လုပ်ငန်းခွင်အတွင်း တရုတ်လူမျိုးတွေကသူတို့သဘောမကျတဲ့အလုပ်သမားတွေကိုခြေထောက်နဲ့ကန်ကျောက် ပြီးအလုပ်ခိုင်းတာ၊စံချိန် မတရားတိုးတောင်းပြီး စံချိန်မပြည့်ဘူးဆိုတဲ့အကြောင်းပြချက်နဲ့အလုပ်ကထုတ်ပယ်တာ၊ အသက်မပြည့်သေးတဲ့ကလေးငယ်တွေကိုလုပ်ခလစာနှိမ်ပြီးခိုင်းစေတာနဲ့များစွာသောအခွင့်အရေးချိုးဖောက်တာတွေခံနေရတဲ့အတွက် JESSIE MYANMAR APPAREL စက်ရုံကအလုပ်သမားတွေအခက်ကြုံနေရတယ်လို့သိရပါတယ်။
Jessie Myanmar Apparel အထည်ချုပ်စက်ရုံဟာရန်ကုန်တိုင်း၊ လှိုင်သာယာမြို့နယ် စက်မှုဇုန်(၂)၊ ဆရာစံလမ်း မှာလုပ်သားဦးရေ ၅၀၀ နဲ့လည်ပတ်လုပ်ကိုင်နေတဲ့တရုတ်လူမျိုးပိုင်အထည်ချုပ်စက်ရုံတခုလဲဖြစ်ပါတယ်။
"စက်ရုံကစံချိန်ကိုအများကြီးတောင်းပြီး အရည်အသွေးမကောင်းလျှင် ၀မ်တိန်ထိုးခိုင်းပြီးအလုပ်မှထုတ်ပယ်ခံရသောအလုပ်သမားများလည်းရှိနေတယ် ပြီးတော့ ၃လအလုပ်ပိတ်တုန်းကလဲထောက်ပံ့ကြေးဆိုပြီး ၅သောင်းပဲပေးတယ်။ တချို့ဌာနတွေဆိုအလုပ်ပါးတယ်ဆိုပြီးလစာမဲ့တွေနဲ့ပိတ်ပစ်တာ"လို့အဆိုပါစက်ရုံမှအလုပ်သမားတဦးက Myanmar Labour News ကိုပြောပါတယ်။
စက်ရုံကယမန်နှစ် ၁၀လ ပိုင်း ၅ ရက်နေ့မှယခုနှစ်၁လပိုင်းအထိပိတ်ခဲ့ပေမယ့် အလုပ်ရှင်ဘက်မှထောက်ပံ့ကြေးမပေးခဲ့ဘဲ ၁၁ လပိုင်းမှသာထောက်ပံကြေးအဖြစ်(၅၀၀၀၀)ကျပ်သာပေးခဲ့တဲ့အပြင်အလုပ်ပါးသည်ဟုအကြောင်းပြကာအချို့သောဌာနများတွင်လစာမဲ့အလုပ်ပိတ်ရက်များကို တလထဲမှာပင်၅ရက်လောက်အထိပိတ်ခဲ့တဲ့အတွက်အလုပ်သမားများအနေနဲ့အခက်အခဲတွေ့ကြရတယ်လို့လဲသိရပါတယ်။
"အလုပ်သမားများ၏အလုပ်ပိတ်ရက်များကိုအလုပ်သမားများသဘောတူသည်ဖြစ်စေမတူသည်ဖြစ်စေ ရက်စားများအဖြစ်ခေါ်တယ်အလုပ်သမားများသဘောမတူပါကရက်မှန်ကြေးဖြတ်မယ်၊လစာမဲ့ဖြစ်မည်ဟုခြိမ်းခြောက်တယ်"လို့ အလုပ်သမားတဦးကဆိုပါတယ်။
အဆိုပါစက်ရုံမှာ(၃၀၀၀)ကျပ်နှင့်အချိန်ပို အိုတီ တစ်နာရီလျှင်(၆၀၀)ကျပ်နှုန်းဖြင့်ခေါ်းပြီး စက်ရုံ၀န်ထမ်းမျာကိုမူ အိုတီကြေး လုံး၀မခေါ်ယူတော့တဲ့အပြင် အလုပ်သမားများလုပ်သက်ခွင့်နှစ်ကြေးခံစားခွင့်များကို အထည်ပါသောရက်များတွင်လစာမဲ့ပိတ်၍လုပ်သက်ခံစားခွင့်များမှငွေကြေးကိုဖြတ်တောက်ပစ်တာတွေရှိနေသလို အသက်မပြည့်သေးသောနေ့စားအလုပ်သမားများကိုလူစားထိုး၍ခိုင်းလို့ရသောဌာနတွင်ထားရှိနေတယ်လို့ ဆိုပါတယ်။
