မြန်မာနိုင်ငံကို အရေးယူဖို့ ILO ကချမှတ်လိုက်တဲ့ အရေးယူဖို့ ဆုံးဖြတ်ချက်ဟာ အလုံးစုံစီးပွားရေးပိတ်ဆို့တာမဟုတ်ဘဲ စစ်အုပ်စုနဲ့ ဆက်စပ်ပတ်သက်နေတဲ့ စီးပွားရေးလုပ်ငန်းတွေနဲ့ ပူးပေါင်းလုပ်ဆောင်တာတွေကို အဖွဲ့ဝင်နိုင်ငံ တွေ အနေနဲ့ ပြန်လည်သုံးသပ်ဖို့ လုပ်ဆောင်တာဖြစ်တယ်လို့ မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် CTUM ဥက္ကဌ ဦးမောင်မောင်က ပြောပါတယ်။

အပြည်ပြည်ဆိုင်ရာ အလုပ်သမားအဖွဲ့ချုပ် ILO ရဲ့ ၁၁၃ ကြိမ်မြောက် ညီလာခံကနေ မြန်မာနိုင်ငံနဲ့ စစ်ကောင်စီကို အရေးယူဖို့ တညီတညွတ်တည်း ဆုံးဖြတ်လိုက်တာဖြစ်ပြီး တရုတ်၊ ရုရှနဲ့ ဘီလာရုစ် နိုင်ငံတွေကတော့ ကန့်ကွက်ခဲ့တယ်လို့ သိရပါတယ်။ "စစ်အုပ်စုကို ထောက်ခံနေတဲ့ တရုတ် ရုရှနဲ့ ဘယ်လာရုစ်က လွဲလို့ကျန်တဲ့နိုင်ငံတွေထောက်ခံပါတယ်" လို့ CTUM ဥက္ကဌ ဦးမောင်မောင်ကပြောပါတယ်။

အခုလို ILO ပုဒ်မ ၃၃ နဲ့အရေးယူတာဟာ ဒုတိယအကြိမ်ဖြစ်ပြီး အရေးယူမှုကြောင့် ဘာတွေ ဆက်ဖြစ်လာနိုင်မလဲ၊ စစ်အာဏာရှင် ပြုတ်ကျရေး ဘယ်လိုအထောက်အကူဖြစ်စေလဲဆိုတာကို မေးမြန်းတင်ဆက်ထားပါတယ်။ #MyanmarLabourNews #ILO #Article33