ရန်ကုန်တိုင်းဒေကြီး၊ လှိုင်သာယာမြို့နယ်၊ ရွှေလင်ဗန်းစက်မှုဇုန်၊ ပိတောက်လမ်းမှာ တရုတ်နိုင်ငံသားပိုင်ဖြစ်တဲ့ Mai Yi Bei (Yangon)Garment Manufacturing Co,Ltd (ခေါ်) ခေါင်သုံးလုံး အထည်ချုပ်စက်ရုံ မှာ အချိန်ပိုတွေ မရားခေါ်ယူနေပါတယ်။ ငြငန်းဆန်ခွင့်မရှိဘဲ လုပ်ကိုင်နေရတာပါ။
ချုပ်လုပ်ရတဲ့ အမှတ်တံဆိပ်တွေကတော့ mister lady , clevercare. Info , ALCOTT , ORIGINAL MARINES တွေဖြစ်ပါတယ်။
ဖြစ်စဥ်အကျဥ်းအနေနဲ့
ခေါင်သုံးလုံး အထည်ချုပ်စက်ရုံ (ခေါ်) Mai Yi Bei (Yangon)Garment Manufacturing Co,Ltd သည် အလုပ်သမား (၁၀၀၀) ကျော်ဖြင့် လည်ပတ်လုပ်ကိုင် နေသော အထည်ချုပ်စက်ရုံဖြစ်ပါတယ်။ သမဂ္ဂအဖွဲ့အစည်းမရှိပါ၊ (WCC) မရှိ ပါ။
ခေါင်းသုံးလုံးစက်ရုံလို့ ပြောရင်လူသိများပါတယ်။ Mai Yi Bei (Yangon)Garment Manufacturing Co,Ltd စက်ရုံအမည်နဲ့ ဖွင့်တာတော့ (၂) နှစ်ကျော်ရှိပြီးဖြစ်ပါတယ်။
စက်ရုံအလုပ်ချိန်မှာ မနက် (၈) နာရီမှ ညနေ ၆-၃၀ နာရီထိ ပုံမှန်အလုပ်ချိန်ဖြစ်ပါတယ်။ ပုံမှန်အချိန်ပိုမှာ (၂) နာရီဖြစ်ပါတယ်။
စက်ရုံတွင် တစ်ရုံလုံးသော်လည်းကောင်း၊ လူရွေးပြီးတော့သောလည်းကောင်း အချိန်ပိုများကို (၂) နာရီအပြင် ည ၆-၃၀ မှ ၈ နာရီထိ၊ ည ၈ နာရီမှ ၁၂ နာရီ၊ ၁၂ နာရီမှ မိုးလင်းထိ ဆင်းကြရပြီး လိုင်းအလိုက်၊ စက်ရှင်းအလိုက် ဆင်းရတာခြင်းမတူပဲ ဆင်းကြရပါတယ်။ အဓိကပြောချင်တာက အချိန်ပိုတွေကို ခေါ်တဲ့အခါ အလုပ်သမားတွေ ခေါ်ပြောတာထက် ဆင်းကိုဆင်းရခြင်းဖြစ်နေပါတယ်။
အချိန်ပိုတွေဆင်းရသည်အပြင် အခုဆိုလျှင် စက်လိုင်းထဲမှာ အချိန်ပိုမဆင်းနိုင်ကြောင်းနှင့် အလုပ်သမားများ အခွင့်အရေးချိုးဖောက်ခံရလို့ တင်ပြသည့် အလုပ်သမားတွေဆိုလျှင် အကြောင်းအမျိုးမျိုး ပြပြီး အလုပ်ကထုတ်ပြစ်တာတွေလုပ်သည်အပြင် အလုပ်သမားများကို အော်စူပါ၊ စူပါတွေက ကိုယ်ထိ လက်ရောက် ရိုက်နက်ဖို့လုပ်တာရှိသလို အမွေးညှပ်ကပ်ကြေးများနှင့် ထိုးမည်အထိ လုပ်ဆောင်တာတွေ လုပ်ပါတယ်။
နေ့တိုင်းလိုလို စက်လိုင်းထဲမှ ဆဲဆို အော်ဟစ် ပြောဆိုနေပါသည်။ အလုပ်သမားများမှ စက်ရုံမန်နေဂျာကို တိုင်ကြားမှုတွေရှိလျှင်လည်း အရေးယူ ဆောင်ရွက်မှု တွေ လုပ်မပေးပါဘူး။ မခံနိုင်လို့ အလုပ်ထွက်သွားလို့ ရပေမဲ့ လက်ရှိမှာ အလုပ်သမားတွေကို မတရားလုပ်တာကို မခံနိုင်လို့ တိုင်ကြားခြင်းဖြစ်ပါသည်။
အလုပ်သမားတောင်းဆိုသည်မှာ-
၁။ အချိန်ပိုတွေကို တိုင်ကြားမှုတွေရှိတယ်၊ စစ်ဆေးမှုတွေရှိတယ် ထိရောက်စွာ အရေးယူမှုမရှိသဖြင့် အလုပ်ရှင်မှ အကြိမ်ကြိမ်ချိုးဖောက်နေတာပါ။ ၎င်းကိစ္စကူညီပေးစေလိုပါတယ်။
၂။ ကိုယ်ထိလက်ရောက် အလုပ်သမားများအပေါ် အော်စူပါ၊ စူပါတွေမှ အနိုင်ကျင့် စော်ကားနေသည်ကို ထိရောက်စွာအရေးယူပေးရန်တောင်းဆိုအပ်ပါတယ်။