နိုင်ငံခြားသားတရုတ်လူမျိုးမှခြေထောက်ဖြင့်ကန်ခြင်း အရှက်ရအောင်ပြုလုပ်သည့်အတွက် ကျူးလွန်ခံရသော အလုပ်သမားမှာအရှက်ရစေသည့်အပြင် ချက်ခြင်းအလုပ်ထုတ်သည်အထိပါ အလုပ်သမားအခွင့်အရေးချိုးဖောက်မှု့တွေကျူးလွန်နေကြတယ်လို့လဲသိရပါတယ်။
"အလုပ်ချိန်သတ်မှတ်ချက်က နံနက်၈ နာရီအချိန်ဖြစ်သော်လည်းဖယ်ရီကားများကိုလုပ်ငန်းခွင်အတွင်း (၇နာရီ၄၀မိနစ်အတွင်းအရောက်လာခိုင်းခြင်း၊ ခုနှစ် နာရီ ၁၀ မိနစ် အရောက်မောင်းခိုင်းပြီးနောက်ကျပါက ဖယ်ရီကားသမားလစာများကိုလည်းနောက်ကျမှပေးခြင်း၊ ဖယ်ရီကားသမားများအလုပ်မှထုတ်ပယ်ခြင်းလုပ်မည်ဟုခြိမ်းခြောက်ပြောဆိုအကြပ်ကိုင်တာတွေလည်း ပြုလုပ်ခဲ့တယ်လို့ဆိုပါတယ်။
"ဖယ်ရီကားအင်ချက်နှင့်ဌာနရှိခေါင်းဆောင်များ(၇နာရီ ၁၀)မိနစ်အရောက်လာခိုင်းခြင်းကိုအလုပ်သမားများကိုယ်စား(HR)ထံတွင်အဆင်မပြေကြောင်းသွားရောက်ပြောသောအခါသူဌေးမဆုံးဖြတ်တာဟုပြောသောကြောင့်အဆင်ပြေမှုမရရှိခဲ့ပါ"လို့နစ်နာသူအလုပ်သမားကဆက်ပြောပါတယ်။
ဆက်လက်ပြီးအဆိုပါ Jessie Myanmar Apparel စက်ရုံမှာ
အထည် ဈေးနှုန်းများကိုလျော့ချကာ အထည်စံချိန်တွေတောင်းနေတဲ့အပြင် အလုပ်သမားတွေမှာ နံနက်အစော(၆)နာရီ(၆)နာရီမထိုးခင်(၇)စသည်ဖြင့်စောစောလာရောက်ပြီအလုပ်လုပ်ကြပြီးနေ့လည် ထမင်းစားချိန် အထည်ချုပ်ရပြီးတော့စံချိန်မမှီသဖြင့် အိုတီ မခေါ်ခြင်း၊ ခံ၀န်လက်မှတ်ထိုးခိုင်းခြင်းများပြုလုပ်နေရတဲ့အတွက်အလုပ်သမားများမှလည်းကြောက်ရွံ့၍လုပ်ကိုင်ကြရတယ်လို့ ဆိုပါတယ်။
ဒါ့အပြင် အလုပ်ဆင်းချိန်(၄:၄၅)တွင်လည်းအလုပ်သမားများက(၄:၄၄)မိနစ်အချိန်(လက်ဗွေ)နှိပ်၍ဆိုပြီးခံ၀န်ထိုးခိုင်းပြီးတော့ ခံ
၀န်လက်မှတ်(၃)ခါအများဆုံး(၄)ခါပြည့်သောအခါစူပါနှင့်လိုင်းတာ၀န်ခံများမှတာ၀န်မယူလျှင်အလုပ်ဖြုတ်ပစ်ပြီးသူဌေးမကြိုက်သူဖြစ်လျှင်တစ်ခါထဲအလုပ်ထုတ်ပစ်တယ်လို့အလုပ်သမားတွေဘက်ကပြောပါတယ်။
