BONTECH MANUFACTURING COMPANY LIMITED အချိန်ပို အောလင်းအောနိုက်တွေကို အလုပ်သမားတွေရဲ့ သဘောဆန္ဒမပါဘဲ အတင်းကျပ်ခေါ်ယူ ခိုင်းစေနေတယ်လို့ အလုပ်သမား တွေက ပြောပါတယ်။
“အောနိုက်ကို တစ်လ အကြိမ် (၂၀)နီးပါးခေါ်တယ်။ အောနိုက်မခေါ်ရင် ည ၉ ခွဲအထိခေါ်တယ်။ ဒါက စက်လိုင်းတွေ။ တခြားဌာနတွေဆို ည(၈)/(၇ခွဲ) အဲလိုတွေ ခေါ်ခိုင်းတာ" လို့ အလုပ်သမားတဦးက ပြောပါတယ်။
အချိန်ပို မဆင်းနိုင်တဲ့ အလုပ်သမားတွေကို ဂရိတ်ချတာ၊ အထည်ဆုကြေး ဖြတ်ေတာက်တာ၊ လုပ်ငန်းခွင်မှာ စောင့်ကြည့် ခွဲခြားဆက်ဆံတာ စက်ရုံဘက်က ပြုလုပ်တယ်လို့လည်း အလုပ်သမားတွေက ပြောပါတယ်။
ပြီးခဲတဲ့လပိုင်းက အချိန်ပိုနဲ့ အောနိုက်တွေ အများအပြား ခေါ်ခိုင်းတာကို အလုပ်သမားရုံးဆီ တိုင်းကြားခဲ့ တာကြောင့် လာရောက်စစ်ဆေးပေမဲ့ ပြောင်းလဲမှုမရှိသလို အချိန်ပို အောက်နိုက်(ည ၁၂) တွေကို အောက်တိုဘာ ၃၁ ရက်အထိ စက်ရုံဘက်က ခိုင်းစေနေခဲ့တယ်လို့ သိရပါတယ်။
စက်ရုံဘက်က လုပ်သက် (၃)လပြည့် လုပ်သားတွေကို အလုပ်ခန့်ထားမှုဆိုင်ရာ သဘောတူစာချုပ် ( EC ) ချုပ်ဆိုပေးတ, မရှိတဲ့ အပြင် ထမင်းစားဖို့ နေရာထိုင်ခင်း လုံလောက်မှု မရှိသောကြောင့် အသွားအလာလုပ်တဲ့ ကြမ်းပြင်မှာပဲ အလုပ်သမားတွေ ဖြစ်သလိုစားနေရတယ်လို့ ပြောဆိုပါတယ်။
Bontech Manufacturing အထည်ချုပ်စက်ရုံ ရန်ကုန်တိုင်း၊ရွှေပြည်သာမြိုနယ်၊ သာဓုကန်စက်မှုဇုန်၊ ပတ္တမြား လမ်းမှာ လုပ်သားဦးရေ (၇၀၀))ကျော်နဲ့ လည်ပတ်လုပ်ကိုင်နေပါတယ်။
