လုပ်ငန်းခွင်တွင်ဖိနှိပ်ချူပ်ချယ်ခံရခြင်း အလုပ်သမားဥပဒေပါ ရပိုင်ခွင့်အခွင့်အရေးများ ချိုးဖောက်ခံရခြင်း၊ ခွဲခြားဆက်ဆံခံရကြောင်းကို အလုပ် သမားရုံးများနှင့်အလုပ်သမားအရေးကိုဆောင်ရွက်နေသောသူများတိုင်ကြားမည်ဆိုပါက ရဲနှင့်စစ်တပ် ကိုခေါ်ဖမ်းခိုင်းမည်ဟု Full Way Garment Factory အထည်ချုပ်စက်ရုံရှိတာဝန်ရှိသူတွေကအလုပ်သမားတွေအပေါ်လုပ်ငန်းခွင်အတွင်းခြိမ်းခြောက်ထားတယ်လို့သိရပါတယ်။
Full Way garment Factory အထည်ချုပ်စက်ရုံဟာ ရန်ကုန်တိုင်းဒေသကြီး လှိုင်သာယာမြို့နယ်၊ ရွှေသံလွင် စက်မှု့ဇုန်အမှတ်၂၊ မင်းဧရာလမ်းမှာ လုပ်သားဦးရေ ၃၀၀ နဲ့လည်ပတ်လုပ်ကိုင်နေတဲ့ တရုတ်လူမျိုးပိုင်စက်ရုံတခုလဲဖြစ်တယ်လို့သိရပါတယ်။
"စက်ရုံအလုပ်ရှင်ကိုယ်စားစီမံအုပ်ချုပ်သူစူပါ၊ အောစူပါတွေဆိုအလုပ်နဲ့မသက်ဆိုင်လဲဆဲတယ် လုပ်ငန်းခွင်းထဲမှာဝန်ထမ်းအချင်းချင်းမျက်နှာမပြရဲလောက်အောင်ကို မိဘနဲ့ရောတိရိစ္ဆာန်နဲ့ရောနှိုင်းပြီးဆဲတာ ပြီးတော့ဥပဒေမှာအတိအလင်းပါပြီးသားဖြစ်တဲ့ ပိတ်ရက်ခံစားခွင့်တွေဘာတခုမှမပေးဘူး တရက်လေးပျက်လိုက်တာနဲ့ အဲ့ပျက်တဲ့အလုပ်သမားကိုနောက်ရက်တွေဆိုအငြိုးထားပြီးဆက်ဆံတာ ဝမ်တိန်ထိုးခိုင်းတာတွေလုပ်တာ"လို့အဆိုပါစက်ရုံမှ အလုပ်သမားတဦးကပြောပါတယ်။
အဆိုပါ လုပ်ငန်းခွင်အတွင်း ချိုးဖောက်ခံရသည့် အခြေအနေများကို အလုပ်သမားရုံးများနှင့် အလုပ်သမားအရေး ဆောင်ရွက်နေသူများကို တိုင်ကြားမည်ဆိုပါက ရဲနှင့်စစ်တပ်ခေါ်ဖမ်းခိုင်းမယ်လို့ လည်း လုပ်ငန်းခွင်အတွင်းမှာ ခြိမ်းခြောက်ထားတယ်လို့ ဆိုပါတယ်။
ဒါ့အပြင်လုပ်ငန်းခွင်အတွင်းအလုပ်ရှင်အနေဖြင့် အလုပ်သမားများမချုပ်လုပ်နိုင်သည့် အထည်စံချိန်များကိုပိုမိုတောင်းခံ ခြင်းနှင့်စက် လိုင်းရှိလူဦးရေကိုအချိုးကျစား၍တွက်ပြီး အိမ်သာသွားချိန်၊ သောက်ရေသောက်ချိန် စက်ပျက်ချိန်တွေ ထည့်မတွက်ဘဲ အထည်အရေအတွက်တောင်းခံနေတဲ့အပြင် သတ်မှတ်အထည်စံချိန်မပြည့်ပါက လုပ်ခလစာထဲမှ ဂရိတ်အဆင့်ချခြင်း ကျွမ်းကျင်ကြေးဖြတ်တောက်ခြင်းတွေကိုလဲစက်ရုံဖက်ကပြုလုပ်နေတယ်လို့သိရပါတယ်။
"နေထိုင်မကောင်းလို့အလုပ်ကိုလူမှု့ဖူလုံရေး ဆေးခွင့်နဲ့နားတာတောင်ကျွမ်းကျင်ကြေးရက်မှန်ကြေးဖြတ်ပြီး ဂရိတ်ချတယ်ပြီးတော့အလုပ်ကနေဥပဒေမဲ့ထုတ်ပစ်တာတွေလဲလုပ်တယ် ပြီးတော့တနေ့ကိုအလုပ်ချိန်၈နာရီထက်ကျော်ပြီးအလုပ်ခေါ်တယ်အလုပ်သမားတွေပဆန္ဒမပါလို့ အိုတီမဆင်းရင်လဲဝန်တိမ်ထိုးခိုင်းတယ်"လို့ Full Way garment factory စက်ရုံမှအလုပ်သမားတဦးကဆက်ပြောပါတယ်။
လက်ရှိမှာတော့ အဆိုပါ အထည်ချုပ်စက်ရုံမှအလုပ်သမားတွေအနေနဲ့ ဥပဒေပါခံစားခွင့်များဖြစ်သည့် (၁၉၅၁)ခွင့်ရက်နှင့်အလုပ်ပိတ်ရက်ဥပဒေပါခံစားခွင်များရရန်၊ လုပ်ငန်းခွင်တွင်အလုပ်ရှင်၏ စီမံအုပ်ချူပ်သူများဖြစ်ကြတဲ့ အော်စူပါ စူပါ လီတာများမှအလုပ်သမားအပေါ် ရိုင်းစိုင်းစွာဖြင့်ဆဲဆိုခြင်းနှင့်ဝန်ထမ်းများအရှက်ရစေရန်အော်ဟစ်ပြောဆိုခြင်းမပြုလုပ်ရန်၊လုပ်ငန်းခွင်တွင်အလုပ်သမားအမှန်တကယ်ချုပ်လုပ်နိုင်တဲ့အထည်စံချိန်ကိုသာတောင်းရန်၊
အလုပ်သမားများကို အချိန်ပို OT ခေါ်ရာတွင်အလုပ်သမားသဘောဆန္ဒကိုကောက်ယူပြီတော့မှသာ အချိန်ပိုခေါ်ယူရန်၊အလုပ်သမားများကျန်မာရေးမကောင်းသည့်အခါလူမှုဖူလုံရေးဆေးခွင်ဖြင့်အလုပ်နားပါက ကျွမ်းကျင်ကြေး ရက်မှန်ကြေးမဖြတ်တောက်ရန်နှင့် အဆင့်ဂရိတ်မချရန်၊အစရှိတဲ့တောင်းဆိုချက်တွေကိုစက်ရုံဖက်ကအမြန်ဆုံးဖြေရှင်းဆောင်ရွက်ပေးကြဖို့လိုလားနေကြပါတယ်။
Full Wat garment factoryအထည်ချုပ်စက်ရုံဟာ FRISTADS အမှတ်တံဆိပ်အထည်များချုပ်လုပ်ပြီးစျေးကွက်ကိုဖြန့်ချီနေတဲ့စက်ရုံတခုလဲဖြစ်တယ်လို့သိရပါတယ်။
