လှိုင်သာယာမြို့နယ် ရွှေလင်ဗန်းစက်မှုဇုန် မူကြိုလမ်းဆုံအနီး၌ ဖွင့်လှစ်ထားတဲ့ YOYIKA Garment အထည်ချုပ်စက်ရုံဟာ အလုပ်သမားတွေအပေါ် အချိန်ပိုဆင်းရန် ဖိအားပေးခိုင်း စေခေါ်ယူနေတာတွေရှိနေတယ်လို့ အလုပ်သမား တွေထံကသိရှိရပါတယ်။
"အချိန်ပိုကိုအောလင်းခေါ်တယ်။ ပြီးရင်ထမင်းစားနားတဲ့အချိန်ကိုတောင် ဒသမတွေနဲ့ဖြတ်တယ်။ ည၈နာရီ၁၅မိနစ်အထိအချိန်ပိုခေါ်တာ။ ပြီးရင်ခဏနားပြီးတခါမနက်မိုးလင်းအထိအောလင်းခေါ်တယ်။ အဲလိုဆက်တိုက်လုပ်ရတော့ ကျွန်မတို့မှာပင်ပန်းပြီး အာဝါဒီမပေးနိုင်တော့ဘူး။ လုပ်နိုင်အားလည်းကျလာတယ်။ နေမကောင်းလို့မူးလဲလည်း မပြန်ရဘူးစက်ရုံကဆေးခန်းကဆေးပဲ ရတယ်" လို့ အလုပ်သမားတစ်ဦးကဆိုပါတယ်။
အဆိုပါစက်ရုံကတရုတ်နိုင်ငံသားပိုင်ဆိုင်တဲ့စက်ရုံဖြစ်ပြီး အလုပ်သမား၅၀၀ခန့်ဖြင့်လည်ပတ်ကာ ဂျာကင်ထည်တွေကို ချုပ်လုပ်နေတာဖြစ်တယ်လို့သိရပါတယ်။
အဆိုပါစက်ရုံကအလုပ်သမားတွေကို နေ့အလုပ်ချိန်နှင့်အောလင်းအချိန်ပိုခေါ်ယူတာကို အစိုးရရုံးပ်ိတ်ရက်ရောက်ရှိတိုင်း ရုံးမပိတ်ခင်တစ်ရက်အလိုခေါ်ယူတာဖြစ်ပြီး အချိန်ပိုကြေးပေးပေမဲ့ ထမင်းစားနားချိန်များကိုတော့ အချိန်ပိုကြေးဖြတ်တောက်တာဖြစ်တယ်လို့ သိရပါတယ်။
ဒါ့အပြင်အလုပ်သမားများက အချိန်ပိုအောလင်းဆင်းရလို့ အချိန်ပိုမဆင်းပါက အလုပ်ထွက်ဖို့သာဖိအားပေးပြောဆိုပြီး အချိန်ပိုအတင်းအကြပ်ခေါ်ယူကာ အလုပ်ပင်ပန်းလို့ ခွင့်ယူပါကလည်းရက်မှန်ကြေးဖြတ်တောက်မှုတွေရှိပြီး ဖူလုံရေးကြေးကိုလည်း လုပ်သက်သုံးလမပြည့်ခင်က ဖူလုံရေးကြေးဖြတ်တောက်ပေမဲ့ အလုပ်သမားကဖူလုံရေးခွင့်ယူပါက ၆လပြည့်မှဖူလုံရေးခွင့်ယူရမယ်ဆိုကာ ဖြတ်တောက်ခြင်းဖြစ်ကာ ဖူလုံရေးထည့်ငွေကိုစောလျင်စွာဖြတ်တောက်တယ်လို့လည်း သိရပါတယ်။
အဲဒီလိုတွေကြောင့် အလုပ်သမားတွေဟာ ကျန်းမာရေးနဲ့ညီညွတ်စွာလုပ်ကိုင်လိုပြီး ခွင့်ယူရန်မလိုဖို့အတွက် အချိန်ပိုခေါ်ယူခြင်းကိုည၆နာရီအထိသာ ခေါ်ယူစေလိုတယ်လို့ တင်ပြ ပြောဆိုထားပါတယ်။
#MyanmarLabourNews
