NEWS

AQUA SHOE စက်ရုံ သတ်မှတ်အချိန်ပိုထက် ပိုမို ခိုင်းစေ

CoverLogo
529 Views

မြစိမ်းရောင်းစက်မှုဇုန်က AQUA SHOE စက်ရုံမှာ ဥပဒေ သတ်မှတ်အချိန်ပိုထက် ပိုမိုခိုင်းစေတာကြောင့် အလုပ်သမား အများစု သွားလာရေး ခက်ခဲပြီး နေအိမ်အပြန် နောက်ကျတာတွေ ကြုံတွေ့နေရတယ်လို့ အလုပ်သမားတွေက ပြောပါတယ်။

အလုပ်ရုံ နှင့် အလုပ်သမားဥပဒေစစ်ဆေးရေးဦးစီးဌာနရဲ့   ၂၀၂၂ ခုနှစ် ညွှန်ကြားလွှာမှာတော့ တပတ်အချိန်ပို နာရီ  ၂၀ ထက် ကျော်လွန်ခိုင်းစေတာတွေ မပြုလုပ်ဖို့ ဖော်ပြထားပါတယ်။ 

“စက်ရုံက သတင်းကျွတ်ပြီးနောက်ပိုင်း နေ့တိုင်း ည ၈ နာရီအထိ လုပ်ပေးနေရတာ။ စနေဆိုလည်း ည ၇ နာရီ အထိ လုပ်ကိုင်ပေးရတယ်။ ဒီလထဲမှာဆို ပိတ်ရက်မရှိခဲ့ဘူး။ တနင်္ဂနွေဆင်းရတာ သုံးပတ်လုံးလုံးပဲ ။ အိမ်ပြန်ရင် ၁၀ ခွဲ လောက်မှ ရောက်တယ်။ လုံခြုံရေးနဲ့ ဘာနဲ့ ဆို အဆင်မပြေတော့ဘူး” လို့ စက်ရုံအလုပ်သမား အမျိုးသမီး  တဦးက ပြောပါတယ်။

၂၀၂၄ ခုနှစ် တနှစ်လုံးနီးပါး နေ့စဉ် အချိန်ပို ည ၇ နာရီ လုပ်ကိုင်ခဲ့ရပြီး စနေနေ့တိုင်းလည်း ည ၇ နာရီအထိ လုပ်ကိုင်ခဲ့ရတယ်လို့ သိရပါတယ်။ ဒါ့အပြင် အချိန်ပိုဆင်းရတဲ့ နေ့တိုင်း နားချိန်မရဘဲ ဆက်တိုက် လုပ်ကိုင်ခဲ့ရတယ်လို့လည်း အလုပ်သမားတွေက ပြောပါတယ်။

စက်ရုံက ဒဂုံဧရာအဝေးပြေးရှေ့က မြစိမ်းရောင်စက်မှုဇုန်မှာ ရှိပြီး အလုပ်သမားတွေက တွံတေး၊ ခတ္တာယ၊ ထန်းတပင် ဘက်က လာရောက်လုပ်ကိုင်သူတွေ ဖြစ်တယ်လို့ ပြောပါတယ်။ 

“ကျွန်မတို့က ကြိုပို့စီးပြီး ရွာကို တန်းရောက်တာတောင် ၉ နာရီခွဲနေပြီ ။ ထန်းတပင်ဘက်က တချို့ဆိုရင် လှေ တဆင့် စီးရသေးတယ်။ သူ့တို့ ဒုက္ခကမှ အကြီးကြီးပဲ ။ အခန့်မသင့်ရင် လှမ်းလျှောက်ပြန်၊ မြစ်ကူးဖို့ အိမ်က လှေကိုခေါ်ရတာ။  မနက်ဆို အလုပ်လာဖို့ ၃ နာရီခွဲကတည်းက အိပ်ယာထ ပြင်ဆင်ရတယ်။ ဖယ်ရီစီးဖို့ ၆ နာရီ ထက် နောက်ကျမရဘူး။ လှေကို လပေးနဲ့ စီးလာကြရတာ။ တွံတေးဘက် လာတဲ့သူတွေလည်း ဖယ်ရီနဲ့ သာ ပြန်ရတာ အရမ်းနောက်ကျကြတယ်။ ၇ နာရီလောက် ပြန်ရမယ်ဆိုရင်တော့ သက်တောင့်သက်သာ ဖြစ်တာပေါ့” လို့ အလုပ်သမားတဦးက ပြောပါတယ်။ 

Aqua Shoes Co., Ltd ကို နိုင်ငံခြားရင်းနှီးမြှုပ်နှံမှုနဲ့ တည်ထောင်ထားတယ်လို့ DICA ရဲ့ အချက် အလက်တွေအရ သိရပါတယ်။ Aqua Shoes ကုမ္ပဏီက တရုတ်နိုင်ငံ အခြေစိုက် ကုမ္ပဏီဖြစ်ပြီး Water Shoes, Swim Shoes and Beach Shoes   စတဲ့ ထုတ်ကုန်တွေ ထုတ်လုပ်နေတယ်လို့ သိထားပါတယ်။  

 #MyanmarLabourNews


Related posts

Cover
SDI Manufacturing စက်ရုံချိုးဖောက်မှုအား ကောလာဟလ ဟု အလုပ်သမားရုံးတာဝန်ရှိသူက ပြောဆို ၊ လက်ရှိ ဓါတ်လိုက်မှုများအား စက်ရုံမှ ပြုပြင်ခြင်းမရှိ
Jun 25, 2025
Cover
Myanmar Huasheng Kefu Fashion အထည်ချုပ် ရက်တွက် ဒေးကြေးလျှော့ပေး
Jun 24, 2025
Cover
True Green city စက်ရုံ အလုပ်သမား ရုံးတိုင်လို့ဆိုပြီး အလုပ်ထုတ်ခံရ
Jun 24, 2025
Cover
DongXin စက်ရုံအမျိုးသမီးလုပ်သားများ လိင်ပိုင်းဆိုင်ရာ နှောင့်ယှက်ခံရပြီး တာဝန်ရှိသူများ အကာအကွယ်မပေး ဟုဆို
Jun 23, 2025
Cover
Prettex Myanmar စက်ရုံ အထည်ကြေး ရက် ၂၀ ကျော် ကြာသည်အထိ ရှင်းမပေး
Jun 22, 2025
Cover
S.H UNITED COMPANY LIMITED လုပ်ငန်းခွင်ဆိုင်ရာ ချိုးဖောက်မှု ကျူးလွန်နေ
Jun 22, 2025
Cover
မြန်မာနိုင်ငံသား ၃၀ ကျော် လက်ခံထားသည့် ထိုင်းကျောင်းထိုင်ဘုန်းကြီးအဖမ်းခံရ
Jun 22, 2025
Cover
Chi Mai အထည်ချုပ်စက်ရုံမှူး ဆဲဆို ခြိမ်းခြောက် ခိုင်းစေ
Jun 21, 2025