ထိုင်းနိုင်ငံအလုပ်သမားဝန်ကြီး Trinuch Thienthong က အခကြေငွေတောင်းခံသော အလုပ်ခန့်ထားရေးအေဂျင်စီမျာကို တင်းကျပ်စွာစုံစမ်းစစ်ဆေးရန် အလုပ်အကိုင်ဌာနကို အမိန့်ပေးထားပြီး ဥပဒေချိုးဖောက်မှုများတွေ့ရှိပါက ဥပဒေအရတင်းကျပ်စွာအရေးယူသွားမည်ဖြစ်ကြောင်းပြောပါတယ်။
နိုင်ငံခြားသားလုပ်သား မှတ်ပုံတင်ခြင်းနှင့်ပတ်သက်သည့် ပြဿနာများရှိခြင်း သို့မဟုတ် ငွေညှစ်ခံရခြင်းများကို ကြုံတွေ့နေရသည့်အလုပ်သမားများသည် အလုပ်သမားဝန်ကြီးဌာန၏ hotline 1506၊ 2 ကိုနှိပ်၍ အလုပ်သမားဌာနသို့ တိုင်ကြားနိုင်ကြောင်း ဝန်ကြီးကပြောပါတယ်။
နိုင်ငံခြားသားအလုပ်သမားများမှတ်ပုံတင်ခြင်းကို ပုဂ္ဂလိကသို့လွှဲပြောင်းလိုက်သော Outsource စနစ်စနစ်နှင့်ပတ်သက်သည့် ပြဿနာများကိုလည်း လျစ်လျူရှုခြင်းမရှိဘဲ၊ အလုပ်ရှင်များ၊ စီးပွားရေးလုပ်ငန်းများနှင့် ပြင်ပကုမ္ပဏီများမှ နိုင်ငံခြားသား အလုပ်သမားမှတ်ပုံတင်ခြင်းစနစ်အသုံးပြုမှုနှင့်ပတ်သက်၍ ထောက်ပြသော စိုးရိမ်မှုအားလုံးကို အသိအမှတ်ပြုပြီး ပြသနာတွေကိုအရှိန်မြှင့်ပြီးအမြန်ဖြေရှင်းနေတယ်လို့ပြောပါတယ်။
Outsource စနစ်သုံးရသည့်ရည်ရွယ်ချက်မှာ လာဘ်ပေးလာဘ်ယူမှုနှင့် လူကုန်ကူးမှုနှင့် ဆက်စပ်နိုင်သည့် အရာရှိများ၏ စာရွက်စာတမ်းများကို ဝင်ရောက်ကြည့်ရှုခွင့်ကို လျှော့ချရန်ဖြစ်ပြီး အလုပ်သမားဝန်ကြီးဌာနမှ အရာရှိများအား ၎င်းတို့၏တာဝန်များကို ရိုးသားဖြောင့်မတ်စွာ ထမ်းဆောင်ရန် ညွှန်ကြားထားကာ လာဘ်ပေးလာဘ်ယူမှုတစ်စုံတစ်ရာ တွေ့ရှိပါက တရားစွဲဆိုခံရမည်ဖြစ်ကြောင်းပြောပါတယ်။
