"ဝန်ထမ်းတွေသောက်တဲ့ရေကန်ကိုအိမ်သာနဲ့ပေါင်းထည့်လိုက်တယ်၊ အနံ့အသက်ကလည်း အရမ်းဆိုးတယ် အံမထွက်ရုံတမယ်ပဲဘယ်လောက်ယုတ်မာလဲဗျာ ဒီစက်ရုံကဘယ်သူ့တိုင်တိုင် ဂရုမစိုက်ဖူးဖြစ်နေတာပိုင်ရှင်တရုတ်ထက်စီမံခန့်ခွဲတဲ့မြန်မာတွေကပိုဆိုးနေတာ"
ဒါကတော့လှည်းကူးမြို့ပြည်တော်သာရပ်ကွက်မှာအခြေချလုပ်ကိုင်နေတဲ့တရုတ်နိုင်ငံသားပိုင်မီလာဂါးဒင်းဖိနပ်ချုပ်စက်ရုံရဲ့လက်ရှိအခြေအနေကိုစက်ရုံလုပ်သားတဦးကပြောပြတာပါ။
"အိမ်သာထဲမသွားဘဲ ရေသောက်ရင်တောင် အရမ်းဆိုးတယ်၊ တခါတလေ တီကောင်ပါတယ်ရေက၊ သောက်ရေကိုပေးတဲ့ရေစက်နဲ့အိမ်သာသုံးတာနဲ့တစ်စက်ထဲ ပြီးမှပိုက်တွေဘားတွေနဲ့ပြန်ခွဲတာ" လို့ အလုပ်သမားတစ်ဦးကဆိုပါတယ်။
ဒါ့အပြင်မီလာဂါးဒင်းဖိနပ်စက်ရုံမှာအလုပ်သမားအခွင့်အရေးချိုးဖောက်ခံရမှု့တွေရှိနေတဲ့အပြင်အလုပ်သမားအခွင့်အရေးအတွက်တိုင်ကြားသူတွေကိုဖမ်းဆီးတာ အလုပ်ဖြုတ်ပစ်တာတွေပါရှိနေတယ်လို့စက်ရုံဝန်ထမ်းတွေက MLN ကိုပြောပါတယ်။
"သူတို့ကတော့ကျတော်တို့ကိုကျွန်လိုဆက်ဆံတာဘယ်တိုင်တိုင်ဂရုလဲမစိုက်ဘူး ရှင်းတယ် ဒီစက်ရံမှာစီမံခန့်ခွဲနေတာကိုယ့်လူမျိုးမြန်မာတွေချည့်ပဲတရုက်ကမသိရင်တောင်ဒီလူတွေသိသင့်တယ်"လို့အမည်မဖော်လိုတဲ့စက်ရုံဝန်ထမ်းကပြောပါတယ်။
အထက်ပါကိစ္စနဲ့ပတ်သက်ပြီးဝန်ထမ်းတွေကမကျေနပ်ကြပေမယ့်တိုင်ပါက အရေးယူမယ့်သူမရှိတဲ့အခြေအနေဖြစ်နေတဲ့အတွက်စက်ရုံကလုပ်သမျှခံနေရတယ်လို့သတင်းပေးပို့တဲ့စက်ရုံလုပ်သားကဆိုပါတယ်။
အဆိုပါစက်ရုံဟာတရုတ်နိုင်ငံသားပိုင်ဆိုင်တဲ့စက်ရုံဖြစ်ပြီး UK အပါအဝင်ဥရောပနိုင်ငံတွေကို
L.L.beann. GEOX . HUNTER အစရှိတဲ့ဖိနပ်တံဆိပ် Brand တွေပေးပို့နေတဲ့စက်ရုံတခုလဲဖြစ်တယ်လို့သိရပါတယ်။