ဆက်လက်ပြီးစက်ရုံတွင်းဖိနှိပ်မှု့အခြေအနေများနှင့်ပတ်သတ်ပြီးတော့-အလုပ်သမားမျာကိုနေ့စဉ်ခံ၀န်လက်မှတ်ထိုးခိုင်းတာ၊ ခံ၀န်လက်မှတ်ဟုပြောပြီနေ့စဉ်နေ့တိုင်းစိတ်ဖိစီးမှုများ၊စိတ်ဒုက္ခများနှင့်စိတ်ပိုင်းဆိုင်ရာဖိနှိပ်ချုပ်ချယ်မှုများနှင့်ခြောက်လှန့်လျှက်ရှိနေတဲ့အပြင် ဖယ်ရီကားများစောရောက်၍အလုပ်သမားများအလုပ်ဌာနအတွင်းသို့စောစော၀င်အလုပ်မလုပ်သူကိုသူဌေးမမှလက်ညှိုးထိုး၍၀င်ခိုင်းခြင်း၊ ဌာနခေါင်းဆောင်များ၊ ကားအင်ချက် (In charge) များကိုပါလာရောက်ပြောဆိုတာတွေလုပ်ငန်းခွင်အတွင်တွင်းအသက်မပြည့်သောနေစားခလေးလုပ်သားများကိုလည်းဈေးပေါပေါဖြင့်ခိုင်းစေနေတာတွေရှိနေတဲ့အပြင်စက်ရုံကိုဧည့်သည်များ၊စစ်ဆေးရေးများလာသောနေ့တွင်ခလေးလုပ်သားများကိုပိတ်ရက်အဖြစ်သတ်မှတ်ထားပြီးဥပဒေကိုလက်တလုံးကြားလုပ်နေတာတွေလဲရှိနေတယ်လို့သိရပါတယ်။
ယခုလိုJessie Myanmar Apparel စက်ရုံဖက်မှကျူးလွန်နေတဲ့ဥပဒေမဲ့လုပ်သားအခွင့်အရေးချိုးဖောက်မှု့တွေအပေါ်မှာစက်ရုံအလုပ်သမား၅၀၀ ကျော်အနေနဲ့- အလုပ်ရှင်ဘက်မှသက်မှတ်ထားသောအလုပ်ချိန်နံနက်(၈)နာရီ အချိန်ပြည့်မှသာအလုပ်ခိုင်းစေခြင်းနှင့်အပြစ်တစ်စုံတစ်ရာမရှိပဲဝမ်တိန်ထိုးခိုင်းခြင်းမပြုလုပ်ရန်၊နိုင်ငံခြားသားများမှရိုင်းစိုင်းစွာဆက်ဆံခြင်းမပြုလုပ်ရန်၊ အသက်မပြည့်သောခလေးငယ်များကိုလုပ်သားစျေးပေါပေါဖြင့်ခိုင်းစေခြင်းများမပြုလုပ်ရန်၊ အလုပ်ရှင်ဘက်မှတစ်စုံတစ်ရာချမှတ်လျှင်အလုပ်သမားများသဘောဆန္ဒမပါပဲအပြုလုပ်ရန်၊ အကြောင်းမဲ့အလုပ်ထုတ် ခြင်းများမပြုလုပ်ရန်အစရှိတဲ့အချက်တွေကိုတောင်းဆိုထားကြပါတယ်။
အဆိုပါစက်ရုံမှာလုပ်သားအခွင့်အရေးအတွက်သမဂ္ဂဖွဲ့ပြီးလုပ်ကိုင်ခွင့်မရတာကြောင့် သမဂ္ဂမရှိဘူးလို့လဲအလုပ်သမားတွေဖက်ကပြောပါတယ်။
Jessie Apparel Myanmar အထည်ချုပ်စက်ရုံဟာ Next အမှတ်တံဆိပ်အထည်တွေချုပ်လုပ်ပြီစျေးကွက်ကိုတင်ပို့တဲ့ကုမ္ပဏီတခုလဲဖြစ်တယ်လို့ သိရပါတယ်။
