(Updated -
စက်ရုံဘက်မှ သင်္ကြန်ပွဲကို မကျင်းပ ဖြစ်တော့ဘူးလို့ သိရပါတယ်။)
စက်ရုံဖက်ကအဆိုတော်တစ်ဦးကိုငှားရမ်းပြီးသကြ်န်မပိတ်ခင် စက်ရုံတွင်းပွဲတော်လုပ်ဖို့စီစဥ်နေတာကြောင့်Twinkle Light Fashion Garment အထည်ချုပ်စက်ရုံကအလုပ်သမားတွေအနေနဲ့လုံခြုံရေးအခြေအနေကိုစိုးရိမ်နေရတယ်လို့ဆိုပါတယ်။
Intersport brand ချုပ်လုပ်တဲ့ အဆိုပါစက်ရုံဟာတရုတ်နိုင်ငံသားပိုင်စက်ရုံတခုဖြစ်ပြီးရန်ကုန်မြို့၊ ရွှေလင်ဗန်းစက်မှု့ဇုန် ၊ဦးရွှေလမ်းနှင့်ဗန်းမော်အတွင်းဝင်လမ်းထောင့်မှာလုပ်သားဦးရေ ၁၀၀၀ ဝန်းကျင်လောက်နဲ့လုပ်ကိုင်နေတဲ့အထည်ချုပ်စက်ရုံတခုလဲဖြစ်ပါတယ်။
"စက်ရုံဖက်ကိုတင်ပြတာဒီနိုင်ငံရေးအခြေအနေမှာမလုပ်ဖို့ကိုအဲ့ဒါကိုစက်ရုံဖက်ကငှားထားတဲ့အနုပညာရှင်ကိုစရံပေးပြီးပြီးဆိုပြီးမရမကလုပ်နေတာအလုပ်သမားတွေအနေနဲ့လုံခြုံရေးအခြေအနေစိုးရိမ်နေရတယ်"လို့အဆိုပါစက်ရုံမှအလုပ်သမားတဦးကပြောပါတယ်။
အဆိုပါပွဲကိုစက်ရုံကဧပြီလ ၈ ရက်နေ့မှာပြုလုပ်မှာဖြစ်ပြီးမတက်ရောက်တဲ့အလုပ်သမားတွေကိုရက်မှန်ကြေးဖြတ်တောက်သွားမှာဖြစ်တယ်လို့စက်ရုံဖက်ကခြိမ်းခြောက်ထားတယ်လို့သိရပါတယ်။
"သူတို့ကအတင်းအကြပ်လုပ်နေတော့ အလုပ်သမားတွေကအဲ့နေ့အလုပ်တက်ရမှာကြောက်နေကြတယ်မတက်ပြန်ရင်လဲဖြတ်မှာဆိုတော့ဘယ်လိုလုပ်ရမှန်းမသိဘူးဖြစ်နေတယ်"လို့အလုပ်သမားတဦးကပြောပါတယ်။
Twinkle Light Fashion Garment အထည်ချုပ်စက်ရုံကပြုလုပ်မယ့်အဆိုပါပွဲကိုအလုပ်သမားအများစုကလက်မခံကြပဲစက်ရုံဖက်ကသာဝန်ထမ်းများအတွက်လို့ခေါင်းစဉ်တပ်ပြုလုပ်နေကြတာဖြစ်တယ်လို့သိရပါတယ်။
စစ်ကောင်စီကပြုလုပ်မယ့်သကြ်န်ကိုပြည်သူတွေအနေနဲ့မပါဝင်ကြဖို့တော်လှန်ရေးအင်အားစုတွေကတိုက်တွန်းထားသလိုပြည်သူတွေကလဲအပြည့်အဝပူးပေါင်းပါဝင်ဖို့ပြင်ဆင်နေကြပေမယ့်စစ်ကောင်စီရဲ့အုပ်ချုပ်ရေးမှူးတွေကအမြို့မြို့အနယ်နယ်မှာသကြ်န်လုပ်ဖို့အလှူငွေကောက်ခံတာတွေလူစုစောင်းတာတွေပြုလုပ်နေကြတယ်လို့အတည်ပြုထားတဲသတင်းတွေအရသိရပါတယ်။