"ခုကအလုပ်သမားတွေဆီကနေ တရက်တရက်ကိုပစ္စည်းတွေတိုးတောင်းလာတယ် ဒီနေ့ ၅၀ ဆိုနောက်နေ့ ၇၀ မပြီးရင်ထမင်းစားချိန်လဲမရဘူး ပြန်ချိန်လဲမရဘူးတိုးခိုင်းတာ"လို့စက်ရုံလုပ်သားတဦးကပြောပါတယ်။
ဒီလိုလုပ်အားအဓမ္မတိုးခိုင်းတာတွေရှိနေပေမယ့်အချိန်ပိုကြေးကို ၂ နာရီစာသာပေးတဲ့အပြင်တညလုံးဆင်းမှ၂ နာရီစာသာရနေတယ်လို့လဲအလုပ်သမားတွေကဆိုပါတယ်။
"အစိုးရရုံးပိတ်ရက်ဘာညာလဲခေါ်တယ် တောက်လျောက်မဆင်းတဲ့သူဆိုနောက်နေ့ ဖိအားပေးခံဝန်ထိုးခိုင်းတယ်အလုပ်ထုတ်တယ် မြို့နယ်အလုပ်သမားရေးသွားတိုင်တော့လဲတိုင်တဲ့သူကိုမသိမသာစုံစမ်းပြီး စက်ရုံထဲမှာအငြိုးနဲ့အပစ်ရှာပြီးမရမကအလုပ်ထုတ်တယ်ဆိုတော့အကုန်ခံနေရတယ်"လို့လုပ်သားတဦးကဆက်ပြောပါတယ်။
အဆိုပါမီလာဂါးဒင်းစက်ရုံတွင်းအခြေအနေတွေကိုစစ်အာဏာမသိမ်းခင်ကတည်းကတိုင်ကြားထားတာမျ်ုးရှိခဲ့တဲ့အပြင် ယခုလိုအလုပ်သမားရုံးတွေကမဖြေရှင်းပေးနိုင်တဲ့အခြေအနေတွေမှာလဲဆက်လက်တိုင်ကြားခဲ့ပေမယ့်အခြေအနေထူးတာမျိုးမရှိခဲ့ဖူးလို့လဲသိရပါတယ်။
"အချိန်ပိုကိုလိုသလောက်ခေါ်လုပ်ခြင်တိုင်းလုပ်နေတာအာဏာရှင်ဆန်ဆန်ပဲ ဘယ်မှလဲခုဟာကတိုင်လို့မရဘူးဖြစ်တာအလုပ်သမားဥပဒေကိုပြောင်ပြောင်တင်းတင်းချိုးဖောက်နေတာမြင်နေရဲ့သားနဲ့ဘာမှလုပ်မရဘူး"လို့အဆိုပါစက်ရုံမှဝန်ထမ်းတဦးက MLN ကိုပြောပြပါတယ်။
ထိုကဲ့သို့အလုပ်သမာအးခွင့်အရေးချိုးဖောက်မှု့တွေရှိနေပေမယ့် တိုင်ကြားခွင့်မရတဲ့ အပြင်တိုင်ကြားသူတွေကိုပါစက်ရုံဖက်ကဒုက္ခပေးနေတာတွေကြောင့် စက်ရုံအလုပ်သမားတွေအခက်တွေ့နေရတယ်လို့ဆိုပါတယ်။
မီလာဂါးဒင်းစက်ရုံမှာအလုပ်လုပ်ကိုင်နေတဲ့မြန်မာအလုပ်သမားဦးရေ ၆၀၀၀ မှ ၇၀၀၀ ဝန်းကျင်ရှိနေတယ်လို့သိရပါတယ်။
(ယခုလက်ရှိအခြေအနေကိုသတင်းပေးပို့လာတဲ့စက်ရုံအလုပ်သမားများရဲ့လုံခြုံရေးအခြေအနေကြောင့်အမည်မဖော်လိုသူတဦးအနေနဲ့သာMLNကဖော်ပြထားပါတယ်)
