အလုပ်သမားအခွင့်အရေးတောင်းဆိုရာက ဖမ်းဆီးထိန်းသိမ်းခံခဲ့ရတဲ့ အလုပ်သမားတွေ လုပ်ကိုင်နေတဲ့ စက်ရုံနဲ့ အချို့စက်ရုံတွေ ကို စစ်ကောင်စီလက်အောက်ခံ အလုပ်သမားဝန်ကြီးဌာနက ဝင်ရောက်စစ်ဆေးခဲ့တယ်လို့ သိရပါတယ်။
"အမှန်ကတော့တိုက်ဆိုင်တယ်လို့ထင်ပါတယ်။ အရင်ရက်တွေဒီအလုပ်သမားတွေမလွတ်ခင်ကတည်းက တချို့စက်ရုံတွေကို ဦးဝင်းရှ်ိန်ရော ဝင်စစ်နေကြတာတွေ့တယ်။ အငြင်းပွားမှုဖြစ်လို့ အလုပ်သမားကတိုင်ရင်တောင် စည်းကြပ်မှုမရှိတာလေ ခုကတိုက်ဆိုင်တာလို့ထင်ပါတယ်" လို့ ရောင့်ကြည့်နေသူက မှတ်ချက်ပြုပါတယ်။
ဖမ်းဆီးထိန်းသိမ်းခံခဲ့ရတဲ့ အလုပ်သမားတွေ ဝင်ရောက်လုပ်ကိုင်နေတဲ့ Sun Apperal Myanmar နဲ့ ဟိုစိမ့်(မြန်မာ)စက်ရုံတို့ကို စက်တင်ဘာ ၁၀ရက်နေ့က စစ်ကောင်စီရဲ့အလုပ်သမားဝန်ကြီးဦးမြင့်နောင်ဟာ ကိုယ်တိုင်ဝင်ရောက်စစ်ဆေးခဲ့တာဖြစ်တယ်လို့ အဲ့ဒီဌာနထုတ်ပြန်ချက်အရ သိရပါတယ်။
ထုတ်ပြန်ချက်အရ ကုန်အမှာ စာရရှိမှု၊ ကုန်ထုတ်လုပ်မှု၊ လုပ်ငန်းခွင်ဆက်ဆံရေးနဲ့ လုပ်ခလစာပေးချေမှုအခြေအနေကို မေးမြန်းခဲ့ပြီး လုပ်ငန်းခွင် တည်ငြိမ်အေးချမ်းရေးနဲ့ ကုန်ထုတ်လုပ်မှုတိုးတက်စေရေးကို လမ်းညွှန်မှာကြားခဲ့တယ်လို့ ဖော်ပြထားပါတယ်။
ရွှေပြည်သာမြို့နယ်ရှိ ဟိုစိမ့်(မြန်မာ)စက်ရုံက အလုပ်သမား ၅ဦး၊ Sun Apparel Myanmar စက်ရုံက အလုပ်သမား ၂ ဦးနဲ့ အလုပ်သမားအရေးကူညီဆောင်ရွက်ပေးနေတဲ့ Action Labor Rightsအဖွဲ့ဝင်တို့အပါအဝင် အလုပ်သမားတွေဟာ ဆူပူမှုဖြစ်အောင်လှုံ့ဆော်လို့ဆိုပြီး ပြီးခဲ့တဲ့ဇွန်လက ဖမ်းဆီးထိန်းသိမ်းခံရတာဖြစ်ပြီး ယခုလ စက်တင်ဘာ ၄ ရက်နေ့မှာတော့ ပြန်လွှတ်ပေးလိုက်ကာ စက်တင်ဘာ ၁၀ရက်နေ့မှာ အဲ့ဒီစက်ရုံတွေကို စစ်ကောင်စီရဲ့ အလုပ်သမားဝန်ကြီးက သွားရောက်စစ်ဆေးခဲ့တာ ဖြစ်ပါတယ်။
Photo-MOL(SAC)
