NEWS

အမေရိကန်တစ်ဒေါ်လာလျှင် မြန်မာကျပ်ငွေ ၃၀၀၀ ကျော်အထိစျေးပေါက်နေ

CoverLogo
5.3K Views

ပြည်တွင်းစီးပွားရေးစျေးကွက်တွင် အမေရိကန်တစ်ဒေါ်လာလျှင် ငွေကျပ် ၃၀၀၀ ကျော်ပေါက်စျေးအထိ ရှိနေတယ်လို့ ပြင်ပဒေါ်လာစျေးကွက်အတွင်းမှ စုံစမ်းသိရှိရပါတယ်။

" သုံးထောင်ကျော်နေပြီခုည ခုနကပဲကျွန်တော် ၃၀၂၀ နဲ့အပြာအရွက်သန့်အရောင်းဝယ်လုပ်ဖို့ပြောနေတာ။ ထပ်ပြီးတော့ဒေါ်လာစျေးတက်ပြီး ကျပ်ငွေတန်ဖိုးထိုးကျအုံးမှာပဲ။ ဘာလို့လဲဆိုတော့ လုပ်ငန်းရှင်တွေ လုပ်ငန်းလည်ပတ်ဖို့ပစ္စည်းတန်ဖိုးတွေပေးချေဖို့တွေကို စစ်တပ်က လိုအပ်သလောက်ထုတ်မရောင်းပေးဘူး။ လိုအပ်တာကိုအပြင်ပေါက်စျေးမှာ ကြိုက်ရောင်းကြိုက်ဝယ်ဆိုတော့ မှောင်ခိုစျေးကွက်သာ အားကောင်းလာမှာ''လို့ ဒေါ်လာစျေးကွက်ကစားသူ လုပ်ငန်းရှင်တစ်ဦးက ဆိုပါတယ်။

အာဏာသိမ်းစစ်ကောင်စီက  ဝါဇီစက်ရုံမှ ထုတ်ဝေလိုက်သည့် ငွေစက္ကူ အသစ် ဘီလီယံ ၄၀၀ ကို အခမ်းအနားဖြင့် လွှဲပြောင်းမှုကို ဩဂုတ်လ ၁၂ ရက်နေ့တွင် ဆောင်ရွက်ပြီးနောက် ယနေ့ ဩဂုတ်လ ၁၃ ရက်နေ့တွင် ထိုင်းဘတ်ငွေနှင့် ဒေါ်လာစျေးမြင့်တက်ကာ မြန်မာကျပ်ငွေ တန်ဖိုး ထိုးကျသွားခြင်းဖြစ်ပါတယ်။

လက်ရှိ ဩဂုတ်၁၃ရက်ညအထိ အမေရိကန်တစ်ဒေါ်လာလျှင် ငွေကျပ် ၂၇၅၀ ကနေ  ၃၀၁၀ ကျပ်အထိ  စျေးပေါက်ကာ ကြိုက်ရောင်ကြိုက်ဝယ်ဖြင့် အရောင်းအဝယ်ဖြစ်တယ်လို့ သိရပါတယ်။

"ဒါက ရှင်းပါတယ်။ ငွေစက္ကူတွေ ဘီလီယံချီ ရိုက်ထုတ်တဲ့ အကျိုးဆက်ပဲလေ။  မြန်မာငွေတွေ ရိုက်ထုတ်ကြတာကြောင့်  ပိုဆိုးလာဖို့ပဲရှိတယ်" ဟု လုပ်ငန်းရှင်တစ်ဦးက ဆိုပါတယ်။

ယမန်နေ့က ရွှေစျေးနှုန်းသည်ကျပ်  ၂၆ သိန်းကျော်ကျော်သာရှိခဲ့ရာမှ ယနေ့တွင် ၂၈ သိန်းနီးပါး စျေးထိုးတက်လာပြီး ဒေါ်လာစျေးနှုန်းမှာလည်း တစ်ဒေါ်လာလျှင်   ယနေ့ဩဂုတ်၁၃ရက်ည အပိတ်စျေး ၃၀၀၀ကျပ်ကျော်သွားခြင်းဖြစ်တယ်လို့ သိရပါတယ်။

MyanmarLabourNews


Related posts

Cover
အပူပိုင်းမုန်တိုင်း “ဘူအလွိုင်” မြန်မာနိုင်ငံအရှေ့ပိုင်း နယ်စပ်ဒေသများကို ဖြတ်ကျော်နိုင်ဟုမိုး/ဇလထုတ်ပြန်
Sep 29, 2025
Cover
အပူပိုင်းမုန်တိုင်း "ဘူအလွိုင်" ကြောင့် တိုင်းနှင့်ပြည်နယ်များတွင် အောက်တိုဘာ ၂ရက် အထိ မိုးကြီးနိုင်
Sep 28, 2025
Cover
ငမိုးရိပ်ရေလှောင်တမံ ရေပြည့်မှတ်ရောက်ရန် ပေဝက်ခန့်သာ လိုတော့ဟုဆည်မြောင်းဝန်ကြီးဌာနအသိပေး
Sep 26, 2025
Cover
ပါရာစီတမော သောက်သုံးမှု မူလညွှန်ကြားချက်မပြောင်းလဲဘူးလို့ ကမ္ဘာကျန်းမာရေးအဖွဲ့ထုတ်ပြန်ထား
Sep 24, 2025
Cover
စစ်တောင်း၊ ပဲခူး၊ သံလွင်နှင့်ဘီလင်းမြစ် တို့ ၆နာရီမှ ၃၆ နာရီအတွင်း စိုးရိမ်ရေမှတ်ရောက်ရှိမည်ဟု မိုးဇလ အသိပေး
Sep 24, 2025
Cover
တိုင်ဖွန်းမုန်တိုင်း ရာဂါဆာ အရှိန်ကြောင့် နေရာအနှံ့ မိုးကြီးမှု သတိပြုရန်လို
Sep 22, 2025
Cover
ဒိုက်ဦးနှင့် သာယာ၀တီအကျဉ်းထောင်မှ နိုင်ငံရေးအကျဉ်းသူများ အရေပြားကူးစက်ရောဂါ ဆိုးရွားစွာခံစားနေရဟုဆို
Sep 17, 2025
Cover
ဆောက်လုပ်ရေးလုပ်ငန်းခွင်တွင် မြေပြိုကျမှုကြောင့် လုပ်သားနှစ်ဦးသေဆုံး
Sep 16, 2025