"ကျတော်တို့ကဒီလိုကာလမှာအသက်နဲ့ရင်းပြီးလုပ်နေရတာ ကားတိုက်ခံရတယ် သွားပို့ရင်းနဲ့ဗုံးပေါက်တဲ့အချိန်နဲ့တိုးလို့ဗုံးထိတယ် ပြေးရလွှားရနဲ့လုပ်နေရတဲ့အချိန်မှာသူတို့ကဘာတာဝန်ယူမှု့မှမရှိတဲ့အပြင်ကျွန်တော်တို့ရမယ့် Deli ကြေးတွေပါဖြတ်ပစ်တာ"လို့ Rider တဦးဖြစ်တဲ့ကိုမျိုးကပြောပါတယ်။
ယခင်အစိုးရလက်ထက်မှာပဲ FDI ဝန်ဆောင်မှု့လုပ်ငန်းတွေမြန်မာနိုင်ငံထဲကိုအလုံးအရင်းနဲ့ဝင်လာခဲ့ပါတယ်၊ ဒီထဲမှာစားသောက်ကုန်လုပ်ငန်းတွေနဲ့အကျိုးတူပူးပေါင်းဝန်ဆောင်မှု့ပေးတဲ့ဂျာမနီအခြေစိုက် Food Panda အစားအသောက်ပို့ဆောင်ရေးလုပ်ငန်းတစ်ခုလဲပါဝင်ခဲ့ပါတယ်။
လုပ်ငန်းကတော့ Rider (ခေါ်)စက်ဘီးစီးနင်းပြီးအစားအသောက်ပို့ဆောင်ပေးရတဲ့ဒေသခံလုပ်သားတွေနဲ့အခြေပြုထားတယ်လို့ဆိုရမှာပါ။
ဒါပေမယ့်ဒီလိုအဓိကလုပ်ငန်းလည်ပတ်ပေးနေရတဲ့ Rider တွေရဲ့ရပိုင်ခွင့်နဲ့လုပ်ငန်းခွင်အတွင်းဖြစ်ပေါ်လာတဲ့ကိစ္စရပ်တွေအပေါ် Food Panda ဖက်ကတာဝန်ယူမှု့လုံးဝမရှိတဲ့အနေအထားဖြစ်နေတယ်လို့ Myanmar Labour News ကို ပြောပြတဲ့ဝန်ထမ်းတွေကဆိုပါတယ်။
"ကျတော်တို့ကဒီလိုကာလမှာအသက်နဲ့ရင်းပြီးလုပ်နေရတာ ကားတိုက်ခံရတယ်သွားပို့ရင်းနဲ့ဗုံးပေါက်တဲ့အချိန်နဲ့တိုးလို့ဗုံးထိတယ် ပြေးရလွှားရနဲ့လုပ်နေရတဲ့အချိန်မှာသူတို့ကဘာတာဝန်ယူမှု့မှမရှိတဲ့အပြင်ကျွန်တော်တို့ရမယ့် Deli ကြေးတွေပါဖြတ်ပစ်တာ"လို့ Rider တဦးဖြစ်တဲ့ကိုမျိုးကပြောပါတယ်။
Food Panda မှ Rider များရရှိရမယ့် Deli ကြေးကို Customer တွေဆီကကောက်ခံနေမှု့တွေရှိနေပြီး Rider တွေကိုပေးရမယ့်ကီလိုကြေးတွေကိုလဲဖြတ်တောက်နေတာတွေရှိနေတယ်လို့ဆိုပါတယ်။
"ကျွန်တော်တို့ကိုသူက Best အဆင့်အလိုက်နဲ့ပေးတာပေါ့၊ ဒါပေမယ့်ခုဟာကတော်တော်ဝေးရင်တောင်ခေါက်ကြေးကတော်တော်နည်းတယ်ကျွန်တော်တို့မှာကအရင်သွားယူရတဲ့အကွာအဝေးရှိသေးတယ်"လို့ rider တစ်ဦးဖြစ်တဲ့ကိုပြည့်ကပြောပါတယ်။
