NEWS

အလုပ်သမားတွေကို နေ့စားအဖြစ်သာထားပြီးခိုင်းစေလို့နစ်နာမှုရှိနေ

CoverLogo
346 Views

တရုတ်နိုင်ငံသားပိုင် ကျင့်ဝေအထည်ချုပ်စက်ရုံမှာ အလုပ်သမား (၄၀၀) ကျော်ကို အမြဲတမ်းဝန်ထမ်းအနေနဲ့ ခန့်အပ်တာမရှိဘဲ နေ့စားဝန်ထမ်းအဖြစ်သာထားပြီး အခွင့်အရေး ချိုးဖောက်တာတွေ လုပ်ဆောင်နေလို့ နစ်နာမှုရှိ နေတယ်လို့ စက်ရုံအလုပ်သမားတွေက ပြောပါတယ်။ 

 

ဒီစက်ရုံကို လှိုင်သာယာစက်မှုဇုန်၊ ဦးအောင်သူလမ်းမှာ ဖွင့်လှစ်ထားတာဖြစ်ပါတယ်။ 

 

အလုပ်သမားတွေကို နေ့စားဝန်ထမ်းအဖြစ်သာ ထားရှိနေတာ ဖြစ်ပါတယ်။ လုပ်ငန်းခွင်ထဲ မှာ သမဂ္ဂလည်း ဖွဲ့စည်းထားတာမရှိဘဲ ချိုးဖောက်မှုတွေကို လုပ်ဆောင်နေတာပဲ ဖြစ်ပါတယ်။ 

 

“စက်ရုံမှာ အလုပ်သမားက (၄၀၀) ကျော် ရှိပါတယ်။ အလုပ်သမားတွေကို လခစားဝန်ထမ်း မခန့်ဘဲနဲ့ နေ့စားပဲ ထား ပါတယ်။ အလုပ်ခေါ်တုန်းကလည်း လေဘာကတ်လည်း မတောင်းဘဲ အလုပ်ခန့်တာပါ။ လစာကလည်း ဒေးကြေး ကို (၄၈၀၀) ကျပ်ပဲ ပေးပါတယ်။ လစာတွေထုတ်ရင် အလုပ်ရှင်ဘက်က ပေးချင်သလို ပေးပါတယ်။ စက်သမားဆို ရင် ငါးသိန်းပေးပြီး တစ်ခြားဌာနတွေဆိုရင် လေးသိန်းကျော်ပဲ ပေးပါတယ်။ လစာကို ဘယ်လောက်ရလဲ မပြောဘဲ နဲ့ နေ့စားပုတ်ပြတ်သဘောမျိုးနဲ့ ရှင်းပေးပါတယ်” လို့ စက်ရုံအလုပ်သမားတစ်ဦးက ပြောပါတယ်။ 

 

လုပ်ငန်းခွင်ထဲမှာ အသက်မပြည့်သေးတဲ့ အလုပ်သမား (၁၀၀) ကျော်ကိုလည်း ဆရာဝန်ရဲ့ ကျန်းမာရေး ကောင်းမွန် ကြောင်း ထောက်ခံတဲ့စာမပါဘဲ ခိုင်းစေနေသလို လူကြီးလုပ်သားတွေတန်းတူ လုပ်ကိုင်ခိုင်းနေတာလည်း ဖြစ်ပါ တယ်။ 

 

အလုပ်သမားတွေ အသုံးပြုရတဲ့ အိမ်သာတွေကလည်း သန့်ရှင်းမှုမရှိဘဲ ညစ်ပတ်နေတာကြောင့် ကျန်းမာ ရေး အရ ထိခိုက်တာတွေလည်း ရှိနေပါတယ်။ 

 

“စက်ရုံမှာ အော်စူပါ၊ စူပါတွေက အလုပ်သမားတွေကို အုပ်ချုပ်ရတာမဟုတ်ဘဲ တရုတ်တွေ ကိုယ်တိုင် အုပ်ချုပ်နေ ပါတယ်။ အလုပ်သမားတွေ အလုပ်ခိုင်းရင်လည်း ဌာနအလိုက် ကျွမ်းကျင်တာကို လုပ်ကိုင်ရတာမဟုတ်ဘဲနဲ့ တရုတ် က သူခိုင်းချင်တဲ့နေရာမှာ ခိုင်းပါတယ်။ မလုပ်တတ်လို့ ပြန်မေးရင်လည်း တရုတ်က အော်တာတို့၊ ဆဲတာတို့လည်း လုပ်ပါတယ်။ အထည်စံချိန် တောင်းရင်လည်း စူပါတွေက အော်ဟစ်ဆဲဆိုပြီး တောင်းပါတယ်”လို့ စက်ရုံအလုပ်သမားတစ်ဦးက ပြောပါတယ်။ 

 

လက်ရှိမှာ အလုပ်သမားတွေက လုပ်ငန်းခွင်တွင်းမှာ ချိုးဖောက်ခံရတာတွေ ကူညီဖြေရှင်းပေးဖို့ မြန်မာနိုင်ငံ ကုန် ထုတ်နှင့် စက်မှုလက်မှု အလုပ်သမားများ အဖွဲ့ချုပ် (IWFM) ကို ဆက်သွယ် အကူအညီ တောင်းခံထားတာပဲ ဖြစ်ပါတယ်။ 

 

အလုပ်သမားတွေအနေနဲ့ အသက်မပြည့်သေးတဲ့ အလုပ်သမားတွေကို လူကြီးတွေလုပ်သားတွေ တန်းတူမခိုင်းဖို့၊ တရုတ်တွေက တိုက်ရိုက်အုပ်ချုပ်တာ၊ အော်ဟစ်ဆဲဆိုတာ မလုပ်ဖို့၊ အောစူပါ၊ စူပါတွေက အထည် စံချိန်တောင်းခံရာမှာ မဆဲဖို့နဲ့ အလုပ်သမားတွေကို နေ့စားဝန်ထမ်းကနေ အမြဲတမ်းဝန်ထမ်းအဖြစ် ခန့်ပေးဖို့ လိုလားနေတာပဲ ဖြစ်ပါတယ်။


Related posts

Cover
Fala Fala Clothing Garment Factory Forces Up to Four Overnight Shifts Per Week, Daily Overtime Reaches Three Hours
Jul 13, 2025
Cover
Sunlong (Myanmar) Sports စက်ရုံ အချိန်ပို ဆက်လက် ခိုင်းစေနေ
Jul 13, 2025
Cover
တနင်္ဂနွေနဲ့ နေ့စဉ် အချိန်ပိုတွေကို လုပ်ခမရဘဲ လုပ်ကိုင်ပေးရ
Jul 13, 2025
Cover
New Plus အထည်ချုပ်စက်ရုံအတွင်း ခွဲခြားမှုတွေ
Jul 13, 2025
Cover
Dongxin စက်ရုံတွင် သုံးပတ်ကျော်ကြာ အချိန်ပိုများ ဆက်တိုက် ခေါ်ခိုင်းနေ
Jul 12, 2025
Cover
Jimmy Garment က နေ့စားလုပ်သားများအား အချိန်ပိုကြေးမပေးဘဲ အလုပ်ထုတ်
Jul 12, 2025