NEWS

လုပ်ငန်းခွင်အတွင်း အပြုသဘောဆောင်တဲ့ လုပ်သားအခွင့်အရေး ဆောင်ရွက်ပေးဖို့လိုလားနေ

CoverLogo
301 Views
 
အထည်စံချိန် တောင်းခံမှုများတာ ကြောင့် လုပ်သားအပြောင်းအရွှေ့များနေပြီး ကျန်ရှိသည့်လုပ်သားများအတွက် အလုပ်လုပ်ကိုင်ရတာ ဖိအားပိုများလာတယ်လို့ DMA စက်ရုံ အလုပ်သမားတွေက ပြောပါတယ်။
ဒီစက်ရုံကတော့ တရုတ်နိုင်ငံသားက ပိုင်ဖြစ်ပြီး ရန်ကုန်တိုင်းဒေကြီး၊ ရွှေသံလွင်စက်မှုဇုန် မင်းဧရာလမ်းမှာ ဖွင့်လှစ်ထားတာ ဖြစ်ပါတယ်။
စက်ရုံကို လုပ်သားအင်အား (၃၀၀) ကျော်နဲ့ လုပ်ငန်းလည်ပတ်နေတာ ဖြစ်ပါတယ်။
လုပ်ငန်းခွင်တွင်းမှာ သမဂ္ဂကော၊ WCC ကော်မတီပါ ဖွဲ့စည်းထားတာမရှိဘဲ ဂျပန်နိုင်ငံကို တင်ပို့တဲ့ အင်္ကျီတွေကို တံဆိပ်မကပ်ဘဲ ချုပ်လုပ်နေတာ ဖြစ်ပါတယ်။
“စက်ရုံက ဖွင့်ထားတာ မကြာသေးပါဘူး။ အလုပ်သမားတွေက မတည်ငြိမ်ဘူးဖြစ်နေတယ်။ ကျွမ်းကျင်လုပ်သား လည်းလိုအပ်နေပါတယ်။ စက်ရုံကို လာလျှောက်ကြတဲ့ အလုပ်သမားတွေရှိပေမယ့် စက်ရုံတာဝန်ခံတွေက အထည် စံချိန်တွေကို အလုပ်သမားတွေ ချုပ်လုပ်နိုင်တာထက်ပိုပြီး တောင်းခံတယ်။ မရရင် ဖိအားပေးတာ၊ အော်ဟစ်ဆဲဆို တာတွေ ပြုလုပ်ပါတယ်။ စက်လိုင်းထဲ တစ်နေ့တစ်နေ့ ပြောဆိုမှု၊ သောင်းကျန်းမှုတွေကြောင့် အလုပ်သမား တွေလည်း အလုပ်ကထွက်ကြတာများတယ် အလုပ်သမားတွေ မတည်ငြိမ်ပဲထွက်တော့ ကျန်ခဲ့တဲ့ အလုပ် သမားတွေကို အထည်စံချိန် ဖိအားပေး တောင်းခံတာတွေကို ပြုလုပ်နေပါတယ်” လို့ စက်ရုံ အလုပ်သမားတစ်ဦးက ပြောပါတယ်။
စက်ရုံမှာ အလုပ်ချိန်ကို မနက် (၇) နာရီခွဲကနေ ညနေ (၆) နာရီထိ သတ်မှတ်ထားပြီး ပုံမှန်အချိန်ပို (၂) နာရီ လုပ် ကိုင်ရတာပဲ ဖြစ်ပါတယ်။
လုပ်ခလစာအနေနဲ့ ဒေးကြေး (၆၈၀၀) ကျပ်၊ မုန့်ဖိုး (၃၀၀၀) ကျပ်၊ စုစုပေါင်း (၉၈၀၀) ကျပ်ပေးချေသလို အချိန်ပိုကြေးကိုလည်း (၁၈၀၀) ကျပ်နဲ့ တွက်ချက်ပေးနေတာ ဖြစ်ပါတယ်။
“အခုက စက်ရုံ၊အလုပ်ရုံသစ်တွေက တိုးဖွင့်နေပါတယ်။ ဒါပေမယ့် အလုပ်ရှင်တွေက အလုပ်သမားအခွင့်အရေး၊ လူ့အခွင့်အရေးကို အပြုသဘောဆောင်ပြီး ဆောင်ရွက်ပေးနေတာ မရှိပါဘူး။ ဒီလိုအခြေအနေတွေကို ကူညီဆောင် ရွက်ပေးတဲ့သူတွေလည်း မရှိပါဘူး” သူက ပြောပါတယ်။
စက်ရုံအလုပ်သမားတွေအနေနဲ့ အထည်စံချိန်တွေကို ဖိအားပေးပြီး မတောင်းရေးနဲ့ အလုပ်သမားတွေကို အော်ဟစ် ဆဲဆိုမှု မလုပ်ရေး၊ ပြုလုပ်သူတွေကို အလုပ်ရှင်က ထိရောက်စွာ အရေးယူပေးရေး လိုလားနေတာ ဖြစ်ပါတယ်။

Related posts

Cover
အလုပ်ပိတ်ရက်အချိန်ပို မဆင်းပါက သတိပေးလက်မှတ်ထိုးရပြီး အလုပ်သမားအချို့အလုပ်ထုတ်ခံနေရ
Aug 05, 2025
Cover
ဂျပန်မှ မြန်မာလုပ်သား ၁၃၀၀ ကျော် ခေါ်ယူဖို့ ကမ်းလှမ်း၊ အမျိုးသမီး လုပ်သား အများဆုံးပါဝင်
Aug 04, 2025
Cover
လစာတိုးပေးရေးတောင်းဆိုတဲ့အပေါ် စက်ရုံစစ်ဆေးရေးအဖွဲ့က အလုပ်ရှင်ဘက်ကရပ်တည်ဖြေရှင်းလို့ အလုပ်သမားတွေနစ်နာ
Aug 04, 2025
Cover
ဖမ်းဆီးခံထားရတဲ့အလုပ်သမားအရေးလုပ်ဆောင်သူတွေကို အမြန်ဆုံးပြန်လွှတ်ပေးစေလိုဟုဆို
Aug 04, 2025
Cover
အာဏာသိမ်းပြီးနောက် အလုပ်သမားရေးရာဝန်ကြီး ၅ ဦးအထိအပြောင်းအလဲဖြစ်၊ ဘာမှမမျှော်လင့်ကြောင်း ပြည်သူတွေတုန့်ပြန်
Aug 04, 2025
Cover
ပဲခူး Sudey စက်ရုံ လုပ်ငန်းခွင် ထိခိုက်မှုများအား တာဝန်ယူမှုမရှိဘဲ လုပ်ခ ဖြတ်ယူ
Aug 04, 2025
Cover
လုပ်ငန်းခွင်ဘေးအန္တရာယ်ရှိနေတာနဲ့ အလုပ်သမားအခွင့်ရေးဆုံးရှုံးနေတဲ့အပေါ် ဖြေရှင်းပေးဖို့တောင်းဆို
Aug 04, 2025
Cover
ရွှေဈေး၂ရက်အတွင်းပြန်ကျ စက်သုံးဆီနဲ့ဒေါ်လာဈေးများအနည်းငယ်အပြောင်းအလဲဖြစ် (ရက်သတ္တပတ်အတွင်း ကုန်ဈေးနှုန်း)
Aug 04, 2025