NEWS

လုပ်ခတိုးပေးဖို့ တောင်းဆိုတဲ့ အလုပ်သမားသမဂ္ဂ  ဖျက်သိမ်းဖို့ဖိအားပေးခံရ

CoverLogo
149 Views

ရန်ကုန်တိုင်းဒေသကြီး၊ ရွှေပြည်သာမြို့နယ်၊ ဝါးတစ်ရာစက်မှုဇုန်၊ မဟာမြိုင်လမ်း၊ အမှတ် --- မှာ  ဖွင့်လှစ်ထားတဲ့  True Green City ကော်စေ့စက်ရုံ ပိုင်ရှင်က  စက်ရုံအတွင်း ဖွဲ့စည်းထားတဲ့ အလုပ်သမား သမဂ္ဂအဖွဲ့ကို  ဖျက်သိမ်းဖို့ ဖိအားပေး ခြိမ်းခြောက်ခံရတယ်လို့ သိရပါတယ်။  

 

အဆိုပါကော်စေ့စက်ရုံ အလုပ်သမားတွေဟာ ဒေးကြေး ၆၈၀၀ ကျပ်အစား ဒေးကြေး ၁၀၀၀၀ ကျပ်သို့ တိုးမြှင့်ပေးဖို့တောင်းဆိုရာ စက်ရုံတွင်းသမဂ္ဂအနေဖြင့်ဦးဆောင်တောင်းဆိုခဲ့လို့  စက်ရုံပိုင်ရှင်က သမဂ္ဂအဖွဲ့ကို ဖျက်သိမ်းပေးဖို့နဲ့   သမဂ္ဂကို ဖျက်သိမ်းပေးမှသာ ဒေးကြေးတိုးပေးမှာလို့ပြောဆိုခဲ့တာ လို့သိရပါတယ်။  

 

ဒါ့အပြင်စက်ရုံအတွင်းဖွဲ့စည်းထားတဲ့ သမဂ္ဂကို  မပျက်ပျက်အောင် ဖျက်မယ်လို့ပါ ထည့်သွင်းပြောဆိုခဲ့တာလို့လည်း  သိရပါတယ်။  

 

"သမဂ္ဂအဖွဲ့ကို ဖျက်ပေး၊ မင်းတို့ဖျက်ပေးရင် ဒေးကြေးမကဘူး။ ဘာမဆိုလုပ်ပေးမယ်။သမဂ္ဂရှိနေရင် ဘာမှမလုပ်ပေးနိုင်ဘူး။အစိုးရပေးခိုင်းတိုင်းလည်း ငါတို့မပေးနိုင်ဘူး။ရုံးကိုသွားတိုင်ရင်လည်း ဂရုမစိုက်ဘူး။အစိုးရက ငါတို့စက်ရုံမှာ ရင်းနှီးမြှုပ်နှံထားတာမရှိဘူး။မင်းတို့သမဂ္ဂအဖွဲ့စည်း ဖျက်မယ်ဆိုရင် ဘယ်လောက်ပေးရပေးရ။ငါတို့ကို လျှော့မတွက်နဲ့ မင်းတို့အဖွဲ့အစည်းကို မပျက်ပျက်အောင် ဖျက်မှာ"လို့ ခြိမ်းခြောက်ပြောဆိုခဲ့တယ်လို့ သိရပါတယ်။  

 

မြန်မာနိုင်ငံ အလုပ်သမားများသမဂ္ဂဥပဒေ(၂၀၁၁) အရ အလုပ်သမားတွေဟာ တရားဝင်သမဂ္ဂများဖွဲ့စည်းခွင့်၊ အဖွဲ့ဝင်ခွင့်နဲ့  သမဂ္ဂဆိုင်ရာလှုပ်ရှားမှုတွေတရားဝင်ပြုလုပ်ခွင့်ရှိသော်လည်း True Green စက်ရုံပိုင်ရှင်ကတော့   အလုပ်သမားတွေရဲ့ဥပဒေပါအခွင့်အရေးတွေကို ပိတ်ပင်တဲ့အပြင်  သမဂ္ဂကို ဖြိုခွင်းဖို့ကိုပါ  ခြိမ်းခြောက်မှုတွေ ပြုလုပ်နေတာဖြစ်ပါတယ်။  

 

အဆိုပါ True Green ကော်စေ့စက်ရုံပိုင်ရှင်ရဲ့  ယခုကဲ့သို့ သမဂ္ဂဖြိုခွင်းရန်ခြိမ်းခြောက် ကြိုးပမ်းလာမှုအပေါ် STUM အနေဖြင့် ပြင်းထန်စွာရှုတ်ချသလို  စက်ရုံရဲဲ့ လုပ်ရပ်များကို မှတ်တမ်းတင်စောင့်ကြည့်သွားမယ်လို့လည်း ဆိုပါတယ်။ 

 


Related posts

Cover
“သာဓုကန် စက်မှုဇုန် Bontech အထည်ချုပ်စက်ရုံမှ ရှင်သန်စရိတ်လုပ်ခလစာ ၁၃,၀၀၀ တိုးမြှင့်ပေးရန် တောင်းဆို”
May 29, 2025
Cover
Sky Fashion Myanmar မန်နေဂျာ အထည်စံချိန်မရလို့ ဆိုပြီး မိုက်နှင့် အော်ဆဲ
May 29, 2025
Cover
Myanmar Belle International အထည်ချုပ် အလုပ်သမားများ ကျန်းမာရေး ထိခိုက်သည်အထိ အချိန်ပို ရက်ဆက်ခေါ်
May 29, 2025
Cover
New Zhong Hui အထည်ချုပ် အချိန်ပို ပြီးဆုံးသည့်အထိ တဆက်တည်း လုပ်ကိုင်ခိုင်း
May 28, 2025
Cover
GTlG HUBO အထည်ချုပ် ကိုယ်ဝန်ဆောင် အလုပ်သမားအား အလုပ်ထုတ်၊ အချိန်ပို အတင်းအကျပ် ခိုင်းစေနေ
May 28, 2025
Cover
Casico Garment အထည်ချုပ် စက်ရုံ ခွင့်မပေးဘဲ ရက်ပျက် လစာဖြတ်တောက်
May 28, 2025
Cover
S.H အထည်ချုပ်စက်ရုံ အောစူပါများ ရိုင်းစိုင်းစွာပြောဆို ခိုင်း တပတ် နာရီ ၂၀ ကျော် အချိန်ပိုခေါ်ခိုင်းနေ
May 28, 2025
Cover
GTIG U & G (ရုံ-၁) ဒေးကြေးတိုး တောင်းဆိုမှု ၃ နာရီအကြာမှာ ပြေလည်မှုရ
May 27, 2025