NEWS

မန်နေဂျာအမျိုးသမီး တရုတ်အမျိုးသားများနှင့် အောင်သွယ်ပေးနေလို့ လူကုန်မှု ဖြစ်ပွားမှာ အလုပ်သမားများ စိုးရိမ်

CoverLogo
630 Views
 
ပဲခူးတိုင်း၊ အင်းတကော်မြို့မှာရှိတဲ့ Sun Good ဂျင်းဘောင်းဘီ စက်ရုံမှာ စက်တန်း တာဝန်ယူထားတဲ့ တရုတ် အမျိုးသမီး(လုပ်ငန်းခွင်ထဲတွင် ကျဲကျဲဟု ခေါ်) အကြောင်း တိုင်ချင်လို့ပါ။
အဲဒီ တရုတ်အမျိုးသမီး(ထုတ်လုပ်ရေး မန်နေဂျာ)က အလုပ်ထဲက မြန်မာ မိန်းကလေး တချို့ကို တရုတ် အမျိုးသားတွေနဲ့ မိတ်ဆက် ပေးတယ်။ ရည်စားရှာပေးတဲ့ သဘောပေါ့ ။ မိန်းမရှာပေးတဲ့ပုံစံမျိုးကို စက်ရုံထဲမှာ လုပ်နေပါတယ်။
ညီမတို့ရှေ့မှာ ချောတဲ့ မြန်မာ မိန်းကလေးမှန်ရင် အကုန်လိုက်ပြီး အောင်သွယ်ပေးနေတာပါ။ မိန်းကလေး တယောက်ကို သူပြန်ရင် ခေါ်သွားဖို့ စီစဥ်းထားပါတယ်။
သူက တရုတ်နိုင်ငံဘက်က အမျိုးသားတွေနဲ့ အောင်သွယ်ပေးတာပါ။ အဲဒီ အမျိုးသားတွေက လူလွတ်တွေလား ၊မလွတ်တာတွေလားတော့ သေချာမသိရဘူး။
စက်ရုံမှာ အခု သူမရှိပါဘူး။ သူ့ နိုင်ငံကို ရက် ၂၀ လောက် ခဏပြန်သွားတယ်လို့ ကြားပါတယ်။
သူအောင်သွယ်ပေးတဲ့ မိန်းကလေးကို ခေါ်သွားလား၊ မခေါ်သွားဘူးလားဆိုတာတော့ မသိပါဘူး။ ခေါ်သွားပြီး လူချင်းပေးတွေ့ပေးဖို့တော့ သူ စီစဥ်ထားတာပါတယ်။
အဲဒီ တရုတ်အမျိုးသမီးက သူ့ ချိတ်ပေးပြီးရင် သွားဖို့လာဖို့ကို အကုန်တာဝန်ယူပေးပါတယ်။ သူ အောင်သွယ်တဲ့ တချို့ မိန်းကလေးတွေကတော့ လက်မခံပါဘူး။ တချို့ မိန်းကလေး (အမည်ပါ) တွေကတော့ လက်ခံတယ်။
ဖုန်း(ph) ထဲက အမျိုးသားပုံတွေပြပြီး အောင်သွယ်နေတာပါ။ သူ့ရဲ့ မောင်ဝမ်းကွဲ၊ အကိုဝမ်းကွဲ ဆိုပြီး ပြပြပြီး အောင်သွယ် ပြောနေတာပါ။
သူက အစစ သိုသိုသိပ်သိပ် လုပ်နေပါတယ်။ ရုံးခန်းထဲကို သူတို့ အောင်သွယ်တဲ့ မိန်းကလေးကို တယောက်ထဲ ခေါ်ပြီး စကားပြန်နဲ့ပြောတာပါ။
စက်ရုံမှာ ကိုယ်ပိုင်တံဆိပ်ချုပ်ပါတယ်။ လုပ်သားက အရင် ၁၀၀ မပြည့်ပါဘူး။ အခုဆို ပိုနည်းပါတယ်။ စက်ရုံထဲမှာ အမျိုးသမီး အပျို အအိုကတော့ ထပ်ဝက်စီလောက်ရှိပါတယ်။ နိုင်ငံရေးမကောင်း၊ အလုပ်အကိုင် မကောင်းလို့ အဲဒီတရုတ်အမျိုးသမီးက မြန်မာမိန်းကလေးတွေကို လူကုန်ကူး အမြတ်ထုတ်မှာကို စိုးရိမ်လို့ တိုင်ကြားတာပါ ။
(Sun Good အထည်ချုပ်စက်ရုံ ဖွင့်လှစ်တာ ငါးလ ဝန်းကျင်သာရှိပါသေးတယ်။ Dica ရဲ့ အချက်အလက်မှာတော့ နိုင်ငံခြားရင်းနှီးမြှုပ်နှံမှုနဲ့ ဖွင့်လှစ်ထားတဲ့ စက်ရုံလို့ သိရပါတယ်)
Photo- Google

Related posts

Cover
၇ ရက် ဘဏ်စနစ်ဆိုပြီး ဝန်ထမ်းများ နားရက် မရှိ လုပ်ကိုင်ပေးရ
Apr 11, 2025
Cover
Alpine သောက်ရေသန့် သင်္ကြန်ကာလ အတင်းအကျပ် အချိန်ပို လုပ်ခိုင်း
Apr 11, 2025
Cover
Lita Myanmar က HR မန်နေဂျာ အဝတ်အစားပေါ် ခွဲခြားဆက်ဆံ
Apr 09, 2025
Cover
Yangon Global Star အထည်ချုပ် အလုပ်ခန့်လစာထက် လျှော့ပေး
Apr 09, 2025
Cover
ခြေထောက်ရောင်ရမ်းနေသည့် အိမ်အကူအား လျှော်ကြေး သိန်းတရာနီးပါး အိုမန်နှင့် မြန်မာအေးဂျင့်တောင်း
Apr 09, 2025
Cover
Great Summer အထည်ချုပ် သတ်မှတ် လုပ်ခလစာ အပြည့်မပေး
Apr 08, 2025
Cover
Yoyika Garment အထည်ချုပ် သင်္ကြန်ရက်အစား ည ၈ နာရီအထိ လုပ်ကိုင်ခိုင်း
Apr 07, 2025
Cover
ZHEJIANG TONGLI Clothing (Myanmar) ပိတ်ရက်အတွက် ထောက်ပံကြေး မပေး
Apr 06, 2025