မိမိရဲ့ကိုယ်ပိုင်လူမှု့ကွန်ယက်စာမျက်နှာပေါ်မှာကုမ္ပဏီရဲ့လိုအပ်ချက်တွေကိုဝေဖန်ထောက်ပြတဲ့စာတွေရေးသားတယ်ဆိုပြီးဂျာမဏီအခြေစိုက်စားသောက်ကုန်ပို့ဆောင်ရေးကုမ္ပဏီကြီးတခုဖြစ်တဲ့ Food Panda Myanmar က ဝန်ထမ်းတဦးအလုပ်ထုတ်ခံလိုက်ရတယ်လို့ သိရပါတယ်။
"ကျွန်တော့်ကိုမနေ့က အလုပ်ကထုတ်ပယ်တယ်၊ ဘာကြောင့်လည်းဆိုတော့ Social Media မှာ တင်ထားတဲ့ Post တွေကြောင့်တဲ့၊ ကျွန်တော်ဘာပြောရမှန်းမသိခဲ့ဘူး Germany နိုင်ငံ Berlin မြို့ကြီးက အခြေစိုက်ဖြစ်တဲ့ Foodpanda ဟာမြန်မာနိုင်ငံအရောက်မှာ ဘာတွေဖြစ်လာတာလည်း ပြောစရာတွေအများကြီးရှိပါသေးတယ်"လို့အလုပ်ထုတ်ခံလိုက်ရတဲ့ကာယကံရှင်က Myanmar Labour News ကိုပြောပါတယ်။
သူဟာ Food Panda Myanmar ရဲ့Riderတဦးအဖြစ် လွန်ခဲ့တဲ့နှစ်ကတည်းကစတင်ဝင်ရောက်လုပ်ကိုင်ခဲ့သူဖြစ်ပြီး Food panda ရဲ့Customer တွေအပေါ်ဆောင်ရွက်နေတဲ့ service ပိုင်းလိုအပ်ချက်တချို့ကိုထောက်ပြဝေဖန်ခဲ့တာလို့ဆိုပါတယ်။
"ကျွန်တော်နဲပြသနာဆိုလို့ဘာမှထွေထွေထူးထူးမရှိဘူး ကျွန်တော်က Riderဆိုတော့ Rider နဲ Customer တွေအပေါ်ထားတဲ့ Foodpanda Myanmar ရဲ့ Service တွေက မှားနေတာတွေကိုပြင်စေချင်လို့ Social ပေါ်တင်တာမျိုးတော့ရှိတယ် ဒါကိုသူတို့ဘက်က ဘယ်လိုမြင်လည်းတော့မသိဘူး"လိုသူကဆက်ပြောပါတယ်။
ယခုလက်ရှိအာဏာသိမ်းပြီးကာလအစားအသောက်ပို့ဆောင်တဲ့လုပ်ငန်းတွေမှာ rider လုပ်နေတဲ့သူတွေအပေါ်ကုမ္ပဏီကခေါက်ရေကြေးလျော့ပေးတာတွေလုပ်တာကြောင့်ကုမ္ပဏီအပေါ်ကိုခေါက်ကြေးတိုးပေးဖို့ပြောဆိုနေပေမယ့်အဆင်မပြေတာတွေရှိနေတယ်လို့ Food Panda Myanmar ရဲ့riderတချို့ကဆိုပါတယ်။
