သို့
သက်ဆိုင်ရာ အကို အမများရှင့်။
ကျွန်မတို့က PK Myanmar(ပဲခူး)စက်ရုံက စက်လိုင်း အလုပ်သမားတွေပါ။ PK Myanmar က
LL Bean အိတ်တွေ ချုပ် ပါတယ်ရှင့် ။
ကျွန်မတို့ အခက်အခဲကတော့ စက်ရုံက နားရက်မရှိအောင် အချိန်ပိုဆက်တိုက်ခေါ်ခိုင်းနေတာပါရှင့် ။
ပြီးခဲ့တဲ့အပတ် တနင်္ဂနွေ ကနေ ဒီနေ့အထိ အလုပ် ဆက်တိုက်လုပ်ရပါတယ်။
မနက်ဖြန်နားရက်ဖြစ်တဲ့ (အစ်နေ့)မှာလဲ အလုပ်သမား ၄၀၀ ကျော်ကို LL Bean အိတ် အတွက် အချိန်ပိုလုပ်ဖို့ကို ထုတ်လုပ်မှုခေါင်းဆောင် ကျော့ကျော့ခိုင် က အတင်းအကျပ် အချိန်ပိုဆင်းဖို့ အတွက် ဖိအားပေးနေ ပါတယ်။
ဝန်ထမ်းရေးရာ မန်နေဂျာကိုတောင် အသိမပေးဘဲ GM မစ္စတာကင်နဲ့ ပြောပြီးပြီ၊ အလုပ်လုပ်ရမယ်၊ အချိန်ပို မဖြစ်မနေဆင်းရမယ်ဆိုပြီး အတင်းခိုင်းစေပါတယ် ။
အချိန်ပိုလုပ်အားခကို အပြည့်အဝရရှိပေမယ့်၊ ကျွန်မတို့ နားရက်တော့ရချင်ပါတယ်။
အမြဲတမ်းလိုလို ကျော့ကျော့ခိုင်က ဖိအားပေးခိုင်းစေပါတယ် ။
သူနဲ့ အဆင်ပြေတဲ့ အလုပ်သမားတွေကို လစာရာထူးတိုးပေးပြီး၊ မတည့်တဲ့၊ သူ ကြည့်မရတဲ့ အလုပ်သမားတွေကို အတင်းဖိအားပေး ဆဲဆို ပါတယ်။
သူ့စကားနားမထောင်မိတဲ့ အလုပ်သမားတွေကို “စစ်တပ်နဲ့ဖမ်းခိုင်းမယ်၊ နင်တို့ ပဲခူးစစ်ဆေးရေးဂိတ်ကတောင် ထွက်မသွားနိုင်ဘူး ၊ ဖြစ်သွားရမယ်” ဆိုပြီး ပြောဆိုစေခိုင်းပါတယ်။
GM မစ္စတာကင် ကလည်း ကျော့ကျော့ခိုင်ရဲ့ ပြောဆို လုပ်ရပ် တွေကို မသိဟန်ဆောင်ထားပြီး အလုပ်သမားတွေ ကို နားရက်မရှိခိုင်းစေတာကို ခွင့်ပြုထားပါတယ်။
ကျွန်မတို့အခက်အခဲကိုကူညီစေချင်ပါတယ် ။
