ပြီးခဲ့တဲ့ ၂၀၂၂ ခုနှစ်တစ်နှစ်တာကာလအတွင်း အလုပ်သမား အခွင့်အရေး ချိုးဖောက်မှု့ များအား FGWM အဖွဲ့ချုပ် သို့အကူအညီ တောင်းခံ တိုင်ကြားလာရာ  အမှုပေါင်း ၃၀၀ ကျော်အထိရှိတယ်လို့ သိရပါတယ်။

" အများဆုံး ဖြေရှင်းပေးရတဲ့ အမှုတွေက ၊ အဓမ္မ ခိုင်းစေမှု ၊ အထည်စံချိန် မတရားတောင်းတာ ၊စူပါတွေက ဆဲဆို ခြိမ်းခြောက်တာ ၊လုပ်အားခေါင်းပုံဖြတ်ခံရတဲ့ အမှုတွေကို အများဆုံးဖြေးရှင်းပေးရတဲ့ အမှုတွေဖြစ် ပါတယ်" လို့ အလုပ်သမားများအားကူညီဆောင်ရွက်ပေးနေတဲ့ FGWM မှတာဝန်ရှိသူကဆိုပါတယ်။

စစ်အာဏာသိမ်းပြီးနောက် အလုပ်သမားအခွင့်အရေးချိုးဖောက်ခံရမှုတွေက ပိုမိုများပြားလာပြီး အလုပ်သမားအခွင့်အရေး ချိုးဖောက်ခံရလို့ အများဆုံးတိုင်ကြားလာတဲ့ အမှုတွေကတော့ - အဓမ္မ ခိုင်းစေမှုဆိုင်ရာချိုးဖောက်မှု့ များ ဖြစ်တဲ့ အထည်စံချိန် မတရားတောင်းခြင်း၊ စံချိန်မပြည့်ခဲ့ရင် အိုတီကြေးမရဘဲ အချိန်ပိုဆင်းပေးရခြင်း ၊ စူပါ လီတာ
များအော်ဟစ် ဆဲဆိုခြင်း ၊ ခြိမ်းခြောက်ခိုင်းစေခြင်း ၊ စံချိန်မပြည့်လို့ မတရား ဝမ်တိန်ထိုးရခြင်း ၊ ကိုယ်ထိ 
လက်ရောက် ရိုက်နှက်ပြီး အလုပ် ခိုင်းစေခြင်း ၊ အမြဲတမ်းဝန်ထမ်းတွေကို မတရားအလုပ်ဖြုတ်ပြီး နေ့စားသမားတွေ ကို အစားထိုး ခိုင်းစေခြင်း၊ အိုတီကြေးမရပဲ အိုတီများ ခိုင်းစေခြင်း၊ လုပ်အားခေါင်းပုံဖြတ်ခံရခြင်း၊ ကိုယ်ဝန်ဆောင်တွေကို အိုတီဆင်းခိုင်းပြီး မီးဖွားခွင့်ရက် အကျိုးခံစားခွင့် မပေးခြင်း၊ အလုပ်သမားများ ၏ ခွင့်ခံစားခွင့်များ မရတော့ခြင်း၊အများပြည်သူ ရုံးပိတ်ရက်မှာ အိုတီ (သို့မဟုတ်) ရက်စား ဆင်းပေးရတာတွေဖြစ်တယ်လို့ သိရပါတယ်။

အဲ့ဒီလိုတိုင်ကြားလာတဲ့အမှုတွေထဲက အများဆုံးဖြေရှင်းပေးရတဲ့အမှုတွေဟာ လုပ်ငန်းခွင်အတွင်းအဓမ္မစေခိုင်းမှုတွေ၊ စံချိန်ကိုအဆမတန်တိုးတောင်းတာတွေနဲ့ လုပ်အားခေါင်းပုံဖြတ်ခံရတာတွေအပြင် ဆဲဆိုခြိမ်းခြောက်ခံရတဲ့အမှုတွေကို ဖြေရှင်းပေးရတာဖြစ်ပြီး အဲဒီလိုတိုင်ကြားလာတဲ့အမှုတွေကို ကျုးလွန်တဲ့စက်ရုံ  အများစုက အထည်ချုပ် စက်ရုံတွေဖြစ်တယ်လို့ ဆိုပါတယ်။

ဒါ့အပြင်အထည်ချုပ်စက်ရုံတွေက ဥရောပ တင်ပို့ ဘရန်းများကို ချုပ်လုပ်နေတဲ့ နာမည်ကြီးဘရမ်းတွေဖြစ်တဲ့ ZARA , H&M , Bershka , Lefties , Sinsay ,PRIMARK ,Bianchi , JAKO , AIRCRAFT ,VERO ,MOOE စတဲ့ကုန်အမှတ်တံဆိပ်တွေ ဖြစ်တယ်လို့လည်း သိရပါတယ်။

#MyanmarLabourNews 
#FGWM