လုပ်ငန်းခွင်အတွင်း လိုင်းစူပါတဦးနဲ့အချင်းများပြီးကိုယ်ထိလက်ရောက်အကိုက်ခံလိုက်ရတဲ့အလုပ်သမတဦးကို HR မှအလုပ်ကထုတ်ပစ်ပြီး အဆိုပါကိုယ်ထိလက်ရောက်ကျူးလွန်ခဲ့တဲ့လိုင်းစူပါကို အောစူပါအဖြစ်ရာထူးတိုးပေးလိုက်တဲ့ဖြစ်စဥ်တခု GTIG EASTAR Garment Myanmar Co. Ltd အထည်ချုပ်စက်ရုံမှာဖြစ်ပွားခဲ့တယ်လို့သိရပါတယ်။

အဆိုပါစက်ရုံဟာရန်ကုန်တိုင်းဒေသကြီး ရွှေပြည်သာမြို့နယ်ဝါးတရာစက်မှု့ဇုန်မှာလုပ်သားဦးရေထောင်ဂဏန်းနဲ့အထည်ချုပ်လုပ်ငန်းလုပ်ကိုင်နေတဲ့စက်ရုံဖြစ်ပြီးတရုတ်လူမျိုးပိုင်ဆိုင်တာပါ။

"ကျွန်တော်တို့စက်ရုံမှာ အပေါ်ထက် အောက်ထက်ရှိပါတယ်၊ အပေါ်ထက်က Line  33 ၊ Super ဆိုရင်သူလိုင်းက ကောင်မလေးနဲ့စကားများရာကနေ ကိုက်ဆွဲလိုက်တာကို HR ကသိတော့ နှစ်ယောက်လုံးကိုခေါ်ပီး အကိုက်ခံရတဲ့ ကောင်မလေးကို အလုပ်ထုပ်ပစ်လိုက်ပါတယ်။ အဲ့ Super ကစက်ရုံကဝန်ထမ်းကောင်မလေး အလုပ်ထွက်သွားတာကို ကောင်မလေးကိုယ်စားသူက လစာကို ယူပါတယ်။

စက်ရုံကသိတော့ အလုပ်ထုတ်ပစ်လိုက်တာကို တစ်ရုတ်မက သူ့လက်မှတ်ထိုးပေးပီး super နေရာကနေ All Super နေရာကိုတင်လိုက်ပါတယ်။ အောက်ထက် AllSuper က သူ့လိုင်းသားနဲ့ စကားများလို့ HR ကနေ ကောင်မလေးကိုပဲ အလုပ်ခေါ်ထုပ်လိုက်ပါတယ်ခင်ဗျာ ကျွန်တော့ တို့ ဝန်ထမ်းတွေ တဖြေးဖြေး အလုပ်ထုပ်ခံနေရတာ HR ဒုမန်နေဂျာ ကြောင့်ဖြစ်ရတာပါ ကျွန်တော်တို့ ဝန်ထမ်းတွေမှာ အကူညီ မဲ့ဖြစ်နေကြရပါတယ်"လို့နစ်နာခဲ့သူအလုပ်သမားနဲ့နီးစပ်သူတဦးက Myanmar Labour News ကိုပြောပါတယ်။

ယခုလက်ရှိစက်ရုံမှ HR ဒုမန်နေဂျာဆိုသူမြန်မာအမျိုးသမီးမှ ဝန်ထမ်းတွေကို စည်းကမ်းတွေအရမ်းတင်းကျပ်နေတဲ့အပြင် စကားပြောဆိုရာမှာလည်းအော်ဟောက် ခြိမ်းခြောက်ပြောဆိုပြီးတော့ ဝန်ထမ်းတွေကို အပြစ်ဖြစ်တာနဲ့ ဝမ်တိမ်ခေါ်ထိုးခိုင်းတဲ့အထိပါပြုလုပ်နေတယ်လို့ အလုပ်သမားတွေပြောပါတယ်။

"စက်ရုံမှာ သမဂ္ဂရှိတယ် ဒီနေ့သမဂ္ဂက Live လွှင့်တယ် အလုပ်သမားဥပဒေတွေမေးခွန်းမေးရင် ဖုန်း ဘေမဲဖောက်တာ အခြားသူတွေမြင်ရင်တော့ အဲ့စက်ရုံတွေမှာ အလုပ်သမားအခွင့်ရေးတွေကောင်းနေသလိုပေါ့ တစ်ဖက်မှာတော့အဲ့လို့ဖြစ်မနေဘူး"လို့အလုပ်သမားတဦးကဆက်ပြောပါတယ်။

အဆိုပါစက်ရုံမှာတရုတ်လူမျိုးပိုင်စက်ရုံတခုဖြစ်ပြီးTESCO Brand သား​ရေ အနွေးထည်တွေအပါအဝင် OVS, KIABI, C&A, TESCO, ZARA, House ၊ F&F Brand စတဲ့ အမှတ်တံဆိပ်တွေကိုလဲချုပ်လုပ်ပြီး နိုင်ငံခြားကိုတင်ပို့နေတဲ့ကုမ္ပဏီတခုဖြစ်တယ်လို့သိရပါတယ်။