ရွှေပြည်သာမြို့နယ်က အလုပ်သမား ၁၀၀၀ ကျော်နဲ့လည်ပတ်နေတဲ့ GTIG အထည်ချုပ်စက်ရုံဟာ အကြောင်းပြချက်မရှိဘဲ ရုတ်တရက်စက်ရုံပိတ်ဖို့ပြင်ဆင်နေတယ်လို့ သွေးစည်းညီညွတ်သော သမဂ္ဂများအဖွဲ့ချုပ်(STUM)ထံက သိရပါတယ်။
“GTIG စက်ရုံက အပြီးပိတ်သိမ်းမယ်လို့ပြောတယ်ဗျ။ စက်ရုံကအပြီးပိတ်သိမ်းတင်မှာ။ အပြီးပိတ်တင်မှာကိုသူတို့ကမတင်ရသေးဘဲနဲ့ အလုပ်သမားတွေကိုလျော်ကြေးပေးတာ။ လျော်ကြေးပေးတော့ အလုပ်သမားသမဂ္ဂကလက်မခံဘူး။ သူတို့ကိုစက်ရုံပိတ်သိမ်းခွင့်ပြုတယ်ဆိုတဲ့အကြောင်းကို အလရကခွင့်ပြုချက်ကျပြီဆိုတော့ မှလက်ခံမယ်။ လျော်ကြေးယူမယ်လို့ပြောထားပါတယ်။ သူတို့ကတော့ဥပဒေနဲ့အညီလျော်ကြေးပေးမယ်လို့တော့ပြောထားတယ်။ ရှေ့မှာတော့ အငြင်းပွားမှုကို ပြေလည်သွားတယ်။ brand ၀င်ညှိတယ်။ အလုပ်သမားကိုပြန်ခန့်ဖို့ပြေလည်ပြီး ပြန်ခန့်လိုက်ပါတယ်။ အဲ့ဒီပြန်ခ န့်ပြီး နှစ်ရက်လောက်မှာပဲ စက်ရုံပိတ်မယ်လို့ ဗြုန်းစားကြီးပြောလိုက်တာ။ တကယ်ဆိုရင် အလုပ်သမားအဖွဲ့အစည်းတွေကိုမရှိစေချင်လို့ ဗြုန်းစားကြီးပိတ်လိုက်တဲ့သဘောပဲ။ စက်ရုံပိတ်မယ်ဆို ကြိုတင်ပြင်ဆင်ရတာလေ စက်ရုံပိတ်သိမ်းတွေခွင့်ပြုချက်တွေတင်ပြီးတော့မှ ပိတ်ရတာ။ တစ်ရက်နှစ်ရက်တည်းနဲ့ထပိတ်လို့မရဘူး။ ဒါကသူတို့ရဲ့အလုပ်မရှိလို့ပိတ်တာမဟုတ်ဘူး။ အလုပ်သမားအဖွဲ့အစည်းတွေကိုမရှိစေချင်လို့ ပိတ်တာ။ ဘာကြောင့်ပိတ်တယ်ဆိုတာ မပြောဘူး။ ကျွန်တော်တို့သမဂ္ဂကိုပြောတော့ ပိတ်မယ်လို့ပဲပြောလိုက်တယ်” လို့ အလုပ်သမားတစ်ဦးကဆိုပါတယ်။
အဲဒီစက်ရုံဟာ အလုပ်သမား ၁၃၀၀ လောက်နဲ့ လည်ပတ်နေတာဖြစ်ပြီး လုပ်ငန်းခွင်အငြင်းပွားမှုမကြာခဏဖြစ်ပေါ်နေတဲ့ စက်ရုံဖြစ်ပြီး အဲဒီစက်ရုံမှာ ဖြစ်ပေါ်နေတဲ့အလုပ်သမားအခွင့်အရေးချိုးဖောက်မှုအပေါ် တိုင်ကြားမှုတွေပြုလုပ်ခဲ့ရာ Brand ကုမ္ပဏီကလာရောက်စစ်ဆေးပြီး အလုပ်ရှင်ရဲ့မှားယွင်းမှုတွေ့ရှိရလို့ အလုပ်ရှင်အလုပ်သမားပြေလည်မှုရရှိသည်အထိ ညှိနှိုင်းကာ ပြေလည်မှုရရှိခဲ့ပြီးနောက် ယခုလိုပိတ်သိမ်းမယ်ဆိုတဲ့ကြေညာချက်ထွက်လာတာဖြစ်တယ်လို့ သ်ိရပါတယ်။
စက်ရုံကို ဖေဖော်ဝါရီလ ၂၈ ရက်မှာစတင်ပိတ်မယ်လို့ ကြေညာထားပြီး အလုပ်သမားတွေကိုနို့တစ်ကြေးတစ်လစာနဲ့လုပ်သက်နစ်နာကြေးတွေပေးမယ်လို့အသိပေးထားတယ်ဆိုပေမဲ့ စက်ရုံပိတ်သိမ်းခွင့်မတင်ရသေးဘဲကြေညာလိုက်တာကြောင့် အလုပ်သမားတွေကတော့ စက်ရုံပိတ်သိမ်းခွင့်ရရှိပြီးမှာသာလျင် စက်ရုံပိတ်လျော်ကြေးပေးခြင်းကို လက်ခံနိုင်မယ်လို့ သိရပါတယ်။
ဝါးတရာစက်မှူဇုန်တွင်ဖွင့်လှစ်ထားတဲ့ အဆိုပါGTIG အထည်ချုပ်စက်ရုံဟာ ၂၀၁၇ တွင် စတင်ဖွင့်လှစ်ကာအလုပ်သမား ၁၃၀၀ နီးပါးခန့်ဖြင့် လည်ပါတ်နေတာဖြစ်ပြီး ကော်ထိုက် ၅ ရုံတွဲမှာ ကော်ထိုက်၄ လို့လူသိများသလို အလုပ်သမားအခွင့်အရေးချိုးဖောက်မှူများ မကြာခဏဖြစ်ပွားတဲ့စက်ရုံလည်းဖြစ်တယ်လို့ သိရပါတယ်။
#MyanmarLabourNews
#STUM
#YS
