ညရေးညတာသွားလာရေးအခက်အခဲကြောင့်စက်ရုံတွေမှာအချိန်ပိုအိုတီတွေအလွန်အကျွံခေါ်ယူနေတာကိုအလုပ်သမားဝန်ကြီးဌာနကကြပ်မတ်ပေးဖို့အလုပ်သမားတွေကလိုလားနေကြပါတယ်။
လက်ရှိမှာစက်ရုံ အလုပ်ရုံအများစုဟာအချိန်ပိုနာရီတွေကိုနေ့စဉ်ဆိုသလိုခေါ်ယူနေပြီး တနင်္ဂနွေ ပိတ်ရက်နဲ့အများပြည်သူရုံးပိတ်ရက်တွေကိုပါနားခွင့်မပေးဘူးလို့သိရပါတယ်။
"အချိန်ပိုတွေကနေ့တိုင်းရှိပါတယ်။ဖြစ်နေတာကစားဝတ်နေရေးအတွက်အချိန်ပိုက မဆင်းလို့မရပါဘူး။ဒါပေမယ့်ပေါ်တာဆွဲတဲ့သတင်းတွေက ဆက်တိုက်ထွက်နေတော့အိမ်ပြန်ချိန်နောက်ကျရင်စိုးရိမ်သောကတွေရှိပါတယ်။ဖြစ်နိုင်ရင်တော့ဒီကာလလေးတော့ဝန်ကြီးဌာနကလည်း အချိန်ပိုတွေခွင့်ပြုပေးနေတာကိုနည်းနည်းလေးထိန်းပေးတာမျိုးလုပ်စေချင်တယ်"လို့ ရွှေပြည်သာစက်မှုဇုန်က စက်ရုံအလုပ်သမားတစ်ဦးကပြောပါတယ်။
စက်ရုံတွေမှာအချိန်ပိုနာရီတွေခေါ်ယူတာနဲ့ပတ်သက်ပြီအလုပ်သမားဝန်ကြီးဌာနကြပ်မတ်မှုမရှိသလိုဥပဒေပါသတ်မှတ်ချက်ထက်ကျော်လွန်ပြီးအချိန်ပိုခေါ်ယူတာကိုလည်းခွင့်ပြုပေးနေပါတယ်။
သွားလာရေး အခက်အခဲ ဖြစ်နေတာနဲ့ ပတ်သက်ပြီး FZ GARMENT CO ,ltd မှာ အချိန်ပိုအလွန်အကျွံခိုင်းစေပေမယ့် ဝန်ထမ်းကတ်လုပ်မပေးလို့ ကိုယ့်အစီအစဉ်နဲ့ ကိုယ်ပြန်တဲ့အလုပ်သမားတွေဟာ လှည့်ကင်းကားနဲ့ တိုးချိန်မှာ သက်သေပြစရာ မရှိတာကြောင့် အခက်တွေ့နေတယ်လို့လည်း အလုပ်သမားတွေက ပြောဆိုထားပါတယ်။
လက်ရှိမှာပေါ်တာဆွဲတဲ့သတင်းတွေဟာဆက်တိုက်ဆိုသလိုထွက်ပေါ်နေပြီး ပြည်သူတွေဟာစိုးရိမ်သောကတွေဖြစ်ပေါ်နေပါတယ်။
#MyanmarLabourNews
