NEWS

လုပ်ငန်းခွင်အတွင်း ဝန်ထမ်းများအား အော်ဟစ်ပြောဆိုခြင်းမပြုလုပ်ဖို့  ဝန်ခံလက်မှတ်ရေးထိုး

CoverLogo
194 Views

ရွှေပြည်သာမြို့နယ် ဝါးတရာစက်မှုဇုန်ရှိ အမှတ် (- )  ဝါးတစ်ရာလမ်းရှိ  Gysen Myanmar အထည်ချုပ်စက်ရုံက စူပါဝန်ထမ်းတွေအနေနဲ့ အလုပ်သမားတွေအပေါ် အော်ဟစ်ပြောဆိုခြင်းနဲ့ခွဲခြားဆက်ဆံခြင်း မပြုလုပ်ဖို့ နဲ့ ယင်းကဲ့သို့ ချိုးဖောက်မှုတွေ ထပ်မံမဖြစ်စေရန်  စက်ရုံပိုင်ရှင်ကတာ၀န်ယူဖို့ အလုပ်သမားညွှန်ကြားရေး မှူးရုံးရှေ့မှောက်မှာ ၀န်ခံလက်မှတ်ရေးထိုးထားရတယ်လို့ သိရပါတယ်။ 

ဖြစ်စဉ်မှာ အဆိုပါစက်ရုံရှိ Packing ဌာနတွင် စက်ရုံမှူးမှ မီတင် ပြုလုပ်ခဲ့သောအကြောင်းအရာ နှင့် ပတ်သက်ပြီး  ဝန်ထမ်းများမှ နားမလည်သဖြင့် packing ဌာန စူပါကိုထပ်မံမေးမြန်းခဲ့ရာ စူပါမှစိတ်မရှည်သော ပုံစံဖြင့် လူအများကြားတွင်အော်ဟစ်ပြောဆိုခဲ့ရာက ဝန်ထမ်းများမှမကျေနပ်သဖြင့်( ၂ . ၉ . ၂၀၂၄  ) ရက်နေ့တွင်  ရွှေပြည်သာမြို့နယ်အလုပ်သမားညွှန်ကြားရေးမှူးရုံးတွင် တိုင်ကြားခဲ့တာဖြစ်တယ်လို့ သိရပါတယ်။ 

စက်တင်ဘာ ၅ ရက်နေ့မှာတော့ အဆိုပါတိုင်ကြားမှု ဖြစ်စဉ်အား ဖြေရှင်းဖို့ပထမဆုံးခေါ်ယူပြီး အလုပ်သမားညွှန်ကြားရေးမှူးရုံးတွင် လုပ်ငန်းရှင် မန်နေဂျာ နှင့် Packing စူပါတို့မှ ဝန်ထမ်းများအား ထမ်မံအော်ဟစ်ခြင်းမပြုလုပ်ရန် / ခွဲခြားဆက်ဆံမှု့မပြုလုပ်ရန် နှင့် စက်ရုံပိုင်ရှင်မှတာဝန်ယူပေးရန်  ဝန်ခံကတိလက်မှတ်ရေးထိုးခဲ့တယ်လို့ သိရပါတယ်။  

အဆိုပါ GYSen စက်ရုံကို  ဩဂုတ် ၂၅ ရက်နေ့ တနင်္ဂနွေနေ့ကလည်း OT အချိန်ပို ခေါ်ယူခြင်းနဲ့ပတ်သက်ပြီး တိုင် ကြားခံရတဲ့ အတွက် သက်ဆိုင်ရာ အလုပ်သမားဦးစီး မှူးများ ဝင်စစ် ဆေးစဉ်နေ့လည် ၁  နာရီခွဲ အချိန် ဦးစီးမှူးများ စက်ရုံရှေ့ရောက်ချိန် စက်ရုံရဲ့အနောက်ပေါက်ကနေ  အလုပ်သမား ၅၀၀ ကျော်ကို  Gysen ရုံ(3) ဂိုထောင် အတွင်းသို့ထွက်ပြေးခိုင်းခဲ့သလို HR ရုံးခန်းမှလူများနှင့် Super များကလည်း ပုန်းခိုင်းခဲ့တာဖြစ်လို့ ထွက်ပြေးခဲ့ရတဲ့အလုပ်သမားများ ထိခိုက်ဒဏ်ရာမှုတွေ ဖြစ်ပွားခဲ့ပါသေးတယ်။

GYSen Myanmar အထည်ချုပ် စက်ရုံကို အမှတ် (- )ဝါးတရာစက်မှုဇုန်၊ ရွှေပြည်သာတွင် လုပ်သားအင်အား ၇၀၀ ကျော်နဲ့  လွန်ခဲ့သော ၄ နှစ်ခန့်မှစတင်ဖွင့်လှစ်ခဲ့တာဖြစ်ပြီး လုပ်ငန်းရှင်က စက်ရုံရှိ တရားဝင်ဖွဲ့စည်းထားသော အလုပ်သမားသမဂ္ဂကို ၂၀၂၄ ဧပြီလ ၁၀ ရက်နေ့တွင် လုပ်သားလျော့ချသည်ဟု အ ကြောင်းပြကာ သမဂ္ဂခေါင်းဆောင်အပါ အလုပ်သမား ၅၀ ကျော်ကို အလုပ်ကနေ ထုတ်ပယ်ခဲ့ပါတယ်။ 


Related posts

Cover
လုပ်ခလစာတိုးပေးဖို့ အလုပ်သမား ၄၀၀ ကျော်လုပ်ငန်းခွင်အတွင်းဆန္ဒပြနေ
Jan 13, 2025
Cover
ခွင့်ခံစားခွင့် မပေးသည့်အပြင် ခွင့်တိုင်ကြားမှုကိုပါ လက်မခံဘဲ ဥပဒေမဲ့ အလုပ်ထုတ်နေ
Jan 11, 2025
Cover
အချိန်ပိုအလွန်အကျွံဆင်းရန်ခိုင်းစေ၊ မဆင်းပါက ခွဲခြားဆက်ဆံသည့်အပြင် ဝမ်တိန် ထိုးရမည်ဟု ပြောဆိုနေ
Jan 10, 2025
Cover
အထည်ချုပ်စက်ရုံတွင် ရက်စားခေါ်ယူမှုနဲ့ လုပ်ခလစာပေးချေမှုကို တစ်ဖက်သတ်လုပ်ဆောင်နေဟုဆို
Jan 10, 2025
Cover
ဥပဒေမဲ့အလုပ်ထုတ်ပယ်နေလို့ အလုပ်သမားတွေအခက်တွေ့နေ
Jan 10, 2025
Cover
အချိန်ပိုကြေးမပေးဘဲ ခိုင်းစေ တိုင်ကြားပါက အလုပ်မရအောင် ခြိမ်းခြောက်နေ
Jan 06, 2025
Cover
စက်လိုင်းတွင်း အလုပ်သမားအင်အား ထက်ဝက်လျော့နည်းသွားသော်လည်း အထည်စံချိန်ကို ယခင်ကထက် ပိုမိုတောင်းခံပြီး ဖိအားပေးမှုများလုပ်နေ
Dec 31, 2024
Cover
Diamond Rental Myanmar ကုမ္ပဏီ စာချုပ်အလုပ်သမားများအား လုပ်သက် အကျုံးမဝင်ဟု ပြောဆို
Dec 31, 2024