Best Garment အထည်ချုပ်စက်ရုံက အကြောင်းပြချက်မရှိဘဲ အလုပ်သမားတစ်ဦး ကို အလုပ်ထုတ်ခဲ့တယ်လို့ သိရပါတယ်။ လုပ်သက် ၆ လရှိနေတဲ့ အဲ့ဒီ အလုပ်သမားကို EC စာချုပ်ချိုးဖောက် ပြိး အလုပ်ထုတ်ခဲ့တာလို့ သွေးစည်းညီညွတ်သောသမဂ္ဂများ အဖွဲ့ချုပ် STUM ကို အလုပ်သမားတွေက ပြောထားပါတယ်။
“ လုပ်သက် ၆ လ ဝန်းကျင် ရှိတဲ့ မဝင်းမာဦးက လိုင်း-၁မှာ စက်ချုပ် ရာထူးနဲ့ အလုပ်လုပ်နေတာ။ ဇွန် ၂ ရက်မှာ အကြောင်းပြချက်မရှိဘဲ အလုပ် ထုတ်ခဲ့တာပဲ။ EC စာချုပ်ချိုးဖောက်ပြီး အပြစ်မရှိဘဲ အလုပ်ထုတ်ခဲ့တာ.” လို့ ပြောဆိုထားပါတယ်။
အလုပ်ထုတ်ခံရတဲ့ မဝင်းမာဦးက မြို့နယ်အလုပ်သမားညွှန်ကြားမှုဦးစီးဌာနကို တိုင်ကြားစာပေးပို့ခဲ့ပြီး ညှိနှိုင်းမှု သုံးကြိမ် ပြုလုပ်ထားပြီး ဖြစ်တယ်လို့ သိရပါတယ်။ ညှိနှိုင်းမှုအတွင်း လာရောက် ဖြေရှင်းသူ စက်ရုံမန်နေဂျာ လာရောက် ထွက်ဆိုခဲ့တယ်လို့ သိရပါတယ်။
“လုပ်ငန်းခွင် စွမ်းဆောင်ရေ ကြိုက်နှစ်သက်မှု မရှိတာလို့ အလုပ်ထုတ်တာလို့ ထွက်ဆိုတယ်။ အလုပ်လည်း ပြန်မခန့်နိုင်ဘူး ပြောထားတယ်။” လို့ STUM အဖွဲ့က ပြောပါတယ်။
အလုပ်ထုတ်ပယ်ခဲ့လို့ အလုပ်အကိုင်နှင့်ကျွမ်းကျင်မှုဖွံ့ဖြိုးတိုးတက်ရေး ဥပဒေ ပုဒ်မ-၃၉ အရ အရေးယူပေးဖို့နဲ့ မူလလစာ၊ မူလရာထူး၊ မူလနေရာ၊ မူလလုပ်သက်အတိုင်း လုပ်ငန်းခွင် ပြန်လည် ဝင်ရောက်လုပ်ကိုင်နိုင်ဖို့ အလုပ်သမားဘက်က တောင်းဆိုထားတယ်လို့ သိရပါတယ်။ တောင်းဆိုမှုတွေအတွက် တင်ပြမှုတွေ ပြုလုပ် ဆက်လက်လုပ်ဆောင်သွားမှာ ဖြစ်တယ်လို့လည်း မြို့နယ်အလုပ်သမားရုံးက ပြောဆိုထားတယ်လို့ STUM အဖွဲ့က ပြောဆိုထားပါတယ်။
Best Garment (Myanmar) Co.,Ltd အထည်ချုပ်စက်ရုံက ရန်ကုန်မြို့၊ ရွှေပြည်သာမြို့နယ်၊ ကရင်ချောင်းကွင်းလမ်းမှာ ဖွင့်လှစ် လုပ်ကိုင်နေတယ်လို့ သိရပါတယ်။
