ဥပေဒမဲ့ အလုပ်ထုပ်ပယ်တာကြောင့် နစ်နာမှုအတွက်အလုပ်သမားက အလုပ်ရှင်ကိုတရားစွဲ

ဖေဖော်ဝါရီ ၁၇
#Labour
#Myanmarcoup

YFA အထည်ချုပ်စက်ရုံပိုင်ရှင်ကို အလုပ်သမားနှစ်ဦးက ၎င်းတို့နစ်နာမှုအတွက် ရွှေပြည်သာမြို့နယ်တရားရုံးမှာ တရားစွဲဆိုလိုက်တယ်လို့ အဲဒီအလုပ်သမားတွေအရေးကူညီပေးနေတဲ့ သွေးစည်းညီညွတ်သောသမဂ္ဂများအဖွဲ့ချုပ်(STUM)မှ ကူညီဆောင်ရွက်ပေးနေသူကဆိုပါတယ်။

ယခင်နှစ်ကုန်ပိုင်းက ရွှေပြည်သာမြို့နယ်ရှိ Yangon Fukuyama Appeal (YFA)အထည်ချုပ်စက်ရုံ မှ အလုပ်ခန့်ထားမှုသဘောတူစာချုပ်နှင့် မညီဘဲ အလုပ်သမားမအိပိုပိုလှိုင်အား ဥပဒေမဲ့ အလုပ်မှထုတ်ပယ်ခဲ့တဲ့အတွက် အလုပ်သမားညွှန်ကြားမှုဦးစီးဌာနမှာ သုံးကြိမ်တိတိညှိနှိုင်းဖြေရှင်းခဲ့ပေမယ့် ပြေလည်မှုမရရှိခဲ့ဘူးလို့သိရပါတယ်။

" ၀ါးတစ်ရာက YFA စက်ရုံက အီးစီမညီဘဲအလုပ်ထုတ်လိုက်တဲ့ကိစ္စဆိုရင်  အလညမှာသုံးကြိမ်ညှိနှိုင်းတာအဆင်မပြေဘူး။ မပြေလည်တော့ဦးစီးကနေပြီးတော့  နစ်နာတဲ့သူကတရားဆွဲဆိုပြီး စာထွက်တယ်။ ကျွန်တော်တို့တရားရုံးမှာ တရားစွဲဆိုထားတယ်။   ဒီနေ့ကပထမဆုံးရုံးချိန်းပဲ" လို့ ဆိုပါတယ်။

အဲ့ဒီလိုပြေလည်မှုမရရှိခဲ့တဲ့အပေါ် မြို့နယ်
ဦးစီးမှူးက တရားစွဲဆိုပေးရမှာ​ဖြစ်ပေမဲ့ တရားစွဲဆိုပေးရမဲ့အစား အလုပ်သမားကိုယ်တိုင်တရားစွဲဖို့ စာကိုသာထုတ်ပေးတဲ့အတွက် နစ်နာတဲ့အလုပ်သမားနှစ်ဦးကတရားစွဲခဲ့ရတာဖြစ်တယ်လို့ သိရပါတယ်။

တရာစွဲဆိုမှုအတွက်ဖေဖော်ဝါရီ၁၅ရက်က ပထမဆုံးရုံးချိန်းစတင်ခဲ့တာဖြစ်ပြီး အဲဒီလို စက်ရုံပိုင်ရှင်အား အလုပ်သမားမှနစ်နာမှုအတွက်တရားစွဲဆိုခြင်းမှာ စက်ရုံလုပ်သားများအကြားပထမဆုံးဖြစ်လာတာလည်းဖြစ်သလိုအခုတရားစွဲဆိုရာမှာလည်း အမှန်တရားအတိုင်းအဆုံးဖြတ်ထွက်လာဖို့မျှော်လင့်ပြီး ထင်သလိုဖြစ်မလာပါက အမှန်တရားရဖို့အတွက် နိူင်ငံတကာတရားရေးအဆင့်ထိရင်ဆိုင်သွားမယ်လို့လည်းသိရပါတယ်။

YFAစက်ရုံဟာသာဓုကန်စက်မှုဇုန်နဲ့ ဝါးတရာစက်မှုဇုန်တို့မှာ ဖွင့်လှစ်ထားတာဖြစ်ပြီး သာဓုကန်စက်မှုဇုန်က YFA စက်ရုံမှာလဲ  အလုပ်သမား ၁၅၀ ခန့်နဲ့လည်ပတ်နေတာဖြစ်ပြီး အထည်အော်ဒါနည်းတဲ့အကြောင်းပြချက်နဲ့ အလုပ်သမားဥပဒေအရ စက်ရုံပိတ်ရန်ကြိုတင်အသိမပေးဘဲ အလုပ်သမားတွေကို နို့တစ်ကြေးမပေးဘဲ  ပြီးခဲ့တဲ့နိုဝင်ဘာလကုန်ကလည်း အလုပ်သမား ၁၅၀ နီးပါးကို အလုပ်ကရပ်စဲလိုက်တာနဲ့ပတ်သက်ပြီး အငြင်းပွားမှုဖြစ်ထားပြီး  အလုပ်သမားတွေရဲ့ ကျွမ်းကျင်းကြေးတွေ Grade ကြေးတွေနဲ့ရက်မှန်ကြေးတွေကိုပါ ဖြတ်ခဲ့တာကြောင့် အလုပ်ရုံနဲ့အလုပ်သမားဥပဒေစစ်ဆေးရေးဦးစီးဌာနမှာ တိုင်ကြားတောင်းယူခဲ့ရတယ်လို့လည်း
သိရပါတယ်။

#MyanmarLabourNews 
Photo-ပုံဟောင်း-စက်မှုဇုန်အလုပ်သမားများ