NEWS

မြောက်ဒဂုံက လူမှုဖူလုံရေး ဆေးခန်းမှာ ဆေးမရှိ

CoverLogo
488 Views

#ပေးစာ

အယ်ဒီတာများရှင့်

မြောက်ဒဂုံက လူမှုဖူလုံရေး ဆေးခန်း အကြောင်း ပြောပြချင်ပါတယ်ရှင့်။ ဆေးခန်းက လူမှုဖူလုံရေးဆေးခန်းပါ။  တော်ဝင်နဂါးဆေးခန်းလို့ ဆိုင်းပုတ် တင်ထားပါတယ်။ လူမှုဖူလုံရေး တံဆိပ်နဲ့ တော်ဝင်နဂါးတံဆိပ်တွဲ ရေးထား ပါတယ်။ ဗိုလ်မင်းရောင် လမ်းပေါ်မှာ ပါ။

ဆေးခန်းက အလုပ်သမားတွေကို ကုသပေးတဲ့ လူမှုဖူလုံရေးဆေးခန်းမို့လားမသိဘူး ရှင့် ၊  အချိန်အမှန် ဆရာဝန် မရှိပါဘူး၊ ဆေးကလည်း အစုံအလင်မရှိလို့ပါ ရှင့်။

ညီမက အကျိုးခံစားခွင့် တောင်းခံခြင်းလည်း မရှိပါဘူး။ 

ညီမက အရှေ့ဒဂုံ မှာ အလုပ်ဆင်းနေရတဲ့သူပါ ။ နေမကောင်းလို့ မြောက်ဒဂုံက တော်ဝင်နဂါးဆေးခန်းမှာ ခွင့် သွားယူပါတယ်။ ဆေးခန်းရောက်တော့ ဆရာဝန်က မရှိပါဘူး။ မနက် ၉ နာရီဆိုတာ စောနေလို့လားလို့၊ ဒါနဲ့  နောက်တစ်ခေါက်သွားပါတယ် ။ မနက် ၁၀ နာရီအထိ ဆရာဝန်က မရောက်သေးပါဘူး။ နေလယ် ၁၂ ခွဲ လောက် မှာ နောက်တခေါက်သွားပါတယ်။ 

အဲ့မှာ ဆရာဝန်နဲ့ တွေ့ရပါတယ်။ ဆရာဝန်ကစမ်းသပ်ပြီး ဆေးရေးပေးလိုက်ပါတယ်။ ဆေးက ၅ မျိုးသောက်ရ မှာပါ။ ဒါပေမယ့် ဆေးက တစ်မျိုးပဲ ရှိပါတယ် တဲ့။ ကျန်တဲ့ဆေးက ဝယ် သောက်ရပါမယ်တဲ့ ။ 

ညီမက လူမှုဖူလုံရေးကို လစဉ် ၅၀၀၀ ကျော် ပေးဆောင်နေတဲ့သူပါ။ အလုပ်ဝင်ကတည်း ၇ နှစ် ကျော် ဆက်တိုက် သွင်းလာတဲ့ သူပါ။ တခါမှ ဆေးခန်းပြသဖူးခြင်းမရှိပါဘူး။ အခု နှစ် နေမကောင်းလို့ ပြရတာပါ ။ 

အဲ့ဆေးခန်းကို သွားပြတိုင်းလည်း ဆရာဝန်မရှိတဲ့ရက်ဖြစ်နေတာနဲ့၊ မရောက်သေးတာနဲ့ပဲ မပြဖြစ်တော့တာပါ။  ရုံးကပြောလို့ စာချုပ်ဆေးခန်းဆိုပြီး သွားပြတာပါ။ ဖျားလို့  ဆေးခန်း ပြတာက လည်ချောင်းနာလို့ သောက်ရတဲ့ ဆေးလည်း မရခဲ့ပါဘူး။ အကိုက်ခဲပျေက်ဆေးလည်း မရခဲ့ပါဘူး။ ပိုးသတ်ဆေးလည်း မရခဲ့ပါဘူး။ အနီရောင် အားဆေးဆိုတာလေးပဲရခဲ့ပါတယ်။ ဇင့် နဲ့ပတ်သတ်တဲ့ အားဆေးတောင် မရှိပါဘူးရှင့်။ 

အကယ်၍ ဆေးမပေးနိုင်ရင်လဲ ဆေးခန်း ဖွင့်မထားဖို့ တိုက်တွန်းချင်ပါတယ်ရှင့်။

မြောက်ဒဂုံမှ အမျိုးသမီးအလုပ်သမားတဦး 

 #MyanmarLabourNews


Related posts

Cover
Fang Hua အထည်ချုပ် နားရက် အိုတီမဆင်းသူများအား ရက်မှန်ကြေး ဖြတ်
Jun 19, 2025
Cover
Hope one စက်ရုံ အခွင့်အရေးများ လျှော့ချ
Jun 18, 2025
Cover
New Plus စက်ရုံမှာ ဘာတွေ ဖြစ်နေလဲ
Jun 18, 2025
Cover
Tianjin Fashion Milestone စက်ရုံ ကြိုပို့ယာဉ် နောက်ကျမှု အလုပ်သမားများ အခက်တွေ့
Jun 18, 2025
Cover
Dong Chen Handbag စက်ရုံ ဖူလုံရေး မွေးဖွားစာရိတ် ကျပ် ခုနှစ်သောင်း ရမည်ဟု ပြောဆို
Jun 14, 2025
Cover
Shunrong Garment Myanmar လူမှုဖူလုံရေး လစဉ် ပေးသွင်းရပေမဲ့ ဆေးခွင့်မပေး
Jun 11, 2025
Cover
New Plus အထည်ချုပ် စက်ရုံကို တိုင်ကြားချင်ပါတယ် ရှင့်။
Jun 09, 2025
Cover
Myanmar QT စက်ရုံ အိမ်သာသန့်ရှင်းရေးလုပ်ခိုင်းပြီး ပိုက်ဆံဖြတ်
Jun 07, 2025