ရန်ကုန်တိုင်းဒေသကြီး ၊ လှိုင်သာယာမြို့နယ် စက်မူဇုန် (၂) ရှိ Lian Cheng(Myanmar) လျှန်ချန်း အထည်ချုပ် စက်ရုံတွင် အလုပ်ပိတ်ရက်မရှိ အလုပ်ခေါ်တာတွေ ည ၈နာရီခွဲအထိ OT ခေါ် OTကြေး ပိုက်ဆံမရရှိဘဲ အလကားအလုပ်လုပ်ပေးနေရတယ်လို့ အလုပ်သမားတွေထံကသိရပါတယ်။
အချိန်ပို ခေါ်ရာမှာ အလုပ်သမားတွေရဲ့ သဘောဆန္ဒကောက်ယူတာမရှိသလို အများပြည်သူရုံးပိတ်ရက်တွေမှာ ပါနားခွင့်မရှိဘဲ အခက်အခဲမျိုးစုံနဲ့လုပ်ကိုင်နေရတယ်လို့အလုပ်ကမားကပြောဆိုပါတယ်။
" အလုပ်သမား ဆန္ဒမကောက်ယူဘဲ OT မဆင်းချင်လဲဆင်းရမယ်ဆိုပြီး OT ခေါ်တာ တစ်နှစ်ကျော်ပြီ တနဂ်နွေနေ့တွေဆိုလဲ အတင်းအကြပ်ဆင်းခိုင်းတဲ့အပြင် ည၈ခွဲထိ OT ဆင်းပေးရတယ် OTကြေးမရဘူး ထမင်းစားချိန် မိနစ် ၃၀ကိုလဲအပြည့်မရရှိဘူး ၊Ticket(တစ်ကတ်)ကြေးနဲ့ပေးတယ်ဆိုပြီး OTကြေးလဲမပေးဘူး ဒေးကြေးလဲမပေးဘူး "လို့အလုပ်သမားတစ်ဦးကပြောဆိုပါတယ်။
လုပ်ငန်းခွင်ထဲမှာ အလုပ်သမား ဥပဒေပါခွင့်တွေ မရရှိသလို ကိုယ်ဝန်ဆောင်အမျိုးသမီးတွေကို အလုပ်မှထုတ်ပယ်ပြီး အလုပ်သမားများလည်းမကြာခဏ နှုတ်ထွက်တာရှိနေတယ်လို့ ဆိုပါတယ်။
" ဥပဒေပါခွင့် တွေမရရှိဘူး ကိုယ်ဝန်ဆောင်အမျိုးသမီး အလုပ်သမားတွေဆိုအလုပ်ထုတ်ပြစ်တယ် ၊ ဆဲဆိုတယ်မလုပ်နိုင်ရင်အလုပ်ထွက်ခိုင်းတယ်၊ စက်ရုံမှာ နှစ်ကြီးသမားမရှိဘူး အမြဲ သုံးလ လေးလသမားတွေပဲရှိတယ် ဒဏ်မခံနိုင်လို့ အလုပ်ထွက်ကုန်ကြတာ လို့ " အလုပ်သမားတစ်ဦးကထပ်မံပြောဆိုပါတယ်။
ယင်းကဲ့သို့ချိုးဖောက်ခံရမှုတွေကို သက်ဆိုင်ရာ ဌာနတွေက စိစစ်ပြီးအရေးယူတာမရှိဘူးလို့လည်း အလုပ်သမားကပြောပါတယ်။
အဆိုပါစက်ရုံသည် တရုတ်နိုင်ငံသားပိုင် ဖြစ်ပြီး အလုပ်သမား တစ်ထောင်ဝန်းကျင်နဲ့ ZARA brand ကိုချုပ်လုပ်နေတာဖြစ်တယ်လို့ သိရပါတယ်။
