုံးခန်းဝင်ပြီး ပြန်
Aug 23, 2025
Cover
Teng Hui Myanmar Knitting သိုးမွှေးထည်စက်ရုံ အလုပ်သမားများ အလုပ်ပျက်ဆိုပြီး အထုတ်ခံရ
Aug 23, 2025
Cover
SHWE MYINN ရေလျှော်စက်ရုံ အချိန်ပို ညလုံးပေါက် လုပ်ကိုင်ခိုင်း
Aug 22, 2025
Cover
Chi Mei အထည်ချုပ် အချိန်ပို အတင်းအကျပ် ခိုင်းစေ
Aug 22, 2025
Cover
Sky Fashion Myanmar လုပ်ခ လျှော့ပေးသည့်အပြင် လစာခွဲခြားပေး၊ အလုပ်ထုတ်
Aug 22, 2025
Cover
ပိတ်လိပ်ခိုးယူသည်ဟုစွပ်စွဲခံရသည့် အလုပ်သမား ၂ ဦး ဖမ်းဆီးခံရပြီး ပျောက်ဆုံးနေ
Aug 21, 2025