NEWS

မီလားဂါးဒင်းဖိနပ်စက်ရုံမှာ လုပ်ခတိုးပေးရေးတောင်းဆိုမှုပြုလုပ်

CoverLogo
244 Views
 
ရန်ကုန်၊ လှည်းကူးမြို့နယ် ပြည်တော်သာရပ်ကွက် ၊ စက်ရုံလမ်းက မီလာဂါးဒင်း ဖိနပ်ချုပ်စက်ရုံအလုပ်သမားတွေ လုပ်ခတိုးပေးဖို့တောင်းဆိုနေပါတယ်။ အဲ့ဒီစက်ရုံမှာ အလုပ်သမား ၃၀၀၀ ကျော်လုပ်ကိုင်နေတာပါ။
 
မနေ့ကတည်းက တောင်းဆိုနေတာလို့ အလုပ်သမားတွေကပြောပါတယ်။ တောင်းဆိုချက်ထဲမှာ ဒေးကြေး ၁၂၀၀၀ ကျပ်၊ အိုတီကြေး တနာရီ ၂၅၀၀ ကျပ်၊ ရက်မှန်ကြေး ၆၀၀၀၀ ကျပ်နဲ့ နှစ်ကြေး ၅၀၀၀ ပေးဖို့ တောင်းဆိုနေတာပါ။
 
ယခင်သတ်မှတ်ပေးထားတဲ့ ဒေးကြေးက ၄၈၀၀ ကျပ်၊ ထောက်ပံ့ကြေး ၂၀၀၀ ကျပ်နဲ့ အိုတီကြေး တစ်နာရီ ၁၇၀၀ ကျပ်သာရရှိတာကြောင့် စားဝတ်နေရေး လောက်ငှမှုမရှိဘူးလို့ အလုပ်သမားတွေကပြောပါတယ်။
 
"ညီမတို့ကတော့ခုလိုကုန်စျေးနှုန်းတွေ တက်တဲ့အချိန်မှာတော့ လုပ်ခလစာလေးတော့လိုချင်တာပေါ့ ခုကအထက်ဖားအောက်ဖိများနေတော့ဝန်ထမ်း တွေကဘာမှရပိုင်ခွင့်မရှိကြတာ ဖယ်ရီခ လည်း တလကို တသောင်းပေးရတယ်"လို့ အလုပ်သမားက Myanmar Labour News ကို ပြောပါတယ်။
 
တောင်းဆိုမှုနဲ့ပတ်သက်ပြီး လူမှုကွန်ယက် ပေါ်တင်ပါက ၆၆ ဃ နဲ့တရားစွဲမယ်လို့ခြိမ်းခြောက်ထားတယ်လို့ ဆိုပါတယ်။
လက်ရှိမှာ အလုပ်ရှင် အလုပ်သမားကိုယ်စားလှယ်နဲ့ လူမှုဖူလုံရေးရုံးတွေကနေ လာရောက်ညှိနှိုင်းနေပေမယ့် ပြေလည်တာမရှိသေးဘူးလို့ ပြောပါတယ်။
 
"ခုကတော့အခြားစက်ရုံတွေလို ဒေးကြေးဆိုလဲ ရသင့်တာပေါ့ ခုကဘာမှမရဘူး ပေးလိုက်ရင်အနည်းဆုံးဆိုတော့ အဆင်မပြေကြဘူး ခုကဝန်ထမ်းတယောက်ကို ၄သိန်းကျော်လောက်ရတယ်အဲဒါက အစိုးရ ရုံးပိတ်ရက်တွေ အိုတီ ကိုမနားပဲဆင်းရမှ ရတာ အိုတီမရှိရင်မရဘူး လုပ်ခလစာထိုက်ထိုက်တန်တန်လေးနဲ့ မျှမျှတတလေးသူများတန်းတူရစေချင်ပါတယ် အားလုံးကိုလေ ဖယ်ရီကားခကအစ မပေးရဘဲနဲ့ ပေါ့ ပြီးတော့ဖယ်ရီကား ဆိုလဲလေ သူတို့သတ်မှတ်တဲ့ကားမစီးရင်လဲကားခေါင်းတွေ ကားသမားတွေကိုပြောတယ်အဲဒါလေးလဲအဆင်ပြေချင်တယ် လိုင်းတူရင်ဘယ်ကားစီးစီးရစေချင်တယ်ပေါ့ ဖယ်ရီစီးတဲ့သူ အကုန်လုံးပဲပေါ့ မြန်မာခေါင်းဆောင်တေ့ လဲ အားလုံးကို တန်းတူညီမျှအုပ်ချုပ်စေချင်ပါတယ်"လို့ အလုပ်သမားကပြောပါတယ်။

Related posts

Cover
CHI MEI အထည်ချုပ်စက်ရုံ လုပ်ငန်းရပ်ဆိုင်းရန်ပြင်ဆင်မှု အလုပ်သမားဥပဒေများအား ချိုးဖောက်
Oct 23, 2025
Cover
Myanmar Huasheng Kefu Fashion Co.,ltd အချိန်ပိုဖိအားဆင်းခိုင်းပြီး ဥပဒေမဲ့ အလုပ်ထုတ်
Oct 23, 2025
Cover
အပိုထောက်ပံ့ကြေး ၁၀၀၀ ကျပ် မရသည့် လုပ်သားများ တိုင်ကြားနိုင်ဟု စစ်ကော်မရှင်၊ အလုပ်သမားဝန်ကြီးဌာန ကြေညာ
Oct 21, 2025
Cover
အလုပ်သမားအရေးလှုပ်ရှားသူ ဒေါ်မျိုးမျိုးအေး၊ ကိုသက်နှင်းအောင် နှင့် မသက်ထားဆွေ တို့ အင်းစိန်ထောင် မှပြန်လည်လွတ်မြောက်
Oct 20, 2025
Cover
Sun Star အထည်ချုပ်စက်ရုံ တစ်လ အချိန်ပိုနာရီ ၂၀၀ ကျော်ပြီး လုပ်ခ အပြည့်မရ
Oct 20, 2025
Cover
၇,၈၀၀ ကျပ် လုပ်ခ အပြောင်းအလဲမှာ  အလုပ်သမားတွေ ခံစားခွင့်ရ မရ
Oct 20, 2025
Cover
အချိန်ပို အတင်းအကျပ် ဖိအားပေးဆင်းခိုင်းတာနဲ့ ခွဲခြားဆက်ဆံမှုတွေဖြေရှင်းပေးစေလို
Oct 19, 2025
Cover
Xing Yuan (မြန်မာ) အထည်ချုပ်စက်ရုံတွင် အထည်စံချိန်မပြည့်လို့ဆိုပြီး ဖယ်ရီစီစဉ်မပေးဘဲ ပြန်လွှတ်
Oct 19, 2025