ဒီလိုစစ်အာဏာသိမ်းကာလမှာပဲ Food Panda ရဲ့လုပ်ငန်းခွင်အတွင်းအလုပ်သမားအခွင့်အရေးချိုးဖောက်လာမှု့တွေကအခြေအနေဆိုးဝါးနေတယ်လို့ MLN ကမေးမြန်းတဲ့ Rider အများစုကပြောပါတယ်။
ဒီလိုအလုပ်သမားအခွင့်အရေးချိုးဖောက်မှု့တွေပဲလားဆိုတော့မဟုတ်ပါဘူး။လုပ်အားခေါင်းပုံဖြတ်တာတွေလဲရှိနေပါသေးတယ်။
"ကျတော်တို့အတွက် way ကြေးကိုဘတ်အဆင့်နဲ့ခွဲပေးတယ်လာသမျှအော်ဒါမငြင်းနဲ့ ဘယ်လောက်ဝေးဝေးပို့ အဲ့လိုဆိုဘတ်ဝမ်းရတယ် အဲ့ဘတ်အဆင့်ပေးတဲ့ကြားမှာသိသိသာသာရောမသိမသာရောပိုက်ဆံဖြတ်တာတွေရှိတယ် ခုကအဝေးကြီးနင်းမှဘယ်လောက်မှမရဘူး"လို့Rider တစွဦးဖြစ်တဲ့ ကိုမျိုးမင်းကပြောပါတယ်။
ဒါ့အပြင် Food Panda ကလုပ်သားတွေအပေါ်ဥပဒေမဲ့အလုပ်ထုတ်ပယ်နေတာတွေလဲရှိပါတယ်။
ဒီလပိုင်းထဲမှာပဲကုမ္ပဏီရဲ့လိုအပ်ချက်တွေကိုထောက်ပြဝေဖန်တဲ့ပိုစ့်တွေ လူမှု့ကွန်ယက်စာမျက်နှာတွေပေါ်မှာတင်ခဲ့မိတဲ့ Biker ၃ ဦးအလုပ်ထုတ်ခံလိုက်ရပါတယ်။
"ကျွန်တော်တို့ကတော့ကိုယ့်ထမင်းအိုးကိုယ်ဘယ်လိုလုပ်ရိုက်ခွဲမှာလဲဗျာ ကောင်းစေချင်လို့ထောက်ပြတာပြီးတော့လက်တွေ့မှာလဲကျွန်တော်တို့က customer တွေနဲ့ထိတွေ့နေရတာဆိုတော့လိုအပ်တာကိုပြောပြတာ အဲ့ဒါကိုသူကဒဲ့မပြောပဲထုတ်တာအကြောင်းကြားတာမျိုးဘာမျိုးလဲမရှိဘူး။ကျွန်တော်တို့အလုပ်စဝင်ဝင်ချင်း လုပ်ငန်းစည်းမျဥ်းထဲမှာလဲပိုစ့်မတက်ရဆိုတာမပါဘူး"လို့အလုပ်ကထုတ်ပယ်ခံလိုက်ရတဲ့ Biker တဦးဖြစ်တဲ့ကိုပြည့်ဖြိုးက MLN ကိုပြောပါတယ်။
Myanmar Labour News အနေနဲ့ Food Panda ရဲ့အခြေအနေနဲ့ပတ်သက်ပြီးတော့ Food Pandaနဲ့လက်တွဲလုပ်ကိုင်နေတဲ့စားသောက်ကုန်လုပ်ငန်းလုပ်ကိုင်နေသူတယောက်ကိုလဲဆက်သွယ်မေးမြန်းခဲ့ပါသေးတယ်။
"ကျတော့်ကိုပိုက်ဆံနှစ်လစာသူတို့မရှင်းနိုင်သေးဘူးတစ်သိန်းကျော်တယ်ပေါ့နော်။ ပြီးတော့ပိုက်ဆံရှင်းတဲ့အခါမှာလဲ တောင်နှုတ်မြောက်နှုတ်နဲ့ချန်ထားတာတွေရှိတယ်။ ခုကျတော်ပန်ဒါနဲ့လက်တွဲတဲ့ကာလမှာရောင်းရတာငါးသိန်းကျော်မှာတစ်သိန်းကျော်ကိုခုထိငွေမရှင်းသေးဘူးဆိုတော့ကျတော်ခုထိအမြတ်မရသေးဘူး"လို့ Food Panda နဲ့လက်တွဲပြီးစားသောက်ကုန်လုပ်ငန်းလုပ်ကိုင်နေသူတဦးကပြောပါတယ်။
