မြန်မာမျိုးရေသန့်စက်ရုံကိုလဲ ပြောပါအုံး မင်မင်ရေ။

အချိန်ကြေး ot ကို တနာရီ ၁၀၀၀ ပဲ ပေးနေတယ်။

အခြေခံလစာ ၂၆၀၀၀၀ ရဖို့ နှစ်နှစ်လောက်လုပ်ရတယ်။

 

အစိုးရရုံးပိတ်ရက်တွေ ot ဆင်းရင်လည်း အချိန်ပိုကြေး ပေးမပေး သေချာ မသိရနဲ့၊ ဟိုဟာကို ဟိုကောင်မျှော် ရသလိုပါပဲ။

 

မေလ ၁ ရက် အလုပ်သမားနေ့မှာ စက်ရုံရဲ့ FB မှာ ဂုဏ်ပြုထားပါတယ်။ ကျနော်တို့ စက်ရုံအလုပ်သမား တွေ အချိန်ပို အလုပ်ဆင်း ပေးရပါတယ်။ အချိန်ပို ကြေးတော့ မရခဲ့ပါဘူး။ စက်ရုံအလုပ်သမားတွေကို တပြားမှ မပေးဘဲ ဂုဏ်ပြုပါတယ်။

 

အခါကြီးရက်ကြီးတွေကို အလုပ်ဆင်းရတဲ့အခါ အချိန်ပိုကြေး ပေးပါတယ်။ လစာ တစ်ဆခွဲပြောလိုက်၊ နှစ်ဆ ပြောလိုက်နဲ့၊ အချိန်ပိုကြေးအတွက် အလုပ်သမားတွေမှာ ရှုပ်ထွေးပြီး ရမရတောင် မသေချာပါဘူး။

 

သကြန်ပိတ်ရက်ဆိုရင် မနက်၈ ညနေငါးနာရီအထိ တသောင်းခွဲနဲ့ နေ့စားရှင်းပေးပါတယ်။ လက်ရှိ ကုန်ဈေးနဲ့ လစာ၊ otကြေးတွေက အဆင်မပြေပါဘူး မင်မင်ရေ။

 

စက်ရုံက လှိုင်သာယာမြို့နယ်၊ ၁၄ရပ်ကွက် ၊ လှိုင်ရတနာလမ်း မှာပါ။ ၀န်ထမ်းက Helper ၊Production ၊Office အားလုံးပေါင်းရင် ၄၅ယောက် ပါ။

 

လစာ ၂၆၀၀၀၀ မရခင် တလ ၂၃၀၀၀၀ ပဲရပါတယ်။ ဘာခံစားခွင့်မှမရခဲ့ဘူး။ တစ်ခုတော့ရပါတယ်။ တစ်လတခါ ကြက်ဥ ကိုးလုံး ပဲ ရပါတယ်။

ကူညီပါဦး မင်မင်ရေ။