Asdet ( Myanmar ) Garment .Co . Ltd စက်ရုံမှာ ဂိတ်ပတ်စ်ယူတာ၊ ခွင့်ယူတာ ပျက်ရက်သတ်မှတ်ပြီး ရက်မှန်ကြေး အကုန်ပြုတ်မယ်လို့ စက်ရုံတာဝန်ရှိတယ် ပြောဆိုတယ်ဆိုပြီး အလုပ်သမားတွေက ပြောပါတယ်။ စက်ရုံက ဒေးကြေး ကျပ် ၉၀၀၀ကျပ် ရက်မှန်ကြေး ကျပ် ၃၀၀၀၀ တိုးပေး အပြီး အခုလို ပြောခဲ့တယ်လို့ မြန်မာနိုင်ငံအထွေထွ အလုပ်သမား သမဂ္ဂများအဖွဲ့ချုပ် FGWM ကို အလုပ်သမားတွေက ပြောကြားခဲ့တာ ဖြစ်ပါတယ်။
" ဆေးခွင့်နဲ့ပျက်ပျက် ၊ ဂိတ်ပတ်နဲ့ပဲထွက်ထွက်၊ ရှောင်တခင် ခွင့်နဲ့ပဲ ပျက်ပျက် ရက်မှန်ကြေးအကုန်ပြုတ်မယ်လို့ ပြောတယ် ၊ခွင့်တိုင်တယ်ဆိုတာ လစာ အဖြတ်ခံရမှာစိုးလို့တိုင်တာ အခုဟာကမတရားသဖြင့် ကြီးပါ တခါမှတောင်မကြားဖူးပါဘူး “ဆိုပြီး အလုပ်သမားတွေက ပြောပါတယ်။
ရက်မှန်ကြေးက ဥပဒေမှာတော့ ပြဌာန်းမထားပေမဲ့ ခွင့်နဲ့ ရက်ပျက်ပါက လုပ်ခလစာပေးရမယ်ဆိုပြီး ခွင့်ရက်နဲ့အလုပ်ပိက်ရက် နည်းဥပဒေ ပါတယ်လို့ FGWM အဖွဲ့ တာဝန်ရှိသူက ပြောပါတယ်။
" ဥပဒေက မှာက ခွင့်ရက်နဲ့အလုပ်ပိတ်ရက်ဥပဒေအတိုင်းခံစားခွင့်ရှိတယ်ဆိုတာပါ ။အဲ့တော့ ရက်မှန်ကြေးကို ဘာခွင့်နဲ့ပျက်ပျက်မဖြတ်ဖို့တောင်းဆိုကြတဲ့အခါ၊ ခွင့်ရက်နဲ့အလုပ်ပိတ်ရက်ဥပဒေအတိုင်းပေးကြရတယ်။ အဓိကတော့ အလုပ်သမားကပဲတောင်းဆိုယူရတာပါ။ " လို့ ပြောပါတယ်။
စက်ရုံမှာ စက်လိုင်း ၂၄ လိုင်း၊ လူဦးရေ ၇၀၀ ဝန်းကျင်က SMOG ၊ CHAPTER ၊ everme အမှတ်တံဆိပ် တွေချုပ်လုပ် နေပါတယ်။
Asdet ( Myanmar ) Garment .Co . Ltd. စက်ရုံ ရန်ကုန်မြို့ ၊ လှိုင်သာယာမြို့နယ် ၊ ရွှေလင်ဗန်းစက်မှုဇုန် ဦးအောင်သူ လမ်းမှာ လုပ်ငန်း လုပ်ကိုင်နေပြီး တရုတ်နိုင်ငံသားပိုင် စက်ရုံ လို့ သိထားပါတယ်။