လုပ်ငန်းသဘောအရ Food Panda လုပ်ငန်းနဲ့လက်တွဲလုပ်ကိုင်တဲ့လုပ်ငန်းတွေအနေနဲ့အော်ဒါတစ်ခုအတွက်သုံးဆယ်ရာခိုင်နှုန်းပေးသွင်းရပြီးမှကျန်ငွေကို Food Panda ကပြန်လည်ရှင်းလင်းပေးတာပါ။
ဒါပေမယ့်ဒီလိုပြန်လည်ရှင်းလင်းတဲ့အခါမှာ system error ကြောင့်ငွေကျန်တာတွေလက်ကျန်ငွေကိုလခြင်းမရှင်းပေးတာကြောင့်လက်တွဲလုပ်ကိုင်နေသူတွေအခက်တွေ့နေရတယ်လို့ဆိုပါတယ်။
"သူတို့ကဘာတာဝန်ယူမှု့မှမရှိဘူးအစားအသောက်ပို့ရင် စကစ ကဖမ်းသွားတဲ့တယောက်ဆိုကျွန်တော်တို့ Rider တွေကလူကြီးဆိုတဲ့သူတွေကိုသွားပြောတာတောင်ဘာမှမလုပ်ပေးဘူး။ ကားတိုက်ခံရလို့သေသွားတဲ့ကောင်လေးကိစ္စလဲဝိုင်းပြောလွန်းမှပိုက်ဆံကျလာတာ"လို့ကိုသန့်ကပြောပါတယ်။
Food panda ကအလုပ်ထုတ်ပယ်ခံလိုက်ရသူတွေအပေါ်ယခင်ကအပေါင်ထားထားရတဲ့ပစ္စည်းကြေးတွေအပြည့်ပြန်မပေးတာမျိုးတွေလဲရှိတယ်လို့အလုပ်ထုတ်ခံထားရတဲ့ Rider တွေကပြောပါတယ်။
"သူတို့က Rider ကြေးအမှန်ပေးရမှာကိုကြောက်နေတာကျတော့်ကိုအလုပ်ထုတ်တာကိုအသိပေးတာမျိုးဘာမျိုးလဲမရှိဘူး။ထုတ်လိုက်မှန်းကတော်တောင်မသိလိုက်ဖူးဖြစ်ရတာ သူတို့အဲ့လိုလုပ်လို့မရဘူးလေ။ခုပစ္စည်းဖိုးလဲအပြည့်ပြန်မရဘူး"လို့အလုပ်ထုတ်ခံလိုက်ရတဲ့ကိုပြည့်ဖြိုးကဆက်ပြောပါတယ်။
ဒီလိုလုပ်ငန်းခွင်အတွင်း လုပ်သားအခွင့်အရေးချိုးဖောက်မှု့တွေလုပ်အားဖြတ်တောက်မှု့တွေရှိနေပေမယ့် ဒီကာလမှာဘယ်လိုမှတိုင်ကြားခွင့်မရတဲ့အတွက်အလုပ်ထုတ်ပယ်ခံထားရသူတွေနဲ့ rider အများစုအခက်တွေ့နေကြရတယ်လို့ MLN ကိုဖြေကြားတဲ့ rider အများစုကဆိုပါတယ်။
အမျိုးသားညီညွတ်ရေးအစိုးရရဲ့အလုပ်သမားရေးဝန်ကြီးဌာနကတော့ဒီလိုကိစ္စရပ်တွေပြုလုပ်နေတဲ့အလုပ်ရှင်နဲ့ကိုယ်စားစီမံဆောင်ရွက်သူတွေကိုထိထိရောက်ရောက်အရေးယူတာတွေပြုလုပ်သွားမယ်လို့ကြေညာချက်ထုတ်ပြန်ထားပါတယ်။
