လာမယ့် ဧပြီလနဲ့ မေလတွေမှာ စပါးတင်း သိန်း(၁၅၀)နဲ့ ဧည့်မထ ဆန်အိတ်(၄)သိန်းတို့ကို ဝယ်ယူသွားမယ် လို့ မြန်မာနိုင်ငံဆန်စပါးအသင်းချုပ်က သတင်းထုတ်ပြန်လိုက်ပါတယ်။
နိုင်ငံတကာဝယ်လိုအားကျဆင်းခြင်း၊ ပြည်တွင်းဝယ်လိုအားကျဆင်းခြင်း အတွက် ဧည့်မထနွေစပါး စိုက်ပျိုးတဲ့ တောင်သူလယ်သမားတွေ ရောင်းချဖို့ အခက်ခဲ ဖြစ်ပေါ်နေပါတယ်။
ဒါကြောင် ပို့ကုန် ကုမ္ပဏီတွေ၊ အသင်းဝင် ဆန်စက်ကြီးတွေ ညှိနှိုင်းပေါင်းစပ် ပြီး နှစ်လအတွင်း စပါးတင်း သိန်း(၁၅၀)နဲ့ ဧည့်မထ အိတ်(၄)သိန်းကို ဝယ်ယူမယ် လို့ ထုတ်ပြန်တာဖြစ်တယ်လို့ ဆိုပါတယ်။
လက်ရှိမှာ နွေစပါး ဈေးကွက်မှာ တင်း ၁၀၀ ကို ၁၅သိန်း ကျပ် ဝန်းကျင်သာ ပေါက်ဈေးရှိ သလို ဝယ်ယူမှု လည်း နည်းနေတယ်လို့ သိရပါတယ်။
ဆန်စပါးအသင်းချုပ်က စပါးတင်း သိန်း(၁၅၀)နဲ့ ဧည့်မထ အိတ်(၄)သိန်းကိုဝယ်ယူသွားမယ် လို့ ဆိုထားပေမယ့် ဈေးနှုန်းကိုတော့ ဖော်ပြခြင်းတော့ မရှိသေးပါဘူး။
၂၀၂၅-၂၆ ဘဏ္ဍာရေးနှစ်အတွင်းမှာ ပေါင်းဆန်တန်ချိန်(၃)သိန်း တင်ပို့ရောင်းချနိုင်ရေးလျာထားပြီး ပေါင်းဆန်စက်(၃၀)ကိုလည်း အဆင့်မြင့်တင်မယ် လို့ ဆိုပါတယ်။
ဒါ့အပြင် လက်မှတ်ရေးထိုးထားတဲ့ ဆိုလာကုမ္ပဏီ(၁၁)ခုနဲ့ ပြည်ပဆန်တင်ပို့နေတဲ့ ဆန်စက်ကြီးများ တွင် (၄၁.၅)မဂ္ဂဝပ် ကိုစတင် ဆောင်ရွက်ဖို့နဲ့ နေရောင်ခြည်သုံး လျှပ်စစ်ထုတ်လုပ်နိုင်ရေးကိုလည်း ဆွေးနွေးခဲ့ကြတယ်လို့ ထုတ်ပြန်ထားပါတယ်။
